Helgarpósturinn - 16.01.1986, Qupperneq 8

Indriöi G. Þorsteinsson, stjórnarformaður ísfilm: Frjáls fjölmiðlun er að hætta, SÍS á í
viðraeðum við aðra, starfsmenn að hætta, fjárhagslega er dæmið ekki glæsilegt — „en
það er engan bilbug á okkur að finna".
stjórnarminnihlutans að kanna
möguleikann á því að hlutabréf
borgarinnar yrðu seld ef ekki yrði
úr fyrirhuguðum framkvæmdum.
Má því segja að afstaða borgarinnar
sé sú, að annað hvort fari hlutirnir
að rúlla hjá ísfilm eða borgin dragi
sig úr samstarfinu.
Þátttaka Sambandsins mætti and-
stöðu innan samvinnuhreyfingar-
innar fyrir tveimur árum og þar er
enn virk andstaða. í stjórninni
greiddu þeir atkvæði gegn aðildinni
Hördur Zophaníasson og Finnur
Kristjánsson. Gagnrýnendur sögðu
það óhæfu að samvinnuhreyfingin
færi þannig undir sömu sæng og
sterkustu hægri öflin í landinu. Þeir
sem voru aðildinni meðmæltir
bentu á hinn bóginn á, að þó þessir
ólíku aðilar hefðu samstarf myndu
stjórnmál hvergi koma þar nærri og
unnt yrði að halda hagsmunum að-
skildum. Samstarfið væri auk þess
fjárhagslega nauðsynlegt, því SÍS
gæti ekki eitt sér farið út í slikan fjöl-
miðlarekstur.
SÍS: FRAMHJÁHALD
MEÐ LAUNÞEGA-
HREYFINGUNNI
Á aðalfundi SÍS á síðastliðnu
sumri má heita að andstæðingar Is-
film-aðildarinnar hafi unnið mikil-
væga orrustu í stríðinu. Þá var sam-
þykkt að kanna og fara út í viðræður
m.a. við launþegahreyfinguna um
samstarf.á þessum vettvangi. í við-
ræðunefndina voru kjörnir þeir
Erlendur Einarsson, forstjóri, Axel
Gíslason, aðstoðarforstjóri, Þor-
steinn Olafsson, deildarstjóri og
Kjartan P. Kjartansson, en Kjartan
vék síðan úr viðræðunefndinni, þar
eð honum þótti ekki samrýmast að
vera i henni og um leið í stjórn Is-
film. Viðræður hafa átt sér stað, en
ekkert hefur komið út úr þeim enn-
þá og engar skýrar línur, hvorki hjá
SÍS né hjá launþegahreyfingunni. Á
hinn bóginn fullyrti einn viðmæl-
enda HP úr innsta hring Sambands-
ins að margir forystumenn þar, sem
áður voru meðmæltir ísfilm-ævin-
týrinuj væru nú mjög tvístígandi og
var í þessu sambandi sérstaklega
bent á sjálfan stjórnarformanninn,
sem er Valur Arnþórsson. Þeir eru
enda líka í viðræðum fyrir norðan
um fjölmiðlunarsamstarf við ýmsa
aðila.. Beiðni stjórnar Isfilm um
hlutafjáraukningu hefur og verið
tekið þunglega af SÍS-mönnum og
hafa þeir ekki gefið svar. En senn
dregur til úrslita innan stjórnar SIS
og má búast við því að á næsta
stjórnarfundi í febrúar verði tekin
endanleg ákvörðun um framhaldið.
STARFSMENN:
Á FÖRUM
Staðan er þá þannig að Frjáls fjöl-
miðlun er á útleið, Sambandið og
Reykjavíkurborg mjög tvístígandi,
en Haust, AB og Árvakur enn með
í myndinni af heilum hug. Þó skal
þess getið að stjórn Árvakurs hefur
enn ekki tekið afstöðu til beiðni
stjórnar ísfilm um hlutafjáraukn-
ingu.
Erfiðleikarnir hjá Isfilm hafa óhjá-
kvæmilega bitnað á rekstrinum. 1
samtali HP við framkvæmdastjór-
ann Hjörleif Kvaran kemur skýrt
fram að um taprekstur er að ræða,
tæknimenn eru að flýja fyrirtækið
og hann sjálfur að öllum líkindum
einnig á útleið. Þessir menn geta
ekki beðið lengur eftir stórum
ákvörðunum stjórnar ísfilm um
framtíðina pg stjórnin sjálf bíður
eftir því að Útvarpsréttarnefnd ljúki
sínum störfum við smíði þeirrar
reglugerðar sem fylgja á lögunum
um frjálsan útvarpsrekstur. Málið er
í hnút — í sjálfheldu.
INDRIÐI: ALLT í
FÍNA LAGI
En hvað segir sjálfur stjórnar-
formaður ísfilm, Indridi G. Þor-
steinsson? Er Isfilm að leysast upp í
frumeindir?
„Það er alveg tilhæfulaust, það
finnst enginn bilbugur á okkur. Það
er að vísu rétt að Frjáls fjölmiðlun
vill hætta og að SIS hefur átt i ein-
hverjum viðræðum við aðra, en það
breytir engu. Og þó einhverjir
starfsmenn séu að hætta hjá okkur
þá kemur bara maður í manns stað.
Það eru ekkert meiri erfiðleikar hjá
okkur en hjá öðrum, t.d. íslenska
sjónvarpsfélaginu. Fjárhagslega
hefur þetta vissulega ekki gengið
glæsilega, en ég sé ekki fyrir mér
neina erfiðleika."
Indriði sagði að framundan
væru breytingar á rekstrinum úr
auglýsingarekstri „í eitthvað ann-
að“ og átti þá við útvarps- og sjón-
varpsrekstur. En engar ákvarðanir
væri hægt að taka um það fyrr en
ljóst lægi fyrir hvaða ,,óskapnaður“
kæmi út úr vinnu Útvarpsréttar-
nefndarinnar.
„Við bíðum átekta. Það er alveg
furðulegt ef Framsókn, Alþýðu-
bandalag og Alþýðuflokkur ætla að
mynda í þessari nefnd meirihluta
um að þrengja reglugerðina. Þá
hefði verið nær að samþykkja engin
lög. Mér virðist allt gert til að eyði-
leggja þetta mál. Og það er vægast
sagt ömurleg útkoma ef Framsókn-
arflokkurinn ætlar nú að gerast hjá-
leiga Alþýðubandalagsins," sagði
Indriði og ítrekaði að allt væri i lagi
hjá ísfilm. Þó einhverjir færu út úr
samstarfinu mætti alltaf leita til ann-
arra. Það kæmi þá í ljós.
ÚTVARPSRÉTTAR-
NEFND: DYRUNUM
LOKAÐ?
Indriði var sá eini af viðmælend-
um HP sem taldi að allt væri í fína
lagi hjá ísfilm. Yfirleitt voru á hinn
bóginn flestir sammála um að fram-
tíð ísfilm og annarra slíkra fjölmiðl-
unarfyrirtækja væri nú í höndum
Útvarpsréttarnefndar. Hún mun nú
að því komin að skila niðurstöðum
sínum og hallast flestir að því að
reglugerð nefndarinnar þrengi út-
varpslögin verulega. Nefndina
skipa þau Kjartan Gunnarsson,
Bessí Jóhannsdóttir og Sigurbjörn
Markússon fyrir Sjálfstæðisflokk-
inn, Ingvar Gíslason og Helgi Péturs-
son fyrir Framsóknarflokkinn, Arni
Gunnarsson fyrir Alþýðuflokkinn
og Helgi Gudmundsson fyrir Al-
þýðubandalagið. Á sínum tima voru
fyrstu drög nefndarinnar birt í
Morgunblaðinu og þótti áhuga-
mönnum um frjálsan útvarps- og
sjónvarpsrekstur þau aldeilis fráleit.
Drögin hafa tekið einhverjum breyt-
ingum og þá ekki til batnaðar að
mati þessara áhugamanna. „Það er
verið með þessari reglugerð að loka
þeim dyrum sem löggjöfin opnaði,"
sagði einn viðmælenda Helgar-
póstsins.
Um leið virðast dyrnar vera að
lokast hjá ísfilm — borgarísjakinn
að bráðna.
Hjörleifur Kvaran framkvœmdastjóri ísfilm er óónœgöur
meö deyfö og taprekstur:
— ef stjórnin tekur ekki nauösynlegar ákvaröanir
Hjörleifur Kvaran framkvæmdastjóri er að öllum llkindum að hverfa aftur til
sinna fyrri starfa sem skrifstofustjóri borgarverkfræðings. Þrfr tæknimenn af
fimm eru hættir...
— Er nóg að gera hjá ísfilm hf
þessa dagana, Hjörleifur?
„Það var geysilega mikið að gera
nú fyrir jólin eins og svo víða og tals-
verð verkefni í auglýsinga- og heim-
ildarmyndagerð. En það gerist alltaf
að auglýsingamarkaðurinn dettur
niður eftir jólin og fyrstu mánuði
ársins. Við erum nú með heimildar-
myndaverkefni í gangi sem sam-
þykkt hafði verið að geyma fram yf-
ir áramót.“
— Er ekki drýgstur hluti ykkar
verkefna kominn beint frá borg og
ríki?
„Vissulega er nokkuð til i því, við
erum með stórt verkefni fyrir
Reykjavíkurborg, heimildarmynd
fyrir tæknisýningu í Reykjavík, sem
tekin var á síðastliðnu sumri og er
nú verið að klippa og ganga frá.
Þessi mynd er í tilefni af 200 ára
afmæli borgarinnar. Einnig erum
við með skólamynd fyrir Náms-
gagnastofnun og kemur borgin þar
eitthvað inn í. En við erum einnig
með verkefni fyrir ýmsa aðra og má
nefna mynd um ár æskunnar fyrir
Kynningarþjónustuna og einnig má
nefna myndir fyrir Stjórnunarfélag-
ið. Meirihluti okkar tekna er hins
vegar af auglýsingamyndagerð."
— Hafa engar ákvardanir verid
teknar um upphafleg markmid, um
útvarps- og sjónvarpsrekstur?
„Það hefur vissulega háð okkur
að þurfa að bíða eftir að stórar
ákvarðanir yrðu teknar af stjórn Is-
film eða þeim aðilum sem að ísfilm
standa. Áð taka ákvörðun um að
breyta fyrirtækinu í útvarps- og
sjónvarpsrekstrarstöð felur í sér
miklar breytingar á öllu skipulagi og
þá yrði lítið hægt að sinna öðrum
verkefnum. Það má segja að við
höfum lítið beitt okkur í markaðs-
setningu vegna heimildarmynda og
auglýsinga þar eð við höfum ekki
vitað hversu lengi við verðum með
núverandi skipulag. T.d. höfum við
ekki farið út í að setja upp sérstaka
deild vegna auglýsinga- og heimild-
armyndagerðar ef við þyrftum síð-
an að vísa mönnum frá."
— Hvad er það sem dregur
ákvörðun?
„Lögin eru nú rétt að taka gildi og
reglugerð enn ókomin, kemur
reyndar kannski í þessari viku. Það
er aldrei að vita með rekstrargrund-
völl útvarps og sjónvarps fyrr en
stjórnvöld hafa skilað sínu. Það er
margt sem verður að athuga. Fyrstu
drögin að reglugerð voru t.d. þannig
að vafasamt er að nokkur hefði far-
ið af stað með slíkan rekstur, og
þetta er því miður lítið að breytast.
Lokaákvörðun um útvarps- og sjón-
varpsrekstur verður í raun ekki
hægt að taka fyrr en reglugerðin sér
dagsins ljós. Hún er í höndum Út-
varpsréttarnefndar og höfum við
orðið fyrir nokkrum vonbrigðum
með hvernig hún er mönnuð."
— Hvað með þá aðila sem að ís-
film standa, nú skilst manni að þeir
eigi í nokkrum sambúðarerfiðleik-
um; Frjáls fjölmiðlun (DV) er búin
að yfirgefa skipið, SIS er tvístígandi
og Reykjavíkurborg með sína fyrir-
vara. Er ísfilm að klofna?
„Ekki held ég nú að rétt sé að tala
um sambúðarerfiðleika, en það er
rétt, Frjáls fjölmiðlun hefur hætt við
og vissar skýringar á því. Þeir eiga
fyrirtækið Videson þar sem þeir
liggja með fjárfestingu, sem þeir
hugsa sér sjálfsagt að gera eitthvað
með. Ég ímynda mér að þeir vilji
nýta þá peninga sem þeir hafa sett í
þetta fyrirtæki, en þeir verða sjálfir
að svara fyrir um þetta.
Samband íslenskra samvinnufé-
laga á eftir að taka sína ákvörðun og
það hefur ekki hjálpað okkur eða
flýtt fyrir ákvörðun annarra aðila
ísfilm að á aðalfundi SÍS í júní á síð-
astliðnu ári hafi verið samþykkt að
taka upp viðræður við launþega-
hreyfinguna um alhliða fjölmiðlun-
arfyrirtæki á sama tíma og SÍS er
aðili að ísfilm. Svör frá SÍS hafa ekki
verið skýr, en það liggur fyrir að
stjórn SÍS muni taka ákvörðun nú í
febrúar. Það er auðvitað ósennilegt
að það verði í báðum fjölmiðlunar-
fyrirtækjunum í einu.“
— Miðað við þessa stöðu, skýtur
það ekki skökku við að hafa tekið
ákvörðun í desember um hlutafjár-
aukningu úr 12 í 48 milljónir kr.?
„Þetta var beiðni frá okkur sem
nú er til skoðunar hjá þeim sem að
ísfilm standa. Það liggur fyrir að AI-
menna bókafélagið verður með í
þessu, sömuleiðis Haust hf og borg-
arstjórn hefur fyrir sitt leyti sam-
þykkt heimild til að auka hlutafé
sitt. Frjáls fjölmiðlun er farið út, en
Sambandið og Árvakur hafa ekki
enn tekið ákvörðun."
— Er þetta ekki búið spil efSÍS fer
líka úr ísfilm?
„Nei, ekki vil ég nú segja það, eng-
inn er ómissandi og ég geri ráð fyrir
að aðrir aðilar verði fundnir í stað-
inn. En það er vissulega mjög leiðin-
legt ef aðilar eru að fara sem voru
svo samhuga á sínum tíma. Hvað
SÍS varðar í þessu sambandi má
reyndar geta þess að aðild þess var
mest gagnrýnd vegna samvinnunn-
ar við Frjálsa fjölmiðlun og Árvakur,
þannig að nú þegar Frjáls fjölmiðlun
er farin út ætti þessi gagnrýni eitt-
hvað að minnka.“
— Þessi óvissa hjá ykkur hefur
haft sín áhrif, okkur skilst að það
hafi og sé að bresta á starfsmanna-
flótti hjá ykkur?
„Það er mikið rétt í þessu, einn er
hættur fyrir nokkru og nú eru tveir
að hætta, en á móti höfum við bætt
einum manni við, þannig að nú eru
tæknimenn 5 í stað 7 áður. Jón
ívarsson er hættur, en hann hafði
unnið lengi hjá okkur. Þó enginn sé
ómissandi þá er slæmt að missa
menn og það er erfitt að fylla skarð
Jóns, því hann sinnti vandasamri
tæknivinnu. Og Björn Emilsson er
að fara til sjónvarpsins, þar sem
honum býðst að gerast upptöku-
stjóri. Það spilar inn í þetta að áður
var ieikur einn að sækja tæknimenn
til sjónvarpsins, en nú er það aftur á
móti farið að borga svo vel að þaðan
fást ekki lengur menn. Við erum
varla lengur samkeppnisfærir!"
— Viö höfum líka frétt að þú sért
sjálfur að hugleiða að hœtta hjá ís-
film. Hvað veldur?
„Það sem rétt er í þessu er, að ég
tók fyrir ári ársleyfi frá mínum störf-
um sem skrifstofustjóri borgarverk-
fræðings. Leyfið er til 1. febrúar. Ég
neita því ekki að þegar ég réði mig
til ísfilm þá átti ég von á að hlutirnir
gerðust hraðar, ég hafði ekki hugsað
mér að ráða mig til að reka auglýs-
inga- og heimildarmyndagerð. Ég
átti von á því að sjónvarpsstöð yrði
að veruleika. Ég held ekki mínu
starfi hjá embætti borgarverkfræð-
ings nema ég taki ákvörðun og nú
eru ekki nema 3 vikur til stefnu. Ég
hef ekki tilkynnt að ég sé hættur og
sé ástæðu til að halda þessum dyr-
um opnum. Það er nokkuð ljóst að ef
ekki kemur að stórum ákvörðunum
fljótlega þá tek ég ákvörðun um að
hætta hér og fara aftur til starfa hjá
borginni. Fyrirtækið stendur ekki
né fellur með mér og þetta er ekki
stórvægilegt atriði út af fyrir sig.
Miklu mikilvægara er að gera sér
grein fyrir því að ef á að fara út í út-
varps- og sjónvarpsrekstur þá verð-
ur að setja fullan kraft í markaðs-
setninguna. Það er mitt mat að
nauðsynlegt sé að miða við að hefja
slíkan rekstur í ágúst-september
þegar auglýsingamarkaðurinn er á
uppleið, annar tími í startið er ekki
góður. Nú fara menn að verða of
seinir að taka ákvarðanir og má
segja að ef þær komi ekki fljótlega
þá megi nokkuð ljóst vera að slík
framkvæmd tefjist til ágúst-sept-
ember 1987. Sem stendur eru allar
líkur á því að ég hætti hér hjá ís-
filrn."
— Stendur rekstur ísfilm undir sér
þessa stundina?
„Reikningarnir liggja nú ekki fyr-
ir, en það má segja að við höfum fyr-
ir daglegum rekstrarkostnaði. En ef
við tökum inn í dæmið vaxtakostn-
að, gengistap og fullar afskriftir þá
er ljóst að tala má um taprekstur.
Það er mín meining að ef reksturinn
á einungis að snúast um auglýsinga-
og heimildarmyndagerð geti hann
gengið bærilega, en þá þarf að taka
ákvörðun um slikí, enda höfum við
ekki beitt okkur af krafti fyrir verk-
efnaöflun á þessu sviði vegna áætl-
ana um fyrirhugaðan útvarps- og
sjónvarpsrekstur og það skýrir
deyfðina sem hefur verið ríkjandi".
8 HELGARPOSTURINN