Goðasteinn - 01.09.1995, Blaðsíða 159

ANNALAR
Goðasteinn 1995
Sveitarfélög
Héraðsnefnd og sveitarfélög í
Rangárþingi
Hér á eftir fara frásagnir um líf og starf
í sveitarfélögunum tíu í Rangárþingi.
Þarna er greint frá starfi á vegum sveitar-
félaganna sjálfra og starfi sem unnið er af
ýmsum félögum eða stofnunum. Athugið
að sérstaklega er fjallað urn íþrótta- og
ungmennafélög, kvenfélög, sóknir og ýmis
félög sem starfa þvert á hreppamörk.
Aður en fjallað er um einstök sveitar-
félög, verður sagt frá samstarfsvettvangi
þeirra, Héraðsnefnd Rangæinga.
Síðan hefjum við ferðina austast í
Rangárþingi og endum vestast. Sveitar-
félögin eru þessi:
Austur-Eyjafjallahreppur
Vestur-Eyjafjallahreppur
Austur-Landeyj ahreppur
Vestur-Landeyjahreppur
Flj ótshlíðarhreppur
Hvolhreppur - Hvolsvöllur
Rangárvallahreppur - Hella
Holta- og Landsveit
Asahreppur
Djúpárhreppur.
Ekkert efni barst frá oddvita í V.-Land-
eyjahreppi, þrátt fyrir ítrekaðar tilraunir
ritnefndar.
Héraðsnefnd Rangæinga
Að beiðni ritnefndar Goðasteins verður
hér gerð grein fyrir helstu verkefnum
Héraðsnefndar Rangæinga á árinu 1994.
Svo sem kunnugt er voru sýslunefndir
lagðar niður frá og með ársbyrjun 1989 og
komu héraðsnefndir í þeirra stað. Héraðs-
nefndum er samkvæmt lögum ætlað að sjá
um ýmis verkefni, einkum þau sem teljast
sameiginleg fyrir sýsluna alla. Auk lög-
boðinna verkefna sinnir héraðsnefndin
ýmsum öðrum málaflokkum fyrir hönd
sveitarfélaganna í sýslunni.
Hinn 30. september 1988 var stofn-
fundur Héraðsnefndar Rangæinga haldinn
í félagsheimilinu Hvoli. Samkvæmt sam-
þykktum Héraðsnefndar Rangæinga skal
sveitarstjórn þar sem íbúafjöldi er innan
við 500 kjósa einn fulltrúa í héraðsnefnd,
en ef íbúafjöldi sveitarfélags er 500 eða
fleiri kýs sveitarstjórn tvo fulltrúa. Kjör-
gengir eru aðalmenn í sveitarstjórn og
framkvæmdastjórar sveitarfélaga. Tvö af
tíu sveitarfélögum Rangárþings, Hvol-
hreppur og Rangárvallahreppur, telja fleiri
íbúa en 500 og því eru tveir fulltrúar í hér-
aðsnefnd frá þessum sveitarfélögum. Hin
átta sveitarfélögin skipa einn fulltrúa hvert
og þar með eru héraðsnefndarmenn í
Rangárþingi 12 með núgildandi skipan
sveitarfélaga.
Héraðsnefnd skipar fulltrúa í ýmsar
nefndir. Sumar þeirra eru lögboðnar en
aðrar stofnsettar fyrir tilstuðlan héraðs-
nefndar. I framhaldi af sveitarstjórna-
kosningum vorið 1994 var m.a skipað til
eftirtalinna nefnda:
-157-