Fréttabréf Samtaka lungnasjúklinga - des. 2023, Blaðsíða 7

7
Þetta langa ferli hefur sannarlega tekið á taugarnar. „Fyrst
eftir að hann komst á listann vorum við alltaf að bíða eftir
að eitthvað myndi gerast, þar sem meðalbiðtíminn átti að
vera sex mánuðir. Eftir þann tíma fannst manni þetta vera
aðeins farið að dragast á langinn. Eftir ár vorum við orðin
svartsýn um að ekkert væri að fara að gerast. Eftir eitt og
hálft vorum við viss um að þetta yrði aldrei að veruleika og
tókum upp úr töskunum.“
Dæmigert spennufall
Í síðustu viku segir Eyrún að sér hafi dottið helíumblaðra
í hug. „Ef þú stingur á hana, dettur hún bara niður.
Tilfinningin var svolítið þannig í síðustu viku. Púff! Þá gerði
ég mér grein fyrir því. Ekki það að ég hafi verið að hugsa
um það alla daga að við værum að bíða, heldur áttaði ég
mig á hvað þetta var búið að taka á, einhvers staðar hérna
á bak við,“ segir hún og tekur um hnakkann. „Þegar biðin
var loks á enda og allt yfir staðið gerði ég mér grein fyrir
spennunni sem var búin að einkenna þetta hópstarf okkar
Pollýönu og Nenna neikvæða allan þennan tíma. Þetta var
alveg dæmigert spennufall!“
Þeir eru skuggavaktin
Að sögn Eyrúnar eru aðstandendur mjög mikið útundan.
„Þeir eru skuggavaktin. Það sér þá enginn. Ekki svo að
skilja að hjúkrunarfólkið á Sahlgrenska hafi ekki reynst vel,
það var alveg dásamlegt. Maður verður hins vegar svolítið
eftir í upplýsingaveitunni. Eins og þegar læknirinn kemur
að manni fjarstöddum og segir eitthvað við sjúklinginn
sem er í oxívímu og man ekki fyrir horn, hvað þá fram á
klósett,“ segir hún og hlær. „Ef aðstandandi er til staðar þá
á hann að vera með í upplýsingagjöfinni. Ég varð hins vegar
svolítið að afla mér þeirra sjálf. Aðstandendur eru með í
þessu ferli alveg frá upphafi. Ég hef t.d. farið með Eiríki í
nánast hvern einasta tíma og í öll tjekk fyrir aðgerðina.
Núna erum við í þessu eftirferli og mér finnst ég vera farin
að fá góða svörun frá þeim uppi á deild. Það er mjög gott
flæði þar. Mjög góð samskipti við lungnateymið.“
Þetta er svolítið eins og sjórinn
Nú þegar aðgerðin er loks yfirstaðin eftir þessa löngu bið
og miklu spennu blasa nýir tímar við. „Framtíðin er bara
einn dagur í einu,“ segir Eyrún að lokum. „Hver dagur er
sigur og þeir eru búnir að vera allmargir núna. Auðvitað eru
ekkert allir dagar alveg frábærir. Þetta er svolítið eins og
sjórinn. Það koma öldur. Lífið er bara þannig en þá tæklar
maður það. Þetta eru bara verkefni sem þarf að leysa.
Þegar mér var boðið að vera hálfan mánuð í viðbót í fríi, þá
þáði ég það af því að ég fann að ég var ekki alveg tilbúin.
Starfið mitt felst aðallega í samskiptum og inneignin hjá
mér var komin í svolítið lágmark. Ég er að safna inneign
núna. Það er líka svo mikilvægt að gera einhver plön, hafa
markmið og átta sig á því hvenær maður er tilbúinn.“
Á síðasta ári voru gerðar breytingar á sam-
þykktum félagsins sem tryggja að styrkir
til Lungnasamtakanna og Vísindasjóðs
Lungnasamtakanna veita styrktaraðilum rétt
til skattafrádráttar.
Einstaklingur getur fengið skattafrádrátt (lækkun á
tekjuskattsstofni) sem nemur allt að 350.000 kr. 
(700.000 kr. hjá hjónum) á ári, vegna gjafa og framlaga
til félagsins. Fyrirtæki geta einnig veitt styrk fyrir allt að
1,5% af rekstrartekjum sínum árlega.
Skilyrði fyrir skattafrádrætti er að Lungnasamtökin
sendi kvittun fyrir móttöku með upplýsingum um nafn,
kennitölu gefanda og fjárhæð framlags. Auk þess þurfa
Lungnasamtökin að senda inn skilagrein til skattsins við lok
almanaksársins með samantekt framlaga hvers gefanda
og skila þessum upplýsingum til Skattsins, samhliða öðrum
árlegum gagnaskilum. Á grundvelli gagnaskilanna verður
frádráttur áritaður á framtal gefanda.
Þeir sem vilja styrkja félagið á þennan hátt geta
lagt inn á styrktarreikningana:
Lungnasamtökin:
Kt. 670697-2079, reikningur 0133-15-380114
Vísindasjóður Lungnasamtakanna:
Kt. 691217-0940, reikningur 0133-05-010098
Jafnframt þarf að senda inn upplýsingar um nafn
og kennitölu gefanda, ásamt fjárhæð framlags á
lung@lungu.is þannig að hægt sé að ganga frá kvittun
og skilagreinum til skattsins.
Almannaheillaskrá
styrkir – skattafrádráttur