Golf á Íslandi - 01.05.2015, Page 74

AeroBurner dræverinn frá TaylorMade er athyglisverð nýjung á markaðinum.
AeroBurner er „löng“ kylfa í tvennum skilningi. Skaftið er aðeins lengra
en á venjulegum dræver og það ætti að gefa meiri möguleika á löngum
upphafshöggum. Sérfræðingar mæla með því að kylfingar fari í mælingu áður
en þeir fjárfesta í nýjum dræver. Því gæti verið hentugt fyrir marga að láta stytta
skaftið um 2–2,5 cm. Slíkt skaft skilar oftast stöðugri og beinni höggum.
Hljóðið sem myndast þegar boltinn er sleginn
með AeroBurner drævernum er sérstakt en
það venst vel og er ekki óþægilegt að sögn
sérfræðinga sem hafa slegið með þessari kylfu.
Högglengd er helsti kosturinn við kylfuna
og hún fyrirgefur vel þegar höggin eru ekki
fullkomin. Það á að vera hægt að ná ágætum
kylfuhraða og þar með auknum hraða á
boltanum með þessu verkfæri. Sérfræðingarnir
sem vita allt um golfútbúnað mæla með
kylfunni fyrir þá sem vilja fá „létta” tilfinningu
þegar þeir grípa dræverinn á teignum.
TaylorMade AeroBurner er hannaður fyrir
kylfinga sem eiga oft í erfiðleikum með að slá
boltann hátt í upphafshöggunum. Hægt er að
fá dræverinn með fjórum mismunandi gráðum,
frá 9.5°, 10.5°, 12°, til 14.5° og er Matrix Speed
Rul-Z skaft á kylfunum þegar þær koma úr
verksmiðjunni.
TaylorMade AeroBurner er ekki með neinum
möguleikum til þess að „stilla” gráður eða aðra
slíka hluti. Það borgar sig því að prófa sig áfram
áður en rétta kylfan er valin en kylfuhausinn er
460 cc að stærð.
Sérfræðingar mæla sérstaklega með þessari
tegund fyrir kylfinga sem eru ekki með
mikinn kylfuhraða í sveiflunni. Heildarþyngd
dræversins er minni en þrjú meðal
súkkulaðistykki - eða 300 gr.
Að sjálfsögðu er einnig hægt að fá 3-tré og
blendingskylfur af ýmsum gerðum í AeroBurner
línunni og eru eiginleikar þeirra sömuleiðis
miðaðar við að ná háu boltaflugi - líkt og með
drævernum.
Hér fór Gunnar holu í höggi árið 2004. Eitt fullkomið högg.
En það var ekkert vitni. Í 6 ár með upptökuvél og þolinmæðina
að vopni hefur Gunnar mætt reglulega á völlinn.
Nú vantar bara annað fullkomið högg.
ÞOLINMÆÐI
BRUGGMEISTARA OKKAR SKILAR SÉR TIL ÞÍN.
2.25%
A L C . V O L .. .
W O R L D ’ S B E S T S T A N D A R D L A G E R
O K K A R B J Ó R
– AeroBurner dræverinn hentar vel
fyrir kylfinga sem vilja hærra boltaflug
Létt og
skemmtilegt
verkfæri
74 GOLF.IS - Golf á Íslandi
Golfbúnaður