Helgarpósturinn - 10.07.1986, Blaðsíða 3

FYRST OG FREMST
GOÐUR gestur sótti okkur
Islendinga heim á dögunum, en
fékk því miður ekki þá athygli
sem hann svo sannarlega verð-
skuldaði. Sá heitir Michael J.
Kami, Brasilíumaður búsettur i
Bandaríkjunum, og hefur lifibrauð
af því að ráðleggja stórfyrirtækj-
um á borð við Kóka-kóla og IBM
um rekstur. Annars ferðast Kami
bara um heiminn, heldur fyrir-
lestra og hefur það næs. Kami
kom hingað á vegum Stjórnunar-
félagsins og hlýddu 110 manns á
fyrirlestur hans 13da júní. Inn-
gangseyrir var sléttar 11.700
krónur, en það fylgir sögunni að
þátttakendur hafi reitt það fé af
hendi með glöðu geði, ekki síst
fjölmargir starfsmenn hins opin-
bera sem sóttu þessa samkomu,
og þurftu vonandi ekki að borga
sjálfir fyrir hin hollu ráð Kamis.
Eða eins og einn þátttakandinn
sagði við Morgunblaðið: „Ég er
kominn hingað til að fá hug-
myndir og lyfta mér upp úr rign-
ingarsuddanum." Sá hefur tæpast
orðið fyrir vonbrigðum, því
hugmyndir Kamis eru vissulega
nýstárlegar. Hann er til dæmis
þeirrar skoðunar að ungi, settlegi
viðskiptafræðingurinn með snyrti-
lega bindishnútinn sé orðinn
úreltur og einskis nýtur, en í stað-
inn þurfi nútíma fyrirtæki á svo-
kölluðum „górillum" að halda.
Górillur eru ungir, hugmyndaríkir,
atorkusamir og óhefðbundnir
menn. Þeir láta ekki að stjórn,
mæta seint til vinnu, eru í burtu
tvo klukkutíma í hádeginu,
gleyma að heilsa forstjóranum og
ganga aldrei með bindi, sagði
Nú þurfa stjórnendur íslenskra fyrir-
tækja að fara á górilluveiðar — eða var
Michael J. Kami bara að draga þá á
asnaeyrunum...
Kami. Því næst skimaði hann yfir
hugfangna tilheyrendur sína og
bætti við: „Vel á minnst, bindi. Ég
sé að hér eru allir með einhvers-
konar hálstau. Það er hlægilegt
hvað þið stjórnendur eruð enn
rótfastir í hefðum 19du aldar-
innar." Það fylgir sögunni að
þegar upp var staðið „virtust
áheyrendur sælir og glaðir að hafa
eytt dagstund með Michael J.
Kami“ og varla sá nokkur eftir
11.700 krónum í hinn góða gest.
En nú er sumsé spurningin hvar
stjórnendur íslenskra fyrirtækja
ætla að finna óhefðbundnar og
bindislausar górillur. Varla í við-
skiptadeild Háskólans, þar ganga
víst allir með bindi, heilsa prófess-
ornum og mæta á réttum tíma.
ENN sem fyrr virðist Biblían
vera vinsælasta bók á íslandi. í
umræðunni sem spunnist hefur af
Hafskipi og málum Alberts og
Guðmundar jaka hefur rykfallinn
biblíulærdómur rifjast upp fyrir
mörgum manninum, ekki síst
dæmisagan góða um miskunn-
sama Samverjann, ákúrur Frelsar-
ans um flísina í auga náungans og
bjálkann í eigin auga og sú brýna
fyrirspurn hans hver vilji eiginlega
kasta fyrsta steininum. Þetta er
auðvitað allt liður í því að færa
umræðuna á hærra plan, eins og
það heitir. Engum hefur þó tekist
að gera hinn heimspekilega flöt
þessa máls jafn auðskiljanlegan
hverju mannsbarni og Richardt
Ryel stórkaupmanni sem skrifar
greinina „Glæpur og refsing" í
Morgunblaðið á þriðjudaginn. Eins
og Richardt Ryel bendir réttilega á
getur okkur „e.t.v. verið hollt að
rifja upp 2000 ára siðgæðisferil
okkar þessa dagana". Richardt
Ryel lætur ekki sitja við orðin
tóm, og kemst að þeirri niður-
stöðu að — „ætli okkur geti ekki
öllum skrikað fótur á hálli sið-
gæðisbrautinni?" og að virkt
nútímaréttarfar verði að „byggja á
mannlegu eðli, mannlegri náttúru
og því sem flestum er fyrir bestu."
En Richardt Ryel kemst ekki að
þeirri niðurstöðu fyrr en hann
hefur rakið sig gaumgæfilega í
gegnum sögu mannsandans, og
fer þar geyst á jakahlaupi yfir
fjölda stórspekinga. Við getum
nefnt: Sókrates, Immanúel Kant og
skilyrðislausa skylduboðið hans,
Heine, George Berkley biskup,
heilagan Agústínus, Schopenhauer
og alheimsviljann hans, David
Hume, William James, John
Dewey og loks heilaga ritningu. . .
Og fer nú brátt að standa upp á
Heimspekideild Háskólans að hún
tjái sig um Hafskipsmálið. . .
HÁTT í ÞÚSUND íslending-
um var boðið í íbúð bandaríska
sendiherrans 4. júlí sl. til að halda
upp á rúmlega 200 ára afmœli
Bandaríkjanna og til að berja
augum Maureen, dóttur Reagans
forseta og Jane Wyman, Falkon
Crest-stjörnu. Margir boðsgestanna
höfðu klætt sig í sitt besta skart og
bjuggust við miklum trakteringum
og herlegheitum. En þeir hinir
sömu urðu fyrir nokkrum von-
brigðum. Hópurinn var tekinn inn
í þremur „hollum" og fékk hver
hópur um sig að vera inni í íbúð-
inni í klukkustund í senn, og beið
í hvert sinn hópur manna i stiga-
ganginum eftir að komast að.
Þegar inn var komið og menn
hugðust ætla að fara að gæða sér
á dýrinds veitingum, fengu þeir
lítið kort með mynd af frelsis-
styttunni margrómuðu að gjöf og
var síðan rétt í hendur plastglös
með ekki merkari drykkjum en
kóki og Budweiserbjór. Einhver
rjómaterta var líka á boðstólum
og fengu menn hana afhenta í
servíettum og reyndist mörgum
erfitt að koma henni upp í sig án
þess að verða útataðir í rjóma og
öðru gumsi. Einu ljósu punktarnir
í þessu samkvæmi voru forseta-
dóttirin, en það ku hafa verið
mjög erfitt að komast nálægt
henni vegna fólksmergðarinnar
sem umkringdi hana, og síðan
törkí eða kalkún sem borinn var
fram ofan á brauð. Þótti mörgum,
sem ætluðu sér í framhaldi af
boðinu að stíga léttir í lundu á
dansleik á einhverju hinna fínu
danshúsa borgarinnar, þetta vera
helstiþunnurþrettándi og fóru
nokkuð beygðir út úr boði
stórvinarins. . .
HELGARPUSTURINN UMMÆLI VIKUNNAR
HEILDSALA
„Veit ekki til þess aö Sambandiö hafi
Flott er hið fríkaða lið, fengið vinning í happdrœtti hjá stjórnmála-
færandi varninginn heim. flokkunum.“
Svo tekur salan við - AXEL GISLASON, AÐSTOÐARFORSTJORI SiS, VIO DV 8. JÚLi
á sexföldu verði frá þeim. EFTIR AÐ HAFA UPPLÝST BLAÐIÐ UM AÐ FVRIRTÆKIÐ STYRKTI „FLEIRI EN EINN OG FLEIRI EN TVO" FLOKKA MEÐ KAUPUM Á
IMiðri HAFPUHÆI IISMIUUM.
Er eitthvað að
marka þig, drengur?
fótboltamaður
„Eitthvað að marka mig. Já, enn sem komið er, það held ég.
Það er aftur á móti spurning hvort eitthvað verði að marka mig
þegar fer að líða á. Ég held að það eigi alveg að vera að marka
mig þegar að því kemur."
— Nú ertu þegar búinn að gera ellefu mörk í 1. deild-
inni, hvert þeirra finnst þér fallegast?
, Ja, ég veit það ekki. Mér fannst fallegt markið á móti Skag-
anum, eins markið á móti Vestmannaeyjum, eins á móti Val og
á móti Þór. Mér finnst þetta allt hafa verið falleg mörk."
— Þú getur ekki gert upp á milli þeirra?
,Jú, eiginlega finnst mér Skagamarkið fallegast."
— Stefnirðu á markamet?
„Ég vil nú hafa sem fæst orð um það. Ég stefni á næsta leik.
Ég vil ekki segja annað en að það komi í Ijós. Ég ætla ekki að
láta einhver met stíga mér til höfuðs. Metin eru ekki það sem
skipta öllu máli. Aðalatriðið er að liðið vinni."
— Þig vantar 8 mörk til að jafna met Péturs Péturs-
sonar.
,Já, það er rétt, hann skoraði 19 mörk."
— Ertu hræddur um að Fram missi flugið eins og átti
sér stað í fyrra?
„Ég held nú að við séum reynslunni ríkari í ár. Hinsvegar veit
ég að baráttan verður ekki síður hörð í sumar en í fyrrasumar.
En ég ætla að vona að þetta gangi í ár. Ég vona það innilega.
Ég er að minnsta kosti staðráðinn í því að gera allt sem í mínu
valdi stendur til þess að betur gangi heldur en í fyrra. Ég geri
það ásamt mínum félögum. Víst er að það er kominn tími til
þess að Fram hljóti titilinn."
— Hefurðu eitthvað leikið með landsliðinu?
,Jú, jú, ég hef leikið þrjá leiki með landsliðinu. Ég spilaði
minn fyrsta landsleik í fyrra á móti Færeyingum. Ég held alveg
örugglega að það hafi verið stærsti sigur Islands fyrr og síðar.
Við unnum Færeyinga 9-0. Ég lék einnig með þegar landsliðið
fór í ferð til Arabíu. Við spiluðum tvo leiki við Bahrain.
— I framhaldi af þessu, stefnirðu á atvinnumennsku
í knattspyrnu?
„Ég hef lítið hugsað út í atvinnumennsku. En það kemur vel
til greina að fara útí atvinnumennsku, svo framalega sem mér
býðst eitthvað viðunandi og freistandi."
— Nú ertu knattspyrnumaður og þess utan í fullu
starfi, hvað gerirðu í frístundum þínum, ef þú átt þá ein-
hverjar?
„Það má segja að það séu engar frístundir; eigi ég frístundir
fara þær allar í fótbolta. Nei, annars, það eru nú ýkjur. Maður
gerir ýmislegt í þeim frístundum sem maður á, hinsvegar er fót-
boltinn það mikill hluti af lífinu að maður hefur mjög takmark-
aðar frístundir utan hans. Ég er nánast daglega í fótbolta, ann-
aðhvort á æfingu eða í keppni."
— Þú varst einhvern tíma söngvari með Mezzoforte-
strákunum, er það ekki rétt?
„Jú, jú, einhvern tíma var það. Ætli það séu ekki orðin sex eða
sjö ár síðan. Þetta var í upphafi ferils strákanna í Mezzoforte.
Strákarnir voru með Mezzoforte sem sérhljómsveit en ég var
með í öðrum hljómsveitum sem voru stofnaðar í kringum
Mezzoforte. Ellen Kristjánsdóttir söng líka með. Ein þessara
hljómsveita var Ljósin í bænum. Síðan stofnuðum við tvær aðr-
ar hljómsveitir upp úr því."
— Þú hefur ekki haldið áfram að syngja?
„Nei, ekki þannig. Maður er nú alltaf eitthvað að raula án
þess að ég ætli nokkuð að leggja það fyrir mig. Maður raular
þetta fyrir sjálfan sig."
— Að lokum Guðmundur, hver er galdurinn við að
skora svona mörg mörk?
„Já, galdurinn við það. Ég veit nú ekki hvað ég á að segja
við því. Þetta er eitthvað sem bara kemur. Einnig verður maður
að hafa heppnina svolítið með sér. Það kemur líka til að það er
ekki það sama að leika i lélegu liði eða góðu liði. Það er alveg
borðleggjandi að maður skorar miklu meira með góðu liði, eins
og Fram, heldur en lélegu liði."
Guðmundur Torfason hjá Fram hefur skorað hvert markið á fætur öðru
í 1. deildinni (knattspyrnu (sumar. Hann er búinn að skora ellefu mörk
nú þegar, hvert öðru fallegra. Hann gæti jafnvel slegið met Báturs F’ét-
urssonar en hann skoraði 19 mörk eitt sumarið.
ARNI BJARNASON
HELGARPÓSTURINN 3