Skógræktarritið - 15.10.2020, Qupperneq 88

SKÓGRÆKTARRITIÐ 202088
Þau hughrif sem tré vekja ráðast af
samspili erfða, umhverfis og sögunnar.
Gráreynir sker sig ekki endilega úr í
skjólsælum trjágarði en vekur óskipta
athygli vaxi hann við krefjandi aðstæður.
Þetta tré hefur talað sterkt til margra sem
komist hafa í snertingu við það í gegnum
árin. Við laufgun að vori, í fullum blóma
á sumardegi, í norðaustan vindstreng að
hausti eða lauflaust að vetri; ávallt geislar
það frá sér þokka, krafti, og seiglu.
Skógræktarfélag Íslands valdi gráreyni
(Sorbus hybrida) í Skógum í Þorskafirði sem
Tré ársins 2020. Þessum heiðri var fagnað
með látlausri en hátíðlegri athöfn 29. ágúst
sl. Í ávarpi sínu að því tilefni tengdi Jónatan
Garðarsson, formaður félagsins, valið við
þær sérstöku áskoranir sem þjóðin stendur
nú frammi fyrir. Tréð væri merkilegt, hefði
vaxið upp við erfið vaxtarskilyrði, stæði eitt
og hefði sinn karakter. Þetta væri „reynir
sem hefur bognað en ekki brotnað“.
Tré ársins 2020:
Gráreynir (Sorbus hybrida)
í Skógum í Þorskafirði
1. mynd. Blóm á Tré ársins í júlí með kærkominn gest. Mynd: HÞ