Goðasteinn - 01.09.1995, Blaðsíða 231

ANNÁLAR Goðasteinn 1995 Ýmis félög
Oddafélagið
Oddafélagið, samtök áhugamanna um
endurreisn fræðaseturs að Odda á Rang-
árvöllum, var stofnað í Odda 1. desember
1990, eftir aðdraganda og undirbúning frá
því um ársbyrjun 1990. í lögum félagsins
segir að tilgangur félagsins sé að gera
Odda að miðstöð umhverfis- og þjóðlífs-
fræða. Fræðastörf á vegum félagsins
beinast bæði að alþjóðlegum vísindum og
fræðslu almennings, m. a. með fundum og
ferðum. Þá segir ennfremur, að meðan
ekki er aðstaða á staðnum sjálfum, þ.e.a.s.
í Odda, séu ráðstefnur og önnur starfsemi
fyrir atbeina félagsins einkum iðkuð í
nágrenninu. Hún skal þó ætíð tengd nafni
Oddastaðar.
Oddafélagið hefur síðan staðið fyrir
samfundum af ýmsu tagi til að minna á
hugsjón sína, svo sem fræðsluferðum um
Rangárþing, árlegri fjölfaglegri ráðstefnu
sem kölluð er Oddastefna og árlegri
Oddahátíð í júní, sem hin síðari ár hefur
verið haldin í Odda. Félagið hefur eftir
mætti reynt að stuðla að framgangi mála
sem aðrir vinna að á sviði menningar og
nátturuverndar í Rangárþingi. Hefur verið
leitað til félagsins um stuðning við ýmis
konar þjóðþrifamál. Félagið hefur á hinn
bóginn og alla tíð notið einlægs stuðnings
og samvinnu Héraðsnefndar Rangæinga.
Sömuleiðis hefur félagið frá upphafi notið
velvildar og þátttöku sóknarprestanna í
Frá vígslu hringsjár á Gammabrekku 18. júni' 1994. Prestsdæturnar Jakobína
Erlendsdóttir (t.v.) og Tinna Sigurðardóttir (t.h.). — Ljósmynd: Sigurður Jónsson.
-229-