Goðasteinn - 01.09.1995, Qupperneq 218

ANNALAR
Goðasteinn 1995
íþróttafélög
Ungmennafélagið Njáll
Aðalfundur félagsins var haldinn 5.
febrúar 1994 og var þessi stjórn kosin:
Formaður Bóel Anna Þórisdóttir, gjaldkeri
Asdís Kristinsdóttir, ritari Björgvin Jóns-
son og varaformaður Anna Berglind
Indriðadóttir.
Formaður félagsins lét af störfum á
haustdögum vegna skólavistar og tók vara-
formaður þá við.
Eins og áður hefur starfið snúist að
mestu um íþróttir.
Frjálsar
Árið byrjaði á árlegri keppni milli
okkar og nágranna okkar í Dagsbrún. Að
þessu sinni biðum við lægri hlut. Þá áttum
við keppendur á öllum innanhússmótum
HSK sl. vetur. Nokkrir úr okkar röðum
voru valdir í lið HSK til þátttöku á Meist-
aramótum íslands bæði 14 ára og yngri og
15-18 ára. í mars sameinuðu lið Njáls og
Dagsbrúnar krafta sína gegn liði UBH í
Hvolhreppi og höfðu okkar menn betur.
Þessi keppni hefur ekki verið haldin áður
en mæltist vel fyrir. Félagið tók þátt í
íþróttahátíð HSK í sumar. Rangæinga-
mótið var svo lokapunktur sumarsins að
venju. Ágætt lið mætti á Rangæingamótið
innanhúss nú í haust.
Borðtennis
Borðtennis hefur nokkuð verið stund-
aður hér undanfarin ár. Ágætt lið frá okkur
mætti á HSK-mótið sl. vetur og stóð sig
vel. Tveir keppendur náðu verðlauna-
sætum.
fþróttamaður ársins
Hreimur Heimisson var valinn íþrótta-
maður ársins hjá félaginu fyrir árið 1993
og varðveitir farandgrip félagsins í eitt ár.
Félagið tók að vanda þátt í útnefningu
Kiwanisklúbbsins Dímonar á íþróttamanni
ársins í Rangárvallasýslu.
Fjáröflun
Eina fjáröflunin á árinu var okkar árlegi
réttardansleikur í Njálsbúð. Að þessu sinni
skilaði hann litlum hagnaði. Fjárhagsstaða
okkar er engu að síður góð.
Annað
Hátíðahöldin 17. júní eru alltaf í umsjá
félagsins. I tilefni af 50 ára lýðveldisaf-
mælinu voru hátíðahöldin veglegri en
venjulega. Farið var í hópreið þar sem
Bóel Anna, formaður félagsins, var í farar-
broddi og reið í söðli á íslenskum búningi.
Á eftir flutti Bóel svo ljóðið „ísland er
land þitt.“ Að þessu búnu voru hefðbundin
hátíðahöld með víðavangshlaupi o.fl.
Leikjanámskeið var haldið í sumar á
vegum HSK. Þátttaka var með minnsta
móti. Fréttabréf félagsins sem nefnist
Yalur var gefið út fjórum sinnum á árinu.
Þar er sagt frá því sem um er að vera
hverju sinni og einnig geta sveitungar
komið á framfæri tilkynningum eða öðru
efni. Nokkrir félagar mættu til starfa fyrir
okkar hönd á Landsmóti UMFÍ á Laugar-
vatni í sumar. Er nú upptalið það helsta úr
okkar starfi.
Anna Berglind Indriðadóttir
-216-