Golf á Íslandi - 01.05.2015, Blaðsíða 114

„Hvaleyrarvöllur kemur vel undan vetri og sumarið lofar góðu og það er
tilhlökkun hjá okkur að taka á móti félagsmönnum okkar og gestum,”
segir Ólafur en hann var endurkjörinn formaður samtaka evrópskra
golfvallastarfsmanna (FEGGA) á aðalfundi samtakanna sem fram fór í
bænum Lagos í Portúgal í febrúar sl.
Ólafur hefur gegnt þessu embætti undan
farin tvö ár og var hann endurkjörinn til
tveggja ára. Samhliða formennskunni í
FEGGA hefur Ólafur setið í nefnd um
sjálfbæra þróun golfvalla á vegum evrópska
golfsambandsins.
Ýmsar framkvæmdir hafa átt sér stað í
vetur og má þar nefna að veitingasalurinn
í klúbbhúsi Keilis er nánast eins og nýr
eftir mikla endurnýjun á húsgögnum. „Við
getum ekki annað en verið þakklátir fyrir
þá höfðinglegu gjöf sem okkur barst frá
fyrirtæki í bænum sem endurnýjaði alla
stóla og borð í salnum. Þetta gerði sami aðili
fyrir 22 árum eða árið 1993 þegar skálinn
opnaði og það er gott að vita að fyrirtæki í
Hafnarfirði eru ávallt tilbúin að taka þátt í
starfinu með slíkum hætti.”
Ólafur bætir því við að unnið hafi verið að
því að setja upp olíugildru á fráveitulögn frá
niðurföllum við vélageymslu og áhaldahús
Keilis. „Þetta er allt gert samkvæmt ítrustu
stöðlum hvað varðar umhverfisvottun
í samráði við heilbrigðiseftirlit og
byggingafulltrúa. Við verðum að vera með
slíkan útbúnað þar sem að hætta er á að
fljótandi úrgangur, olíur eða olíuefni, fari í
niðurföll ef óhöpp eiga sér stað.”
Keilir hefur einnig óskað eftir viðræðum við
Hafnarfjarðarbæ um aðkomu sveitarfélagsins
að breytingum á Hvaleyrarhluta vallarins.
„Við sendum bréf til bæjarins þar sem
við bentum á að Hvaleyrarhluti vallarins
hafi setið á hakanum og a Hvaleyrarvöllur
henti ekki til keppnishalds á evrópskan
mælikvarða. Hann standist ekki
lengdarkröfur og að þessu þurfi að kippa í
liðinn sem fyrst. Viðræðurnar hafa ekki farið
fram með formlegum hætti en við erum
bjartsýnir.”
Hinn heimsþekkti golfvallahönnuður Tom
Mackenzie hefur unnið veigamikla skýrslu
fyrir Keili þar sem hann leggur til breytingar
á seinni níu holum vallarins.
„Tillögur Mackenzie mynda grundvöllinn að
tillögum sem teljast nauðsynlegar aðgerðir
til að Hvaleyrarvöllur standist þær kröfur
sem gerðar eru til golfvalla í fremstu röð
í Evrópu,” segir Ólafur Þór Ágústsson
framkvæmdastjóri Keilis.
– mörg verkefni leyst yfir vetrartímann
Keilismenn
glaðir og bjartsýnir
„Við höfum haft í nógu að snúast
í vetur og í raun er mesta vinnan
hjá starfsmönnum Keilis yfir
vetrarmánuðina,” segir Ólafur
Þór Ágústsson framkvæmdastjóri
Keilis þegar hann er inntur eftir
helstu fréttum vetrarstarfsins hjá
Hafnfirðingum.
Ólafur Þór ræðir hér við vallarstarfsmennina
Bjarna Hanneson og Arnald Frey Birgisson
Unnið að frágangi við nýja olíugildru
við vélageymsluna
114 GOLF.IS - Golf á Íslandi
Keilismenn glaðir og bjartsýnir