Úrval - 01.12.1980, Side 3

1
12. hefti
39. ár
Úrval
Desember
1980
Þetta ár tekur enda eins og öll hin — það er kominn desember. Þá hafa margir
fyrir sið að hugleiða liðið ár, hvað áunnist hefur og hvað úrskeiðis hefur farið.
en líta jafnframt fram á veg og reyna að gera sér hugmynd um hvað við tekur
og hvernig má áætla.
íhugun af þessu tagi kemur þð ekki alla jafna fyrr en í lok mánaðarins, því
flestir hafa yfrið nóg á sinni könnu framan af mánuðinum. Þá er verið að huga
til jóla — draga björg í bú og gera sér sem best í haginn fyrir komandi jóla-
hátíð.
Tíminn er fljótur að líða í desember. Fæstir hafa næði eða tíma til að tylla sér
og sinna íhugunum eða lestri blaða og bóka — sem þó flæða meira yfir okkur
en endranær einmitt í þessum mánuði. Það er einmitt þá, sem Orval kemur sér
svo vel. Það er hægt að slaka ögn á amstrinu og lesa eina góða grein í Úrvali yfir
kaffibolla eða jafnvel á leið milli staða í strætó. Það er einmitt þannig sem
Úrval á að vera: það á að flytja fróðleik til þeirra, sem knappan hafa tíma og
þykir hentugt að fá lesefni til gagns og gamans í samþjöppuðu formi sem hæfir
hraða nútímans.
Við látum ekki fleiri aðfaraorð fylgja desemberhefti Úrvals að þessu sinni.
heldur óskum lesendum gleðilegra jóla og að þeir megi taka annirnar sem
léttast. Ritstjóri
Kápumynd:
Ár þurfa hvorki að vera stór vatnsföll né háhrapandi til þess að búa yfir sinni
eigin tign og þokka. Lagleg var hún í vetrarhamnum rétt upp úr nýári í fyrra
þessi: Seljadalsá við Þormóðsdal.