Goðasteinn - 01.09.2018, Page 221

219
Goðasteinn 2018
Þorsteinn Ragnarsson.
f. 1. mars 1948 – d. 4. desember 2017
Þorsteinn Ragnarsson fæddist 1.mars 1948. Hann
lést á Heilbrigðisstofnun Suðurlands 4. desember
2017. Foreldrar hans voru Valgerður K. Árnadóttir
og Ragnar Veturliðason. Fyrstu árum ævinnar eyddi
Steini í Aðalvíkinni fyrir vestan. Valgerður giftist
Vilhjálmi Sveinssyni þegar Steini var 2ja ára gamall
og gekk hann honum í föðurstað. Steini átti hvorki
meira né minna en 8 systkini, tvö voru eldri en hann
og 6 yngri.
Steini ólst upp í Reykjavík og lauk skyldunámi frá Laugarnesskólanum og
þar með var skólagöngu hans lokið. Hann var ekki gamall þegar hann fór út til
Vestmannaeyja til að vinna með honum afa sínum. Hann vann hjá Ísfélaginu
og þar lágu einmitt leiðir hans og Siggu saman í fyrsta sinn. Sigríður Hann-
esdóttir sem var dóttir hjónanna Halldóru Ólafsdóttur og Hannesar Árnasonar.
Þau gengu í hjónband 29. apríl árið 1967, sama dag og Erna systir hennar og
Hjörtur, og í leiðinni var haldið upp á 60 ára afmæli pabba þeirra.
Þau Steini og Sigga hófu búskap sinn í Reykjavík og hinn 20. október 1967
kom hún Halldóra þeirra í heiminn. Halldóra er gift Gils Jóhannssyni og sam-
tals eiga þau 3 börn, Dóra á Arnar Frey og Gils þær Kolbrúnu og Unni.
Tæplega 9 árum eftir að Halldóra fæddist kom svo Viðar í heiminn og sam-
býliskona hans er Sigdís Hrund Oddsdóttir og hún á þrjú börn, þau Dagbjörtu
Lind, Þröst Fannar og Báru Ósk. Svo barnabörnin þeirra Steina og Siggu eru
6 að tölu.
Þau bjuggu í nokkur ár í Reykjavíkinni en Steina langaði alltaf að flytja til
Vestmannaeyja, Sigga var eitthvað treg og var nú frekar fegin að hafa þráast
við þegar gosið hófst úti í Eyjum. En þau fluttu þó úr borginni og út á land á
kunnuglegar slóðir fyrir hana Siggu, en til Hellu komu þau árið 1974 og hafa
búið þar síðan.
Steini vann nokkuð við verslunarstörf á sínum yngri arum en hann vann
svo hvað mest hjá Rangá við smíðar, en hann var listasmiður þótt hann hefði
ekki lært til þeirra iðnar. Hann var einstaklega vandvirkur og það lék flest í
höndunum á honum og hafa Oddasókn og Oddakirkja svo sannarlega fengið að
njóta þess. En hann kom inn í sóknarnefnd Oddasóknar árð 2011 og starfaði öt-
ullega fyrir kirkjuna sína og sókn fram á síðasta dag. Hann var alltaf boðinn og
búinn og taldi ekki nokkurn hlut eftir sér. Það er mikill missir fyrir Oddasókn