Leikskrár Þjóðleikhússins - 10.02.1984, Page 21

Das Deutsche Miserere
Dag einn þá var boðskapur oss að ofan sendur,
oss uppálagt að Danzig þeim færðum í hendur.
Vér héldum inn í Pólland og allra síst vér svikum
því sigur þar vér hrepptum á þrem vikum.
Hjálp’ oss drottinn.
Dag einn þá var boðskapur oss að ofan sendur,
oss uppálagt að Frakkland þeim legðum í hendur.
Vér héldum inn í Frakkland og allra síst vér svikum
því sigurinn vér unnum á fimm vikum.
Hjálp’ oss drottinn.
Dag einn þá var boðskapur oss að ofan sendur,
oss uppálagt að Rússland þeim færðum í hendur.
Vér héldum inn í Rússland en ekkert upp vér skárum
nem’ aðeins dauða og tortímingu á tveim árum.
Hjálp’ oss drottinn.
Dag einn verður boðskapur enn að ofan sendur.
Af oss þeir vilja hafsbotninn og tunglið í hendur.
Vér sveimum hér og vöfrum í vonleysi á meðan,
því veturinn er harður, vér rötum ekki héðan.
Hjálp’ oss drottinn og vísi oss veginn heim.