Veiðimaðurinn - 2024, Blaðsíða 12

Nú geta fleiri sofið einir
í Langárbyrgi
„Það er alltaf að aukast að menn vilja
jafnvel ekki deila herbergi. Nú hafa við-
komandi þann valkost að uppfæra og
fara í einkaherbergi gegn því að greiða
aukaþóknun,“ segir Ingimundur Bergs-
son, framkvæmdastjóri Stangaveiðifélags
Reykjavíkur, um notagildi nýrrar viðbygg-
ingar við veiðihúsið Langárbyrgi í Langá.
Í nýju álmunni eru sex svefnherbergi
fyrir veiðimenn á efri hæð og geymsla og
þrjú til fjögur herbergi á neðri hæð ætluð
staðarhaldaranum og öðru starfsfólki í
veiðihúsinu.
Sofa ekki hjá ókunnugum
Tímarnir eru að sögn Ingimundar að
breytast að því leyti að veiðimenn hafa æ
meiri væntingar um þægindi og aðbúnað
í veiðihúsum.
„Kröfurnar verða alltaf meiri og meiri
varðandi húsakost. Í hjónahollum eru hjón
saman í herbergi en oft er það þannig,
til dæmis þegar fyrirtæki eru að bjóða í
veiði, að mönnum sem þekkjast ekki finnst
óþægilegt að deila herbergi,“ útskýrir Ingi-
mundur. Menn hvílist líka betur þannig
og séu upplagðari fyrir það sem allt snýst
um; veiðina sjálfa. „Það er betra að þeir
sem hrjóta mikið geti verið sér á báti,“
bendir hann á.
Hingað til hafa verið tólf herbergi fyrir
veiðimenn í Langá en nú verða þau átján.
Áfram halda umbætur í veiðihúsinu Langárbyrgi við
Langá. Sex svefnherbergi í nýrri viðbyggingu þýða að
betur er hægt að mæta vaxandi kröfum veiðimanna
um einstaklingsherbergi, að sögn Ingimundar Bergs-
sonar, framkvæmdastjóra SVFR.
Eɷir
Garðar Örn Úlfarsson
12 Nú geta fleiri sofið einir í Langárbyrgi