Helgarpósturinn - 17.07.1986, Page 17

aríþrótt. Kemur það nokkrum á
óvart?
Billiardsamband íslands
„Þetta hafa ekki verið nein sam-
tök þangað til fyrir svona þremur
árum,“ segir Örn Ingólfsson ritari
stjórnar Billiardsambands íslands
og eigandi lngólfsbilliards. „ Sam-
tökin eru alls ekki mjög öflug. En
við teljum biljarðinn vera á uppleið
hér og víst að hann er á mikilli upp-
leið í Evrópu. Til gamans má geta
þess að Bretar sýna 200 klukku-
stundum meira af snóker í sjónvarpi
á ári heldur en af knattspyrnu. Hér
heima er sjónvarpið töluvert farið
að sýna frá biljarð og við höfum
merkt aukinn áhuga samfara því.
Einsog gengur erum við í baráttu
við aðrar íþróttir i slagnum um fólk-
ið. Við höldum alltaf íslandsmót í
apríl ár hvert og þá er keppt í nokk-
uð mörgum flokkum allt upp í
meistaraflokk. Við eigum mikið af
mjög efnilegum ungum mönnum og
stefnan er að ýta dálítið undir þá.
Við teljum hiklaust að viðhorfið
og áhuginn á biljarð sé að breytast.
Við teljum þetta vera íþrótt í mikilli
uppsveiflu. Við höfum líka gert mik-
ið að því að breyta biljarðstofunum,
gera þær meira aðlaðandi. Og nú er
lögð gífurlega mikil áhersla á að
hafa borðin í góðu lagi.
Við höfum tvisvar sent menn á
heimsmeistaramót áhugamanna í
snóker. En það verður því miður
ekki í ár þar sem mótið er haldið á
Nýja-Sjálandi og það er hreinlega of
dýrt fyrir okkur að senda spilara
þangað. Því miður var árangurinn
ekki nógu góður í fyrra en þar áður
náðist góður árangur. Jón Örn Sig-
urðsson lenti í 11.-13. sæti sem er
mjög gott. En það var í fyrsta sinn
sem við sendum menn á heims-
meistaramót."
— Er biljarðinn þá að breytast í
þá átt að ueröa meiri keppnisíþrótt
en áður?
„Nei. Ég vona að minnsta kosti að
það gerist ekki. Vegna þess að ég tel
— burtséð frá því að ég eigi hags-
muna að gæta — að biljarð sé fyrst
og fremst hvíld og afþreying. Það er
náttúrlega alltaf ákveðinn hópur
sem sker sig úr og leggur áherslu á
biljarð pg spilar hann sem keppnis-
íþrótt. Ég held nú að þróunin verði
ekki að biljarðinn verði alfarið
keppnisíþrótt, enda hefur þróunin
hvergi orðið sú,“ sagði Örn að lok-
um.
Danmerkurmeistari
í krambúl
I Danmörku er gert mikið af því
að spila ballskák en þar tengist spil-
ið mikið kráarlífi dönsku þjóðarinn-
ar. Keld Gall Jörgensen, lektor við
dönskudeildina í Háskóla íslands,
var árið 1979 Danmerkurmeistari í
krambúl. Klúbburinn sem hann spil-
aði hjá, og með, varð einnig þrisvar
sinnum Evrópumeistari í krambúl
og var það í fyrstu skiptin sem Danir
náðu þeim titli.
„Ég spilaði ballskák, eins og þið
íslendingar kallið spilið, í sautján ár.
Ég varð Danmerkurmeistari 1979.
Þá tók ég ákvörðun um að hætta
alveg. Ég fékk svo mörg boð um að
koma í keppni víða um heim að það
var óyfirstíganlegt. Þá nennti ég
þessu ekki lengur. Ballskákin hafði
tekið alltof langan tíma og sem Dan-
merkurmeistari hefði ég orðið að æfa
mig minnst fjóra tíma á dag. Því tók
ég engu boði um keppni.
Það var erfitt í Danmörku að fá
ballskák viðurkennda sem íþrótt
vegna þess hve mjög hún tengdist
kránum og bjórnum. Það vandamál
eigið þið Islendingar sem betur fer
ekki við að stríða. Það var þannig
með mig að ég hafði mjög gaman af
að spila ballskák, eins og gefur að
skilja, en ég fékk ekki nóg út úr fé-
lagsskapnum og það var ein af
ástæðunum til þess að ég hætti.
Ég hef bara einu sinni spilað hér á
landi. En hér eru engin krambúl-
borð, þ.e. lítil borð með engum hol-
um. Snóker spiluðum við lítið í Dan-
mörku en mér sýnist það vera
spennandi spil. A.m.k. er ljóst að
ballskák hentar vel á íslandi sem
inniíþrótt á veturna. Þannig að það
er aldrei að vita,“ sagði Keld Gall að
lokum.
Gylfi Snædahl Guðmundsson, starfsmaður Ballskákar, stendur við borð rúmenska kon-
ungsins. Borðið er a.m.k. 120 ára en því miður sést ekki mikilfengleiki þess á þessari
mynd.
Sprengisandur
Kjöhir
Bjóðum upp á ferðir milli Reykjavíkur og Akureyrar um Sprengisands- og Kjalvegsleiðir þar sem farið er á einum degi hvor leið.
FERÐAAÆTLUN SUMARIÐ 1986
BROTTFÖR FRÁ REYKJAVÍK:
Norður Sprengisand til Akureyrar MÁNUDAGA og
FIMMTUDAGA kl. 08.00
BROTTFÖR FRÁ AKUREYRI:
Suður Kjalveg til Reykjavíkur MIÐVIKUDAGA og LAUG-
ARDAGA kl. 08.30
FARGJÖLD SUMARIÐ 1986
FULLOÐRNIR:
Önnur leiðin um Sprengisand eða Kjöl kr. 2.900,00
Báðar leiðir um hálendið kr. 5.200,00
Önnur leiðin um hálendið og hin um byggð kr. 3.660,00
YNGRI EN 12 ÁRA:
Önnur leiðin um Sprengisand eða Kjöl kr. 2.200,00
Báðar leiðir um hálendið kr. 3.960,00
Önnur leiðin um hálendið en hin um byggð kr. 2.500,00
Allar brottfarirfrá Reykjavík eru frá Bifreiðastöð ís-
lands, Umferðamiðstöðinni vA/atnsmýrarveg.
Allar brottfarir frá Akureyri eru frá afgreiðslu sérleyfis-
bíla v/Geislagötu (gegnt Hótel Varðborg).
Ferðir þessar seljast með leiðsögn og faeði þann daginn sem ferðast er.
í ferðum þessum gefst fólki tækifæri á að sjá og heyra um meginhluta
miðhálendisins, jökla, sanda, gróðurvinjar, jökulvötn, hveri og margt
fleira í hinni litríku náttúru íslands.
Hægt er að fara aðra leiðina eða báðar um hálendið eða aðra leiðina
um hálendið og hina með áætlunarbíl okkar um byggð og dvelja norðan-
lands eða sunnan að vild, því enginn er bundinn nema þann daginn
sem ferðast er.
Nánari upplýsingar gefa BSÍ, Umferðarmiðstöðinni, Reykjavík, sími 22300, Ferða- skrifsstofa Akureyrar, sími 25000, afgreiðsla sérieyfisbiía Akureyrar, sími 24729 og við. c NORÐURLEIÐ HF. >ími 11145

HELGARPÓSTURINN 17