Goðasteinn - 01.09.2018, Qupperneq 139

137
Goðasteinn 2018
var niður á um 1850 m dýpi án mikils árangurs og nú ráða menn ráðum sínum
með framhaldið en a.m.k. er ljóst að ekki verður haldið áfram með óbreyttum
aðferðum. Aðalholan í Götu var virkjuð á ný og vatnsöflun komið í fyrra horf
en meðan á borun stóð þá þurfti að loka fyrir og í raun skammta vatn sem var
nú ekkert sérstakt svona í vetrarkuldum sem ríktu á tímabili síðasta haust og
vetur. Íbúar í Rangárþingi tóku þessu þó af æðruleysi – þó ekki væri hægt að
komast í sund í nokkrar vikur – enda stóðu vonir til að aukið heitt vatn kæmi
út úr þessum tilraunum. Það er því ljóst að áfram þarf að halda í leit að auknu
heitu vatni til upphitunar og laugunar hér um slóðir.
snjór og samgöngur
Á síðasta ári var gerð sú skipulagsbreyting hvað snjómokstur varðar að auka
við þjónustuna þannig að mokað verði, ef þörf krefur, allt að 3 daga í viku
að öllum heimilum í dreifbýli þar sem fólk hefur lögheimili. Síðustu árin hafa
reyndar verið afar snjólétt en þessi mál þurfa auðvitað að vera á hreinu enda
búseta í dreifbýli að breytast mjög hratt og algengara orðið að fólk búi út um
sveitir án þess að vera endilega með búrekstur og tilheyrandi vélaútgerð sem
nýta má ef fennir að. Þá var unnið áfram við s.k. styrkvegi innan sveitarfélags-
ins en þar voru stærstu verkefnin að þessu sinni, auk árlegar heflunar fjall-
vega, lagfæringar í Faxa á Rangárvallaafrétti og áframhaldandi ofaníburður í
Þorleifsstaðaveg. Þessi verkefni tókust vel. Þá var haldið áfram við gerð s.k.
Oddabrúar yfir Þverá og undirbúning vegtengingar milli Odda og Bakkabæja.
Það verkefni seiglast áfram en vegna mikilla anna hjá brúarverktökum þá
hefur verkefnið tekið heldur lengri tíma en áætlað var en aðalatriðið er að þetta
klárist og nú sér orðið fyrir endann.
Úrgangsmál
Það eru gríðarlega spennandi tímar framundan í skipulagi sorpmála hér á
okkar svæði. Eins og kunnugt er þá er sveitarfélagið okkar einn af eigendum
Sorpstöðvar Rangárvallasýslu en þar hafa verið miklar framkvæmdir síðustu
misserin við uppbyggingu móttökustöðvarinnar á Strönd. Þar er nú komin
glæsileg aðstaða með stóru mótttökuhúsi og fullkomnu gámaplani til flokk-
unar. Stjórn sorpstöðvarinnar tók haustið 2017 þá djörfu ákvörðun að taka yfir
sorpsöfnunina þegar þjónustusamningur við Gámaþjónustuna rann út í lok árs-
ins. Fjárfest var í nýjum búnaði, fullbúnum tveggja hólfa sorpbíl, sérhæfðum
gámabíl og tilheyrandi gámum og allt kom þetta til landsins með Mykines-
inu til Þorlákshafnar. Samtímis þessari miklu breytingu var bætt við tunnu til
að safna plasti við öll heimili og í sjálfu sér auðvelt að taka fleiri skref í átt