Goðasteinn - 01.03.1971, Side 79

í Hvammi um ættir Rangæinga og Skaftfeliinga. Þá sagðist .hann
ekki hafa gefið því gaium og helzt gengið út, en á elliárum
harmaði hann að hafa ekki lagt eyrun við þeim fræðum.
Sigurður Brynjólfsson frá Vatnahjáleigu í Landeyjum ólst upp í
Lækjarhvammi (Norðurhjáleigu) þar í byggð. Frá honum hef ég
þessa frásögn:
„Ingibjörg Árnadóttir hét gömul kona, sem stundum kom að
Lækjarhvammi og á næstu bæi þar í kring í ungdæmi mínu. Ég
held, að hún hafi þá verið til heimilis einhvers staðar undir Vest-
ur-Eyjafjöllum. Einu sinni var ég látinn fylgja henni til næsta
bæjar. Settist hún þar í baðstofu og tók fólkið tali, því henni var
að jafnaði létt um mál. Við krakkarnir brugðum á leik og gáfum
tali fullorðna fólksins engan gaum, fyrr en við heyrðum gegnum
leikærslin, að Ingibjörg sagði: „Afi minn átti 20 börn“. Þetta
þótti okkur slík firn, að við rákum upp skellihlátur. „En þau
létu ekki eins og fífl“, bætti sú gamla þá við.“
Nú eru það aðeins rytja af askloki, spónn og hornístað, sem
mi.nna áþreifanlega á það, að til hafi verið kona, sem hét Ingi-
björg Árnadóttir, kona, sem átti sér mikil örlög en litla sögu.
Hornístaðið hennar lætur iítið yfir sér, cn blessuð veri þau, sem
fleyttu því yfir torfærurnar og vonandi í trygga höfn.
Árétting utn þingboðsaxir
Þingboðsöxi var síðast borin um í Árnessýslu 1879. Kolbeinn
frá Úlfljótsvatni sagði, að hreppstjóraaxir hefðu verið óverklegri
en sýslumannsaxir, svipminni, blaðið ekki eins stórt, mjórra og
ekki snaghyrnt. Þannig var öxi Jóns á Bíldsfclli. Axir, sem Kol-
beinn sá, voru allar smíðaðar úr eik.
Teikning af hornístaði er gerð af Jóni Kristinssyni skólastjóra,
Skógum.
Goðasteinn
77