Goðasteinn - 01.09.2018, Side 208

206
Goðasteinn 2018
Magnús Pétursson
f. 5. ágúst 1931 – d. 1. febrúar 2017
Magnús var fæddur í Vestmannaeyjum 5. ágúst
árið 1931 og var frá Kirkjubæ. Hér uppi á landi var
hann kenndur við Norðurbæ en þar bjuggu hann og
Dísa hans til margra ára en heitið er komið frá Vest-
mannaeyjum þar sem þau bjuggu líka í Norðurbæ
sem var einn af Kirkjubæjunum.
Magnús var sonur hjónanna Péturs Guðjónssonar
bónda og sjómanns frá Kirkjubæ og hennar Guðrún-
ar Rannveigar Guðjónsdóttur frá Tóarseli í Breiðdal.
Hann var þriðji í röð fimm barna þeirra hjóna en Guðrún móðir hans lést fyrir
aldur fram þegar Magnús var aðeins 7 ára gamall. Lilja Sigfúsdóttir kom inn
á heimilið til að hugsa um börn og bú og fór ekki þaðan aftur. Hún og Pétur
gengu í hjónaband og eignuðust 4 börn. Hún var góða stjúpan hans Magnúsar
og hinna systkinanna.
Magnúst ólst upp í Eyjum og skólaganga hans var með hefðbundnum hætti
þess tíma. Barnaskólinn var menntavegurinn sem flestir gengu. Magga lang-
aði mest til að verða rafvirki en ekkert varð úr því en hann var ekki hár í loftinu
þegar hann fór að fylgja pabba sínum í hin ýmsu störf og allt lék í höndunum
á honum. Hann var heimakær og undi sér vel í eyjunni sinni og heima við
bústörf og smíðar en brá sér þó tvö sumur að Hólum í Hjaltadal til að vinna
þar sem fjósamaður. Hann hafði alltaf sterkar taugar heim að Hólum, eins og
hann sagði sjálfur.
Hún Dísa hans Magga eða hún Þórdís Gðmundsdóttir er líka fædd í Eyjum
en flutti þaðan sem lítil stúlka ásamt foreldrum sínum, þeim Guðmundi Jóels-
syni og Laufeyju Sigurðardóttur sem hófu búskap austur á fjörðum. Þau fluttu
aftur heim í Eyjar þegar Dísa var á sextánda ári. Ekki hittust þau þó strax hún
Dísa og hann Maggi. Nokkur ár liðu og Dísa eignaðist hann Guðmund Rafn og
svo var Jóel á leið í heiminn þegar Maggi var fenginn til að smíða skáp í eldhús-
ið hjá Guðmundi og Laufeyju foreldrum Dísu. Þá sáust þau í fyrsta sinn að ráði
a.m.k. og til að gera langa sögu stutta þá endaði það með því að þau rugluðu
saman reytum sínum og gengu í heilagt hjónaband á jóladag árið 1955. Hann
Jóel litli varð eftir heima hjá þeim Fanneyju og Sigga sem voru frændfólk Dísu
en Guðmundur Rafn var áfram hjá mömmu sinni. Maggai og Dísa eignuðust
5 börn, Guðrúnu Báru, Pétur, Þorbjörn Helga, Einar og Laufey. Afkomendur
Dísu og Magga eru orðin 50 talsins.