Goðasteinn - 01.09.2018, Page 52

50
Goðasteinn 2018
Hier hvijla siðprúð sæmdahjón
sáluge Biarne Halldórsson
Góð dæmen öðrum gáfu af sier
og Guðríður sæl Eyjólfsdóttir
Helgi jólanna hófst í kirkjunni
á aðfangadagskvöld
Það var ómissandi inngangur jólahátíðarinnar á Keldum að fara í kirkju á að-
fangadagskvöld. Móðir mín segir svo frá bernskujólum sínum: „Það er aðfanga-
dagskvöld. Allt hefur verið þrifið vel, timburgólfin sandskúruð, moldargöng og
hellulögðu gólfin sópuð vandlega. Allt heimilisfólkið fetar sig áfram með ljós-
berann gegn um dimm göngin yfir hlaðið og kirkjugarðinn. Þegar komið er inn
í kirkju er kveikt á öllum kertunum þar, 40 talsins. Þau hafði faðir minn steypt
úr tólg fáum dögum fyrr. Hjónin ganga inn að altarinu en börnin skipa sér í hálf-
hring að baki þeim og svo annað heimilisfólk. Þá eru sungnir 2–3 jólasálmar.
Byrjað er á sálminum Nú eru byrjuð blessuð jól. Þá er kirkjuklukkunum hringt,
klippt kulskarið af kertunum og svo eru ljósin slökkt. Nú er búið að vígja ný-
steyptu kertin. Djúp kyrrð og friður hvílir yfir öllu. Nú er allt heilagt.“
guðmundur ríki Brynjólfsson á Keldum
Langafi minn Guðmundur Brynjólfsson (1794–1883) bjó á Keldum í 50
ár, frá 1833–1883. Áður bjó hann á Árbæ á Rangárvöllum í 14 ár. Hann var
þríkvæntur og átti með eiginkonum sínum 24 börn. Eitt barn átti Guðmundur
með bústýru sinni eftir að hann missti fyrstu konu sína. Talið er að hann hafi
átt 3 börn með tveimur vinnukonum, annarri í Króktúni, hinni á Keldum. Þær
feðruðu ekki börnin. Eftir þessu átti Guðmundur 28 börn. Hann var 74 ára, er
síðasta barnið fæddist. Milli elsta og yngsta barns voru 47 ár [meira um Guð-
mund í næstu grein].
Vigfús guðmundsson frá Keldum „Vigfús í engey“
Vigfús var yngsta barn Guðmundar Brynjólfssonar, sem var 74 ára er Vigfús
fæddist 1868. Líklega var hann 28. barn Guðmundar. Vigfús skrifaði bók um
æskuheimili sitt og bernskuslóðir. Þess vegna er hans getið hér fremur en ann-
arra barna Guðmundar á Keldum. Bókin er Keldur á Rangárvöllum frá bókaút-
gáfu Guðjóns Ó Guðjónssonar 1949.
Fæddust hann 1679
hon 1688
Giptust 1709
Börn þeirra 17
Sáluðust hann 1757
hon 1756