Golf á Íslandi - 01.05.2015, Page 120

Golfdagar í Kringlunni, í samstarfi við GSÍ, heppnuðust gríðarlega vel en þeir
fóru fram í þriðja sinn dagana 30. apríl – 3. maí. Á golfdögunum eru golftengd
tilboð í verslunum en hápunkturinn var golfhátíð laugardaginn 2. maí.
Á golfhátíðinni var boðið upp á fjölbreyttar
golfkynningar, ráðgjöf og keppnir í göngu
götu Kringlunnar. Golfkennarar gáfu góð
ráð og afrekskylfingar GSÍ stýrðu spennandi
keppnum, ásamt því að golfklúbbar og
ferðaskrifstofur kynntu starfsemi sína.
Gestum Kringlunnar bauðst að taka þátt í
skemmtilegum keppnum þar sem glæsilegir
vinningar voru í boði.
Sigurður Hlöðversson stjórnaði af rögg
semi Íslandsmóti í golfleikni þar sem
sjö afrekskylfingar kepptu um að halda
bolta sem lengst á lofti með fleygjárni.
Gerð var sú krafa að kylfingarnir reyndu
einhverjar „golfbrellur” á meðan keppnin
stóð yfir. Gísli Sveinbergsson stóð uppi
sem sigurvegari eftir harða keppni við
Henning Darra Þórðarson en þeir eru báðir
í Golfklúbbnum Keili.
Einnig var keppt í lengsta teighögginu í
karla – og kvennaflokki. Þar sáust ótrúlegar
tölur í golfherminum sem sýndi högg
lengdina og einnig feril boltans. Þar dugði
ekki að vera aðeins högglangur því einungis
þau högg sem enduðu á braut töldu í keppn
inni. Mikill fjöldi gesta reyndi sig í þessari
keppni líkt og í púttkeppninni þar sem
mikill fjöldi tók þátt.
Yngstu gestir golfhátíðarinnar reyndu sig í
SNAG golfþrautum sem nutu vinsælda –
og er greinilegt að þessi kennsluaðferð er að
virka vel á jafnt unga – og þá sem eldri eru.
– Fjöldi gesta skemmti sér vel á golfdögum GSÍ í Kringlunni
Meistarataktar á golfhátíð
120 GOLF.IS - Golf á Íslandi
Meistarataktar á golfhátíð