Golf á Íslandi - 01.05.2015, Síða 136

Reynir Þorsteinsson og Guðmundur Valdimarsson voru útnefndir heiðurs­
félagar Golfklúbbsins Leynis á 50 ára afmælisdegi klúbbsins þann 15. mars s.l.
Þórður Emil Ólafsson formaður Leynis
afhenti heiðursviðurkenningarnar, en
Guðmundur Sigurbjörnsson tók við
viðurkenningunni fyrir hönd afa síns.
Í ræðu Þórðar kom m.a. fram að Reynir
hefur lagt mikið á vogarskálarnar í starfi
Leynis allt frá því hann gerðist félagi árið
1976. Hann var lengi formaður klúbbsins,
sat í framkvæmdanefnd um stækkun
vallarins í 18 holur, og var drifkraftur í
barna- og unglingastarfi klúbbsins eftir að
hann hætti stjórnarstörfum.
Þórður sagði einnig frá því að Guðmundur
hefur verið félagi í Leyni frá árinu 1979
og afrek hans í öldungakeppnum er
athyglisverður. Guðmundur hefur m.a.
fjórum sinnum fagnað Íslandsmeistaratitlum
í sínum aldursflokki og hann er margreyndur
landsliðsmaður.
Regína Ásvaldsdóttir bæjarstjóri Akraness
og Guðmundur Sigvaldason framkvæmda
stjóri Leynis skrifuðu við þetta tilefni
undir framkvæmdasamning vegna Íslands
mótsins í golfi. Akraneskaupstaður mun
styrkja Leyni á ýmsum sviðum vegna
Íslandsmótsins – og má þar nefna í
kynningarmálum og atburðum sem á að
tengja við stórmótið. Leynir fær einnig
2 milljónir kr. frá Akraneskaupstað til
framkvæmda vegna mótsins.
Það stendur ýmislegt til á afmælisárinu
hjá Leyni. Á meðal þeirra viðburða sem
verða á dagskrá er afmælismót, sem verður
væntanlega fyrsta mót tímabilsins fyrir
klúbbmeðlimi. Veglegt afmælisblað verður
gefið út í maí. Afmælismót fer fram fyrir
samstarfsaðila klúbbsins, forsvarsmenn
klúbba og styrktaraðila þegar líður á sumarið
og Íslandsmótið í golfi er hápunkturinn á
afmælisárinu.
Reynir og Guðmundur
útnefndir heiðursfélagar Leynis
Heiðursfélagar Leynis
Óðinn Geirdal (látinn – fyrsti
heiðurfélagi GL 1977)
Þorsteinn Þorvaldsson (á 20 ára
afmæli GL)
Elín Hannesdóttir (heiðursfélagi GL
1992)
Guðrún J. Geirdal (látin - heiðursfélagi
GL 1992)
Alfreð Viktorsson (á 40 ára afmæli GL)
Erla Karlsdóttir (á 40 ára afmæli GL)
Þórður Emil Ólafsson (heiðursfélagi
GL 1998)
Birgir Leifur Hafþórsson
(heiðursfélagi GL 1998)
Valdís Þóra Jónsdóttir (heiðursfélagi
GL 2009)
Reynir Þorsteinsson
(heiðursfélagi GL 2015)
Guðmundur Valdimarsson
(heiðursfélagi GL 2015)
ÞARFTU
AÐ GEYMA
GAMLA
GOLFSETTIÐ?
WWW.GEYMSLA24.IS
GEYMSLA24 | Skemmuvegi 4 | 200 Kópavogur
136 GOLF.IS - Golf á Íslandi
Reynir og Guðmundur útnefndir heiðursfélagar Leynis