Veiðimaðurinn - 2024, Blaðsíða 94

á tvær stangir í Leirvogsá. Aðeins Selá,
Ytri-Rangá, Urriðafoss, Laxá í Ásum og
Eystri-Rangá gáfu fleiri laxa á stöng, sem
verður að teljast nokkuð merkilegt. Veiði
dróst nokkuð saman milli ára en var engu
að síður ágæt þegar horft er til síðari tíma
samhengis. Gjöfulasti veiðistaðurinn var
Kvörnin og flestir laxar veiddust á maðk.
35 sjóbirtingar voru skráðir í veiðibók og
þrír hnúðlaxar komu á land 2023.
Laugardalsá
Laugardalsá hefur átt á brattann að sækja
undanfarin ár, þar sem laxveiði hefur
dregist verulega saman. Engu að síður
nýtur áin nokkurra vinsælda, enda er
svæðið fagurt og öll aðstaða er til fyrir-
myndar. Veiðihúsið rúmar 12 gesti og því
hentar áin stærri hópum vel, til dæmis fjöl-
skyldum. Talsvert er af urriða í vötnunum
tveimur sem áin þræðir sig í gegnum og
í efsta hluta árinnar. Aðstæður í Laugar-
dalsá voru erfiðar sumarið 2023. Þurrkar
og vatnsleysi einkenndu veiðitímabilið
allt frá byrjun til loka ágústmánaðar og
lax gekk seint í ána. Alls gengu 219 laxar
gegnum teljara, en 81 var skráður í veiði-
bók. Þrír eldislaxar fundust í ánni.
Sandá
Veiði í Sandá gekk vel sumarið 2023 og
raunar var hún aflahæst áa í Þistilfirði. Áin
nýtur mikilla vinsælda hjá félagsmönnum
SVFR og það er ánægjulegt að sjá félags-
menn ná betri tökum á þessari veiðiperlu.
Aðstæður voru hinar ágætustu strax við
opnun, þar sem nokkuð af fiski var gengið
í ána og vatnsstaða góð. Talsverðir þurrkar
settu þó mark sitt á sumarið og vatnið fór
þverrandi eftir því sem á leið. Vel safnaðist
af fiskum í kistur sem fluttir voru á ófisk-
geng svæði ofan Sandárfoss í lok veiði-
tímabils. Alls veiddust 336 laxar og var
99% þeirra sleppt aftur, enda skylda að
sleppa í ánni. Að venju komu stórir fiskar
á land og var meðallengdin þetta sumarið
72 cm. Ólafshylur og Efri Þriggjalaxahylur
Ár Fjöldi laxa
2023 336
2022 372
2021 173
2020 335
2019 290
2018 270
2017 265
2016 380
Laxveiði í Sandá
Ár Fjöldi laxa
2023 81
2022 92
2021 110
2020 111
2019 73
2018 198
2017 175
2016 251
Laxveiði í Laugardalsá
Ár Fjöldi laxa
2023 303
2022 455
2021 279
2020 241
2019 113
2018 250
2017 281
2016 312
Laxveiði í Leirvogsá
94 Skýrsla stjórnar SVFR