Golf á Íslandi - 01.05.2015, Side 37

Ekki nóg að kaupa nýjar
græjur
Jón Arnór er rétt um tveir metrar á hæð
og stendur því vel að vígi hvað varðar
högglengd og kraft í höggunum. Forgjöfin
hefur staðið í stað en hann vonast til þess
að nýjar járnkylfur færi honum nýjar víddir
í golfinu.
„Ég er bara fastur í 14,7 í forgjöf og ég gerir
mér alveg grein fyrir því að ég þarf að setja
miklu meiri tíma í æfingar til þess að lækka
mig meira. Það er ekki alltaf nóg að kaupa
nýjar kylfur. Ég er nýbúinn að kaupa mér
nýjar kylfur. Fékk mér TaylorMade MC
járnkylfur sem eru „semi blade”. Ég er mjög
ánægður með þá tilfinningu sem kylfurnar
gefa miðað við „hlunkana” sem ég var
með áður. Ég var með TaylorMade Burner
járnkylfur. Það er allt öðruvísi að horfa niður
á boltann með þessar kylfur í höndunum.
Ég skoða golfútbúnað á netinu af og til en
ég hef alltaf endað í TaylorMade án þess
að vita af hverju. Ég fór bara í einhverja
golfbúð hérna og fékk aðstoð við velja réttu
verkfærin. Högglengdin er ekki vandamálið
- það eru frekar aðrir þættir leiksins sem eru
vandamál. Ég á það til að yfirslá flatirnar
í innáhöggunum. Ef ég hitti boltann vel í
upphafshöggunum fer hann langt en hann
fer ekki alltaf beint. Ég er „slæsari” og hef
alltaf verið að glíma við það.”
„Í vetur fór ég að skoða myndbönd á
netinu, og var að leita að lausn til þess að
laga slæsið. Ég fann nokkur áhugaverð
myndbönd og fékk nokkur góð ráð til
þess að vinna með. Það byrjaði mjög vel á
æfingasvæðinu og í fyrstu skiptin sem ég
fór út á völl í kjölfarið. Síðan datt ég aftur
í gamla farið - þetta er bara dæmigert fyrir
íþróttina. Maður tekur stundum eitt skref
fram á við og síðan 18 aftur á bak og það er
einnig það sem heillar mig við golfið.”
Andleg afslöppun í golfinu
Eins og áður segir er Jón Arnór 32
ára gamall og hann sér fyrir endann á
atvinnumannaferlinum á næstu árum. Það
ríkir tilhlökkun hjá Jóni að fá tækifæri til
þess að „hella” sér af krafti í golfæfingarnar
og ná almennilegum tökum á leiknum.
„Ég vil ná árangri í því sem ég tek mér
fyrir hendur. Það pirrar mig aðeins að geta
ekki „hellt” mér á bólakaf í æfingar og
pælingar varðandi golfið. Ég trúi því að ég
geti náð ágætis tökum á íþróttinni ef ég gef
mér tíma til þess. Það er farið að styttast í
annan endann hjá mér sem atvinnumaður
í körfubolta - og þá get ég farið að einbeita
mér að þessu. Ég er því alveg rólegur yfir
stöðunni og hlakka bara til að fá tíma þegar
ferlinum lýkur til að byrja af krafti að æfa.”
Jimenez í uppáhaldi
Ég fylgist með golfinu í gegnum
sjónvarpið hérna úti og er mikil
aðdáandi Miquel Angel Jimenez og
Rory McIlroy er einnig flottur kylfingur.
Jimenez er minn maður þegar ég er
spurður - og það gefur auga leið af
hverju. Hann er flott „týpa” og einstakur
kylfingur. Ég gleymi mér stundum yfir
skemmtilegum golfmótum í sjónvarpinu
um helgar.
37GOLF.IS