Helgarpósturinn - 20.02.1986, Page 9

i við hliðina á Þjóðviljanum.
hald, viðgerðir, ráðgjöf og rann-
sóknir. Þá sagði Hákon:
,,Á síðustu 25 árum heftir verið
byggt óhemju mikið hér á landi og
margt af því á kostnað gæðanna.
Það þarf að koma hér upp ráðgjafar-
þjónustu tæknimenntaðra manna,
leggja meiri áherslu á fyrirbyggj-
andi aðgerðir, trausta hönnun og
nákvæma útfærslu. Þetta er aðeins
að byrja hérna hjá okkur, en þyrfti
að koma í mun meira mæli.“ Sagði
Hákon enn fremur að sárafáir aðilar
byggju yfir þekkingu til að vinna
viðgerðir svo vel væri.
Áðurnefndir samstarfsmenn Há-
kons við stofnunina hafa tekið þessi
ummæli grafalvarlega og stofnað
ásamt öðrum Verkvang. Þeir hafa
komist að sömu niðurstöðu og Iðn-
aðarblaðið, sem taldi nýja iðngrein
vera þarna í uppsiglingu: ,,Það er
ljóst að verkefni við viðgerðir og
viðhald húsa verða ærin á næstu
árum og raunar má búast við að þau
taki að verulegu marki við af ný-
smíðinni sem allar líkur eru á að
dragi úr.“
Með vitund og vilja
forstjórans
En hvað segja þeir starfsmenn Rb
sem eru meðal stofnenda þessa fyr-
irtækis? Jón Sigurjónsson yfirverk-
fræðingur Rb varð fyrir svörum.
„Við hljótum að mega vinna okk-
ar aukavinnu eins og okkur hentar
best, eftir vinnu okkar hjá Rb. Eg hef
lesið viðkomandi grein í lögum um
réttindi og skyldur opinberra starfs-
manna og það er túlkunaratriði sem
þar stendur. Það er sjálfsagt hægt að
banna okkur þessa starfsemi, en
það yrði þá að vera forstjóri stofn-
unarinnar sem gerði það. Með vit-
und og vilja hans sjáum við hins
vegar ekki annað en að þetta sé
leyfilegt."
Jón nefndi að þeir hjá Rb störfuðu
ýmislegt annað en sem ríkisstarfs-
menn frá kl. 9—5. T.d. kennslu þeg-
ar slíks væri krafist af þeim og
kæmu engar athugasemdir við þau
störf. Verkfræðimenntun væri
þannig að menn gætu unnið ýmis
störf utan síns eiginlega vinnutíma.
„Alltaf þegar mál fara fyrir dóm
eru dómkvaddir matsmenn, við
erum aldrei settir í neitt dómara-
sæti. Við gerum hins vegar að því er
við teljum mjög hlutlausar skýrslur
um mál. Ef upp kæmi mál með
Verkvang h/f yrði slíku vísað til
gerðardóms verkfræðingafélagsins
eða annars slíks aðila. Við getum að
sjálfsögðu ekki fjallað um okkar eig-
ið mál ef upp kæmi.“
Jón sagði að ef tilmæli kæmu frá
ráðherra yrði að taka afstöðu til
þeirra og bregðast við á viðeigandi
hátt, en þangað til væru Rb-menn
innan Verkvangs í fullum rétti.
„Við vitum öll hver er undirrótin
að allri þessari aukavinnu lands-
manna. Menn verða að geta iifað.
Það gerir það enginn að gamni sínu
að vinna helgar og kvöld stóran
hluta úr árinu. Maður getur ekki
unnið frá 9—5 hjá ríkinu og séð
almennilega fyrir fjölskyldunni."
Jón sagði að Verkvangur væri
ekki með eigin rannsóknaraðstöðu,
heldur gæti keypt rannsóknir af Rb,
væntanlega eins og aðrir í landinu.
„Ef við höfum verið beðnir um
rannsóknir þá höfum við vísað á
rannsóknarstofnunina. Við reynum
að fara eins eðlilega í þetta og hægt
er til að forðast árekstra."
Beðið eftir mistökum?
Nokkuð virðist ljóst að á sínum
tíma hafi þessir starfsmenn Rb þurft
að fá leyfi iðnaðarráðherra fyrir
þátttöku í fyrirtækinu. Þá var Sverr-
ir Hermannsson iðnaðarráðherra,
en hann er einmitt tengdafaðir áð-
urnefnds Guðna Jóhannessonar,
stærsta hluthafans. Til að fá endan-
lega úr málinu skorið virðist þurfa
ákveðið tilvik um hagsmunaárekst-
ur inn á borð núverandi iðnaðarráð-
herra, Alberts Gudmundssonar. Með
öðrum orðum að beðið sé eftir því
að skjóta þurfi máii er tengist Verk-
vangi h/f til umsagnar og mælinga
hjá Rb.
Kerti
*
Islendingum hefur tekist að framleiða
gæðakerti. Þau jafnast á við það sem
best gerist á Norðurlöndunum. Kertin
eru framleidd úr bestu fáanlegu hrá-
efnum undir ströngu eftirliti færustu
meistara.
Látum hin hreina loga Heimaeyjar-
kertanna veita birtu og yl.
HEIMAEY
KERTAVERKSMIÐJA
Faxastíg 46,
900 Vestmannaeyjum.
Sími 98-2905.
HELGARPÓSTURINN 9