Sjómannadagsblað Snæfellsbæjar - 01.06.2008, Qupperneq 4

2
Sjóraannadagsblað Snæfellsbæjar 2008
Pétur Steinar jóhannsson
Lesendur góðir!
Við höfum frá öndverðu notið
nálægðar við fiskimiðin í ríkum
mæli og ávallt reynt að nýta okkur
það. Engin önnur stétt en sjó-
menn og það fólk sem fiskinn
vinnur í landi hefur átt eins mik-
inn þátt í að byggja upp þá miklu
velmegun sem landsmenn hafa
búið við á síðustu áratugum. Sjór-
inn er og verður undirstöðu at-
vinnuvegur þjóðarinnar og vel-
megun hennar byggist á sjónum
hvað sem hver segir. Það kemur
alltaf í Ijós betur og betur, þótt
aðar atvinnugreinar hafi sótt á.
Sjávarútvegurinn hefur búið við
miklar sveiflur nú á liðnum árum.
Við hér á Snæfellsnesi finnum svo
sannarlega fyrir því. Bæjarfélög-
unum hér á Snæfellsnesi munar
um það þegar sjávarútvegsráð-
herra gefur það út að minnka eigi
þorskvótann um 30 prósent eins
og gert var á síðastliðnu ári og
þannig verði svo áfram næsta ár.
Samkvæmt spám fiskifræðinga
HAFRO er, að þeirra sögn,
þorskstofninn enn í sögulegu íág-
marki. Það er gömul saga og ný
frá því að þetta kvótakerfi var tek-
ið upp 1984, að á ráðleggingar
reyndustu sjómanna er ekki hlust-
að. Bæði skipstjórar frystitogara
sem og minni fiskiskipa segja nú
meiri fisk í sjónum en á sl. ári.
Hvers vegna má ckki hafa 200
þús. lesta jafnstöðuafla í fjögur ár?
Það hefur komið fram að Snæ-
fellsbær er stærsti útgerðarbærinn
á landinu ef miðað er við fjölda
báta, þó fækkun hafi orðið á sl.
árum. Mjög öflugir bátar hafa
bæst í flotann okkar frá síðasta
sjómannadegi og það er vel. Við í
bæjarfélögunum á Snæfellsnesi
eigum allt okkar undir því að sjó-
menn beri afla að landi um
ókomin ár. Við eigum góð fyrir-
tæki í sjávarútvegi og geta má þess
að eitt fyrirtæki bættist við fisk-
vinnsluna á árinu í Ólafsvík, en
það voru eigendur Egils SH 95,
sem hófu saltfiskverkun og er
þeim hér með óskað til hamingju
með það.
Efni Sjómannadagsblaðsins í ár
er fjölbreytt að vanda. Hr. Karl
Sigurbjörnsson biskup ritar hug-
vekju og eru honum færðar bestu
þakkir, Viðtal er við aflamanninn
Guðmund Kristjónsson í Ólafsvík
um æskuna og sjómennskuna.
Guðmundur hefur frá mörgu að
segja frá sínum sjómannsferli og
það er engin lognmolla í kringum
hann. Þá segir Jóhann Long Ingi-
bergsson vélstjóri frá Hellissandi
sína sögu, en hann er búinn að
lifa rímana tvenna á sjónum.
Hann byrjaði sem kyndari á síðu-
togurunum og sigldi öll stríðsárin
og var svo síðar á aflabátnum
Skarðsvík með Sigurði Kristjóns-
syni skipstjóra. Viðtal er við þá
feðga Bárð Guðmundsson og son
hans Þorstein um útgerðarsögu
þeirra, en enginn bilbugur er á
þeim þótt samdráttur sé í fiskveið-
um, en þeir stunda kraftmikla
línuútgerð frá Ólafsvík. Guð-
mundur Björnsson fyrrverandi
forstjóri Hraðfrystihúss Ólafsvík-
ur segir frá sínum tíma í Ólafsvík
í fróðlegri grein. HÓ var stór
vinnuveitandi til lands og sjávar
en Guðmundur stjórnaði HÓ í
16 ár. Þá eru fleiri greinar og sög-
ur um menn og málefni m.a. um
trollárin í Ólafsvík, sem Guðlaug-
ur Wiium skrifar. Gísli Bjarnason
skrifar skemmtilega grein um
Stýrimannaskólann í Reykjavík og
þær hugmyndir sem hann hefur
að námi loknu en stefnan hjá
honum er sett í brúna á stóru
skemmtiferðaskipi. Hulda Skúla-
dóttir skrifar fróðlega grein um
Slysavarnadeildina Helgu Bárðar-
dóttur í tilefni 40 ára afmælis
deildarinnar 2006.
Efni og myndir frá sjómanna-
dögum í útgerðarbæjunum á
Snæfellsnesi er í blaðinu. Blaðinu
hefur borist fjöldi mynda frá les-
endum og birtast nokkrar í þessu
blaði og einnig í næstu biöðum ef
allt gengur upp með framhaldið.
Ég vil svo þakka öllum þeim sem
hafa komið að vinnu við þetta
blað og síðast en ekld síst þeim
sem gert hafa útgáfuna mögulega.
Eg vil að lokum óska öllum sjó-
mönnum og fjölskyldum þeirra
gleðilegrar hátíðar á sjómannadag-
inn.
Útgefendur :
Sjómannadagsráðin
Olafsvík og Hellissandi
Ritstjóri og ábyrgðarmaður :
Pétur Steinar Jóhannsson
Skálholt 13, 355 Ólafsvík,
sími: 436 1015, 893 4718
e-mail: psj@simnet.is
Auglýsingar:
Jóhann Pétursson
Forsíðumynd:
Ólafsvíkurhöfn á sjómannadag 2007
Ljósm. Pétur S. Jóhannsson
Umbrot, prentun, bókband:
Steinprent ehf. Ólafsvík
Viðtöl:
Magnús Magnússon
Pétur Steinar Jóhannsson
Samantekt á efni:
Marta S. Pétursdóttir
Próförk:
Atli Alexandersson
Ritnefnd:
Pétur Steinar Jóhannsson
Björn E. jónasson
Jónas Gunnarsson
Páll Stefánsson
Jóhann Rúnar Kristinsson