Golf á Íslandi - 01.05.2015, Page 40

Samtök PGA kennara á Íslandi hafa sett það á dagskrá sumarsins 2015 að
prufukeyra nýtt keppnisfyrirkomulag fyrir börn og unglinga. Davíð Gunnlaugsson
verkefnastjóri PGA á Íslandi segir að markmiðið með PGA unglingagolfinu sé að
gera golfið enn skemmtilegra og aðlaðandi fyrir aldurshópinn 9-15 ára.
„Í stuttu máli byggir þetta á liðakeppni
þar sem spiluð er holukeppni með Texas
Scramble fyrirkomulagi. Leiknar eru 9
holur í hverri umferð og á þessum tíma
fara fram þrír leikir, einn leikur á 1.-3.,
annar leikur á 4.-6. og lokaumferðin fer
fram á lokaholunum 7.-9. Þrjú stig eru í
boði í hverjum leik og hægt að skipta inn
leikmönnum á þessum tíma,” segir Davíð en
fyrirmyndin er sótt til Bandaríkjanna.
„PGA unglingagolf byggir á PGA Jr.
League frá Bandaríkjunum sem hefur vaxið
gríðarlega á undanförnum árum en þar er
gert mikið úr félagslega þættinum og þeirri
stemmningu sem myndast þegar maður er
hluti af liði. Börn vilja vera hluti af liði, fá
nafn sitt á búning og vera með númer. Þetta
er eitt af þeim atriðum sem við erum að
skoða hér á Íslandi.”
Davíð segir að í sumar verði það verkefni
hjá PGA kennurum að prufukeyra slík mót
þar sem að klúbbar skiptist á að bjóða til
sín liðum. „Ég er ekki í nokkrum vafa um
að þetta fyrirkomulag eigi eftir að njóta
vinsælda hér á landi - enda er mikilvægt að
hlúa betur að liðstilfinningunni hjá ungum
kylfingum og gera golfið enn skemmtilegra.
Til lengri tíma litið er markmiðið að keppt
verði víðsvegar um landið með þessu
fyrirkomulagi.”
Ný liðakeppni fyrir börn og unglinga
Liðsstemmning
og félagsandi
rauði þráðurinn
Sigurður Elvar Þórólfsson
seth@golf.is
OMEGA 3 LIÐAMÍN HYAL-JOINT®
Kipptu liðunum í lag með Omega 3 liðamíni
Omega 3 liðamín vinnur gegn stífum liðum
og viðheldur heilbrigði þeirra.
Liðamín inniheldur Hyal-Joint sem einnig má
finna í liðvökva, seigfljótandi vökva sem
smyr og viðheldur mýkt í liðamótum.
Það hjálpar líkamanum einnig að fyrirbyggja
stirða liði, sem getur skipt höfuðmáli í þjálfun
og líkamsrækt.
SKJÓTARI EN SKUGGINN
www.lidamin.is
J
A
N
Ú
A
R
40 GOLF.IS - Golf á Íslandi

Liðsstemmning og félagsandi rauði þráðurinn í nýju keppnisfyri