Helgarpósturinn - 05.04.1986, Side 31

FRÉTTAPÓSTUR
Útborgun laekkar
Stórtíðindi gerast á fasteignamarkaðnum. Félag fasteigna-
sala ákvað í vikunni að beita sér fyrir því að útborgun við
íbúðakaup lækki í 40—50% kaupverðs og eftirstöðvar
verði til 10 ára. Þórólfur Halldórsson, formaður félagsins,
segir í samtali við Morgunblaðið í gær, að þetta ætti að auð-
velda ungu fólki mjög að eignast íbúðir. Hann segir að þessi
ákvörðun Félags fasteignasala hafi verið tekin i samráði við
Seðlabankann og aðila vinnumarkaðarins.
Lögreglumenn segja upp
Stór hluti lögregluþjóna hefur sagt upp störfum. í sumum
lögsagnarumdæmum, eins og t.d. i Vestmannaeyjum, hafa
nær allir starfandi lögregluþjónar sagt upp, en annars stað-
ar um helmingur og þar yfir. Ástæður uppsagnanna eru
launakjör og starfsskilyrði svo og lítið réttaröryggi í starfi,
segir m.a. í uppsagnarbréfunum. Uppsagnirnar eru flestar
frá því núna um mánaðamótin og taka því gildi 1. júlí, verði
þær ekki dregnar til baka.
Tæknimenn til starfa
Tæknimenn útvarps og sjónvarps og Pósts og síma mættu
aftur til vinnu í gær eftir að hafa verið frá störfum i alllang-
an tima. Fjarvera þeirra olli því að páskadagskrá rikisfjöl-
miðlanna fór meira og minna úr skorðum og var aðeins sjón-
varpað annan hvern dag yfir hátíðina.
Forsenda þess að tæknimennirnir koma aftur til vinnu er
að fjármálaráðuneytið hefur fallist á að eiga viðræður við
Rafiðnaðarsamband íslands og Sveinafélag rafeindavirkja
um málefni tæknimannanna, sem vilja fá laun samkvæmt
samningum þessara félaga en ekki BSRB. Fyrsti samninga-
fundur deiluaðila hefur verið boðaður kl. 14 á morgun.
Bakarar sömdu
Bakarasveinar sömdu rétt fyrir miðnætti 31. mars þannig að
ekki kom til áður boðaðs verkfalls þeirra. Ekki náðust nein-
ar kauphækkanir umfram það sem almennt gerist í samn-
ingi þeirra en kveðið er á um viðræður sveina og meistara
um sérkröfur bakarasveina, sem aðallega snúast um orlofs-
lengingu og vinnutíma. Bakarasveinar kref jast þess að þeim
verði greidd næturvinna ef tir átta tíma vinnu — hvenær sem
sú vinna er innt af hendi.
Vextir lækka
Vextir lækkuðu í vikunni og bera nú almennar sparisjóðs-
bækur neikvæða vexti. Lækkun á vöxtum óverðtryggðra
lána nam 4—4,5 prósentustigum að meðaltali. Hæstu vextir
á almennum sparisjóðsbókum eru nú 9%, forvextir víxla
lækkuðuúr 19,5% í 15,25% og vextir almennra skuldabréfa
eru nú 15,5%. Nú þegar hefur vaknað umræða um hvort
umsamdir fastir 20% vextir sem voru algengir á eftirstöðva-
bréfum fasteignaviðskipta, séu löglegir þar sem hæstu lög-
leyfðu vextir nú eru 15,5%. Formaður lögmannafélagsins,
Jón Steinar Gunnlaugsson, hefur lýst því yfir að rétt sé að
fá úr þessu skorið fyrir Hæstarétti og ráðleggur fólki að
borga áfram 20% vexti eins og umsamið hafi verið, en með
fyrirvara, til að geta síðar innheimt mismuninn, dæmi
Hæstiréttur vextina of háa.
Óskar flytur farþega
Togarinn Óskar Halldórsson fer nú að líkjast meir farþega-
skipi en fiskiskipi. Stutt er síðan togarinn kom til landsins
með þrjár stúlkur frá Hull innanborðs sem frægt varð í f jöl-
miðlum og er togarinn kom frá Grimsby nú um páskana
voru enn tvær stúlkur um borð. Þær fengu ekki að fara í
land — til þess voru skilríki ekki í nægilega góðu lagi.
Pétur til Los Angeles Lakers
Pétur Guðmundsson, körfuknattleiksmaður, er nú á til-
raunasamningi við Los Angeles Lakers-liðið, sem mun eitt
af betri körfuknattleiksliðum heims. Liðið réð Pétur fyrst til
10 daga reynslutíma og að þeim tíma loknum í aðra 10 daga.
Þetta mun venja meðal bandarískra liða, að ráða nokkurn
fjölda leikmanna í stuttan tíma og velja þá úr þá sem liðið
vill til langframa. Pétur hefur leikið nokkra leiki með liðinu
og þykir líklegt að honum verði boðinn lengri samningur.
Hann segir sjálfur svo frá í viðtölum við íslenska fjölmiðla,
að hann sé bjartsýnn á að fá lengri samning. Hann hefur
hlotið góðar móttökur áhorfenda og fjölmiðla ytra og
forráðamenn liðsins hafa lýst þvi yfir í blöðum að þeir vilji
Pétur til liðs við sig. Pétur spilar stöðu miðherja, en það er
staðan sem Kareem Abdul Jabar spilar annars með liðinu,
en hann er einn frægasti körfuknattleiksmaður Bandarikj-
anna í dag.
Fannst eftir 14 mánuði
Lík Hafþórs Más Haukssonar, piltsins sem leitað var lengi
í fyrra eftir að hann týndist ásamt jeppabifreið sinni, hefur
fundist. Það voru tveir áhugakafarar við æfingar í Sunda-
höfn sem fundu jeppann og var lík Hafþórs i honum. Haf-
þórs hafði, þegar hann fannst, verið saknað frá þvi 20. janú-
ar í fyrra, og var fyrst eftir að hann týndist gerð mjög um-
fangsmikil leit að honum.
Hlupu 1. apríl
Aðeins DV, Dagur á Akureyri og ríkisfjölmiðlarnir fengu
tækifæri til að láta fólk hlaupa 1. april að þessu sinni, þar
sem hin dagblöðin komu ekki út á þriðjudag. Bæði ríkisút-
varpið og DV greindu frá miklum verðlækkunum í áfengis-
útsölum og DV fullvissaði lesendur sina um að i Lindargötu-
rikinu væru ákveðnar vintegundir seldar á spottprís og það
beint af tönkunum. Að sögn afgreiðslumanna í versluninni
kom f jöldi fólks og hugðist gera góð kaup. Sjónvarpið greindi
frá, í máli og myndum, óþekktum erlendum kafbáti sem
vart varð í Hvalfirði en Dagur á Akureyri flutti fréttir af nýj-
um heilsudrykk sem ku vera svo magnaður að það þurfti að
minnka skammtana þar sem þeir sem fengu drukkinn urðu
allt of hressir.
UM HELGINA
FIMMTUDAGSKVOLD:
OPIÐ frá kl.22 - 01
Jóhann Helgason mætir og syngur
nokkur lauflétt lög. Hressir dansarar
úr Dansstúdiói Sóleyjar frumflytja
æðislegan dans sérsaminn fyrir nýja
diskótekið okkar.
Óli stendur vaktina í tónabúrinu og
leikur öll vinsælustu lögin.
Hér eftir verður DISKÓTEKIÐ opið öll
fimmtudagskvöld.
☆ Í* ÍZ
FOSTUDAGS- OG
LAUGARDAGSKVÖLD:
Húsið opnað kl. 20 fyrir matargesti.
Karl Möller framreiðir Ijúfa tóna fyrir
matargesti.
Menu: Rjómasveppasúpa
Fylltur nýr Grísahryggur Bord-
ulaise
Rjómarönd.
Edda og Júlli skemmta matargestum
ásamt hinum frábæra Bessa Bjarna-
syni sem kemur í heimsókn.
Pálmi Gunnarsson skemmtir á mið-
nætursviðinu. Og síðast en ekki síst;
Pónik og Einar leika fyrir dansi.
í DISKÓTEKINU stendur Óli nætur-
vaktina.

BEa0aEgsii0SiE30ö0Qa
☆ ☆

iilllllll

'"-Ci

versluniri
V
STjQBMXBJi
Starmýri 2
Ný verslun á gömlum grunni
Egð kr- 39 kð-

Wí
x ^
Hangikjöt
úrbeinaöur frampartur
kr. 338 kg.
Nautakjöt
á mjög lágu veröi:
Hakk kr. 325 kg.
buff kr. 715 kg.
innanlæri kr. 767 kg.
r ■ -

Svali á
69 kr. 6 í pakka
Heildósir af
niðursoðnum ávöxtum
75 kr.
Góður afsláttur á
kókómjólk.
Allt svínakjöt
á lágu verði.
WrsJurxin
Starmýrl 2
S. 30420 - 30425
Opið mánudaga — föstudaga frá 9—18.
Laugardaga 10—16.
HELGARPÓSTURINN 31