Goðasteinn - 01.03.1971, Blaðsíða 42

Sr. Jón gat þó ckki hugsað sér, að Breiðabólstaður í Papýli
hafi verið sami bær og Breiðabólstaður í Fellshverfi, enda er
það rökrétt.
Einar Ól. Svcinsson prófessor (Landnám í Sk.þingi) telur að
vísu hugsanlegt, að synir Hrollaugs hafi ekki búið á Breiðaból-
stað og telur þá líklegt að þeir hafi setzt að á Kálfafelli og Borg-
arhöfn, þar sem það séu hvortveggja stærri jarðir. Þetta (með
stærðina) er þó mjög vafasamt.
Með Breiðabólstað verður að telja Stcina, Reynivelli og Fell
til að fá réttan samanburð; en eftir Jarðabók Isleifs Einarssonar
(1709) var Borgarhöfn 30 hundr. og Kálfafell jafnt. Um Kálfa-
fellsstað var ekki vitað, en ætla má að hann hafi verið 40 hundr.
og væri það þá til samans 100 hundr.
Samkvæmt sömu heimild, voru Breiðabólstaður og Reynivellir
hvort um sig 30 hundr. og Steinar 12 hundr. Dýrleiki Fells var
á 16. öld 40 hundr. og hafa þá þessar jarðir verið að minnsta
kosti 112 hundr. samanlagt. Fellsengjar voru taldar beztar af engj-
um Suðursveitar langt fram á síðastliðna öld.1)
En Jarðabók Isleifs tekur af allan vafa um það, að Staðarfjall
var ckki kennt við kirkjustað, því í henni nefnir hann það fullu
nafni Breiðabólstaðarfjall, og það nokkrum sinnum, svo að ekki
getur verið um villu að ræða. Ekki þarf heldur að efa, að Isleifur
hefði getið þess, ef sagnir hefðu verið um stóran stað undir
Breiðabólstaðarfjalli, þar sem Breiðbælingar höfðu selstöðu á
hans dögum.
Það mun því óhætt að segja, að ekkert sé að marka þær sagnir,
sem telja að Papýli hafi verið í Suðursveit, og fullyrðingin í nafna-
skrá ísiendingasagnaútgáfunnar röng; Papýli hafi alls ekki verið
í Suðursveit.
En hvar var þá Papýli?
Eins og áður er sagt, er það aðeins Hof og Breiðabólstaður,
sem geta gefið bendingu um það, (nema ef hægt væri að átta sig
á hvar Vorsar bjuggu). Trúlega hafa þessir bæir verið skammt
hvor frá öðrum, því svo virðist, að Þorgeir hafi verið færður frá
1) Fcll var metið á 60 hdr. 1697. Þorv. Thoroddsen: Ferðabók III, bls. 232.
40
Goðasteinn