Veiðimaðurinn - 2024, Side 47

einkrækjur og missti ekki oft fisk. Ég trúi
því að þær festist betur og haldi betur þó
að ég geti ekki verið alveg viss. Þetta voru
alltaf frekar stórar flugur miðað við það
sem notað er í dag, í stærðum 10, 8 og 6 og
jafnvel stærri. Við veiddum alltaf á svo öfl-
ugar stangir að stærð og þyngd flugunnar
skipti ekki máli. Fyrstu flugurnar sem ég
fékk frá pabba voru með lykkju úr görn
fyrir auga og þættu ekki líklegar í dag.
Mín uppáhaldsfluga er og verður Munro
Killer. Ég veiddi mikið með Bretum
sem ég þekkti og gegnum þá kynntist
ég þáverandi formanni Atlantic Salmon
Trust og hann gaf mér í kurteisisskyni
flugur hnýttar af fantaflinkum skoskum
hnýtara, henni Megan Boyd. Þessar flugur
voru Munro Killer einkrækjur í stærð 10 og
12 og ég veiddi á þær þangað til þær voru
allar alveg búnar. Ég hafði enga ástæðu til
að eiga þær í safni, mér finnst sjálfsagt að
veiða á þær af virðingu við Megan Boyd.
Hún hefur verið ansi klár hnýtari því flug-
urnar entust vel. Eftir þetta hefur Munro
verið mín uppáhaldsfluga. Og ef ég kasta
Squirmy í hyl í einhverju þroti og fæ lax,
þá skrái ég hann á Munro Killer!“ bætir
Jón við og hlær prakkaralega.
Kvikmyndagerð
Þegar þetta er skrifað hefur Jón verið við
veiðar í meira en sjö áratugi. Hann lærði
rafmagnstæknifræði og síðan kvikmynda-
gerð hjá danska sjónvarpinu og vann hjá
Ríkissjónvarpinu þegar það byrjaði. Á
þessum tíma eignaðist hann kvikmynda-
vél og fór að gera sitt eigið efni og mynda
og svo fór að kvikmyndagerð varð ævi-
starf hans.
„Ég gerði meðal annars myndir um veiði
sem hafa verið sýndar hér í sjónvarpi og
víðar. Má nefna Fiskur á færi, Fighters og
Will There Be Salmon Tomorrow? fyrir
The Atlantic Salmon Trust.“
Með Art Lee í Aðaldal
Jón hefur kynnst og veitt með fjölda veiði-
manna gegnum árin, bæði innlendum og
erlendum. Hann veiddi lengi með Bretum
og einnig Bandaríkjamönnum sem sóttu
Laxá heim. Einn af þeim var hinn frægi
veiðimaður Art Lee.
„Við störf mín kynntist ég Art Lee gegnum
Dan Rather, sem ég vann með fyrir 60
Minutes í Bandaríkjunum fyrir löngu. Dan
og Art Lee þekktust og þegar Art kom til
veiða í Laxá fór ég með.
Ég man eitt sinn að við erum við Hólma-
vaðsstíflu og Art er úti í á að kasta og ég að
mynda, þá kemur Kristján bóndi á Hólma-
vaði að og sest hjá mér. Við sátum góða
stund og fylgdumst með Art kasta með
bambustvíhendunni án þess að verða var
þegar Kristján segir við mig: „Jón, vilt þú
ekki bara prófa? Það gengur ekki neitt hjá
honum.“ Þá tek ég karbonstöngina mína
og fer vel upp fyrir Art, þangað sem er
eiginlega ekki veiðistaður. Eftir þrjú köst
er ég búinn að setja í lax og landa 10 punda
fiski. Það sem eftir lifði dags veiddi Art
aðeins með minni stöng, sem hann fékk
að láni og skilaði ekki fyrr en að kvöldi.
Veiðimaðurinn 47