Goðasteinn - 01.03.1971, Page 20

KAUPFÉLAG EYFELLINGA
o
sameiginlegar vörupantanir og létu verzlunarfyrirtæki í Reykjavík
og Vestmannaeyjum síðan gera tilboð í vörumagnið. Tóku þeir
upp staðgreiðslu og seldu víxil að vorinu og náðu með þessum
hætti mun hagstæðari kjörum en venja hafði verið. Vörurnar
fengu þeir félagar svo með bátum að Fjallasandi, skipuðu á land
í Holtsvörum og skiptu milli eigenda þar á ströndinni. Gafst
þetta vel og tóku menn að hugleiða mátt samtakanna á verzlun-
arsviðinu meira cn áður. Guðbrandur Magnússon annaðist bók-
hald og fjárreiður þessara viðskipta að kostnaðarlausu. Með
brottför hans úr héraði vorið 1917 féll starfscmin niður. En Vestur-
Eyfellingar, sem notið höfðu góðs af viðskiptunum, vildu ekki
gefast upp við svo búið. Því var það snemma árs 1919, sem tíu
18
Goðasteinn