Goðasteinn - 01.09.2018, Blaðsíða 182

180
Goðasteinn 2018
Héraðsbókasafn rangæinga
Á bókasafninu er alltaf líf og fjör og ásamt því að vera héraðsbókasafn
þá sinnir það einnig Hvolsskóla og leikskólanum Örk sem skólabókasafn. Á
bókasafninu hefur verið starfræktur bókaklúbbur sem ber nafnið Skruddurnar.
Fundir eru vel sóttir og eru allir velkomnir að koma og taka þátt.
Kvenfélögin
Kvenfélögin sex í sveitarfélaginu hafa sannarlega lagt sitt af mörkum þegar
kemur að umhverfisvernd og minnkun plastnotkunar í sveitarfélaginu. Kven-
félagið Eining fór af stað með
að sauma fjölnotapoka og hin
kvenfélögin létu sitt ekki eftir
liggja og saumuðu fjölda poka.
Konurnar saumuðu bæði útaf
fyrir sig og svo var einnig hist
og saumað saman. Pokarnir voru
svo gefnir inn á hvert heimili í
sveitarfélaginu. Kvenfélögunum
eru færðar bestu þakkir fyrir
pokana.
Íþrótta- og æskulýðsmál
Íþróttafélögin í sveitarfélaginu hafa starfað eftir nokkuð hefðbundinni dag-
skrá síðasta árið. Hægt er að stunda hinar ýmsu íþróttir, og ættu bæði börn
og fullorðnir að geta fundið sér hreyfingu við sitt hæfi. Heilsuvika var haldin
í byrjun október með fjölbreyttu úrvali fyrirlestra, opinna kynningartíma og
fleiru.
Ungmennafélagið Dagsbrún hefur staðið fyrir leikjakvöldum á sumrin og
ættu fleiri ungmennafélög að taka Dagsbrún sér til fyrirmyndar því hvað er
skemmtilegra en að koma saman á björtum sumarkvöldum og leika sér saman.
Leikjakvöldin voru haldin við félagsheimilið Gunnarshólma og boðið upp á
hina ýmsu skemmtun, allt frá snúsnú til stígvélakasts. Búið er að gera Golf-
völl við Íþróttamiðstöðina á Hvolsvelli þar sem hægt er að fara góðan hring
og skjóta diskum í körfur. Í lok desember undirrituðu sveitarstjórar í Rang-
árþingi eystra, Rangárþingi ytra og Ásahreppi, þjónustusamning við Hesta-
mannafélagið Geysi. Samningurinn á að stuðla að útbreiðslu hestamennsku
í íþróttastarfi barna og unglinga og tryggja öflugt íþróttastarf fyrir börn og
unglinga í sveitarfélögunum.
Kvenfélagskonur sauma taupoka á Heimalandi.