Morgunblaðið - 21.02.1990, Blaðsíða 42

42
MORGUNBLAÐIÐ IÞROTTIR MIÐVIKUDAGUR 21. FEBRÚAR 1990
I TOMAS Gustafson, þrefaldur
ólympíumeistari í skautahlaupi frá
Svíþjóð, náði aðeins 12. sæti í
5.000 metra skautahlaupi á heims-
meistaramótinu sem nú stendur
yfir í Innsbruck í Austurríki.
Gustafson, sem er þrítugur, hafði
lýst því yfír fyrir mótið að hann
ætlaði að enda 13 ára keppnisferil
sinn með sigri á mótinu um helg-
ina. Þjálfari hans, Per Arne Nils-
■^son, sagði að svellið hefði verið of
blautt og því hefði Gustafson ekki
náð sínu besta. Tími hans var 34
sekúndum lakari en besti hans tími
og 22 sekúndum lakari en tími hans
á Evrópumótinu í síðasta mánuði.
Eftir hlaupið sagðist Gustafson
ekki ætla að hætta. „Ég hef ákveð-
ið að vera með áfram, ekki aðeins
til að vinna titilinn næsta ár, heldur
til að reyna að vinna fjórðu gull-
verðlaun mín á ólympíuleikunum
1992.“
■ DMITRI Volkov frá Sovétríkj-
unum náði ekki að bæta met sitt
í 100 metra bringusundi á heims-
bikarmótinu í Desenzano á Ítalíu
um helgina eins og hann hafði ælt-
~ að sér. Volkov, sem setti heimsmet
í sömu grein í 50 metra brautinni
í Bonn í síðustu viku, hafði forystu
allan tímann í Desenzano, en þar
var keppt í 25 metra laug. Hann
synti á 59,77 sek. en tími hans í
Bonn var 59,30 sek. Jianhong
Chen frá Kína varð annar á 1.01,26
Sek.
■ ISTVAN Bagyula frá Ung-
verjalandi, sem stundar nám í
George Mason háskólanum í Virg-
iníu, sigraði í stangarstökki á frjáls-
'^íþróttamóti innnhúss í Clevland í
Bandaríkjunum á sunnudag.
Bagyula, sem er aðeins 21 árs,
stökk 5,50 metra. Lee McRae,
heimsmethafi í 55 og 60 metra
hlaupi innanhúss, náði aðeins þriðja
sæti í 50 metra hlaupinu á sama
móti er hann hljóp á 5,86 sek. Brian
Cooper, Bandaríkjunum, sigraði
á 5,73 sek. og landi hans, Greg
Moses, varð annar á 5,74 sek.
Steve Scott sigraði í míluhlaup á
4.01,69 mínútum og var tveimur
sekúndum á undan Terry Brahm.
Hollis Conway, bandaríski methaf-
inn í hástökki innanhúss, stökk 2,26
metra og sigraði.
SKÍÐAMENN í frönsku ölpun-
um hafa fengið að kenna á því
síðustu daga. Mikil snjókoma var í
austurhluta Frakklands í síðustu
viku og síðan fór að rigna og snjó-
flóð féllu víða með þeim afleiðingum
að loka varð fjölmörgum skíða-
svæðum. Að sögn lögreglunnar létu
15 manns lífið í snjóflóðum í Val
d’Isere og Tignes í síðustu viku.
■ ÁTTA hollenskir ólátabelgir
hafa verið dæmdir til að greiða um
110 þúsund krónur í sekt fyrir að
hafa vaðið inná völlinn í leik Fey-
enoord og Ajax í hollensku deild-
inni í knattspyrnu í fyrra. Hætta
varð leiknum og Feyenoord þurfti
_að borga 300 þúsund króna sekt
og var dæmt til að leika næsta
heimaleik án áhorfenda, en það
hafði í för með sér þriggja milljóna
króna tekjumissi. Þetta var prófmál
í hollenska réttarkerfinu og mjög
mikilvægt fyrir félögin, sem geta
nú lögsótt knattspyrnubullur vegna
óláta.
BADMINTON
Broddi Kristjánsson og félagar hans í íslenska karlalandsliðinu unnu
Frakka 5:0 í 2. umferð á heimsmeistaramóti landsliða í Austurríki í gær.
Karlaliðið nær
öruggt í úrslit
ÍSLENSKA karlaliðið í badmin-
ton tryggði sér nær öruggt
sæti í 16-liða úrslitum HM
landsliða er liðið vann Frakka
5:0 í Villach í Austurríki í gær.
Kvennaliðið vann Ítalíu, 5:0.
Íslenska karlalandsliðið, sem vann
Belgíu í fyrstu umferð á mánu-
dagskvöld 4:1, átti ekki í erfiðleik-
um með franska landsliðið. ísland
sigraði í öllum leikjunum fimm án
þess að til þyrfti að koma oddaleik-
ur. ísland þarf því aðeins að vinna
Norður-Kóreu í dag til að tryggja
sig í 16-liða úrslit keppninnar, en
Belgía sigraði Norður-Kóreu í gær,
4:1.
„Það ætti að vera nokkuð öruggt
að við leikum í úrslitakeppninni.
Norður-Kórea virðist ekki vera með
eins gott lið og við miðað við úrslit-
in gegn Belgum. í úrslitunum verð-
um við væntanlega í riðli með Dön-
um, Sovétmönnum og Finnum. Það
er því ekki ráðist á garðinn þar sem
hann er lægstur. Við eigum enga
möguleika gegn Dönum og Sovét-
mönnum, en ættum að geta staðið
í Finnum," sagði Friðrik Þór Hall-
dórsson, fararstjóri íslenska hóps-
ins.
íslenska kvennaliðið, sem tapaði
fyrir Búlgaríu 1:4 í fyrstu umferð,
stóð sig vel í gær og lék sama leik-
inn og karlaliðið, sigraði Ítalíu 5:0.
íslensku stúlkurnar eiga ekki leng-
ur möguleika á að komast í úrslita-
keppnina því Búlgaría hefur unnið
báða leiki sína. Stúlkurnar leika í
dag við Belgíu.
HANDKNATTLEIKUR
„Erfitl að eiga
við mál sem
gefa fordæmi"
- segirValgarðurSigurðsson, formaður
Dómstóls HSI um Valsmálið
„ÞAÐ er alltaf erfitt að eiga við
mál sem gefa fordæmi og við
munum gefa okkur góðan tíma
til að líta á allar hliðar málsins
áður en við fellum dóm,“ sagði
Valgarður Sigurðsson, formað-
ur Dómstóls HSÍ, um Valsmál-
ið. Valsmenn voru kærðirfyrir
að ganga af velli í leik gegn
Gróttu á alþjóðlegu handknatt-
leiksmóti Stjörnunnar og gætu
átt á hættu að vera dæmdir í
sex mánaða keppnisbann.
órður Sigurðsson, formaður
handknattleiksdeildar Vals,
sagði að boðaður hefði verið fundur
með Þorbirni Jenssyni, þjálfara liðs-
ins, og þar ætti að ræða málið.
„Þetta er í fyrsta sinn sem svona
gerist hér á landi og ég held að
menn hafi hreinlega ekki áttað sig
á hvað þetta gæti haft í för með
sér,“ sagði Þórður.
Valsmenn eru efstir í 1. deildinni
í handknattleik en mega illa við því
að tapa stigum vegna leikbanns.
Næsti leikur liðsins er 18. mars,
gegn B-liði Vals í bikarkeppninni,
en viku síðar er fyrsti Ieikur liðsins
í deildinni, eftir heimsmeistara-
keppnina..
HANDKNATTLEIKUR
KA sigraði
Bandaríkin
Fyrstu deildarlið KA sigraði bandaríska
landsliðið í handknattleik, 22:21, í vin-
áttuleik sem fram fór á Akureyri í gær.
Leikurinn var jafn allt frá fyrstu minútu
og í leikhléi var staðan jöfn
FráReyni 10:10. KA hafði frumkvæðið
Eiríkssyniá í síðari hálfleik en Banda-
Akureyri ríkjamenn náðu að jafna
21:21, þegar tæpar tvær
mínútur voru til leiksloka. Bragi Sigurðsson
gerði sigurmark KA þegar rúm mínúta var
til leiksloka.
Mörk KA: Erlingur Kristjánsson 8/2, Sigurpáll
Ámi Aðalsteinsson 5/1, Karl Karlsson 3, Bragi Sig-
urðsson 3, Friðjón Jónsson 1 og Pétur Bjarnason 1.
Mörk Bandaríkjamanna: Teije Vants 6, Craig Fitsc-
hen 6/3, Chris Cappelman 4, Matt Ryan 2, John
Keller 2 og Kevin Withraw 1.
Eriingur Kristjánsson
skoraði átta mörk gegn
bandaríska landsliðinu.
LYFJAMÁL
Austur-Þjóðverjar viður-
kenna ólöglega lyfjanotkun
LYFJANOTKUN hefur verið
almenn meðal austur-þýskra
íþróttamanna undanfarin
fimmtán ár. Þetta er haft eft-
ir tveimur austur-þýskum
vísindamönnum í íþrótta-
fræðum.
að er staðreynd að margt
besta íþróttafólk okkar hefur
notað ólögleg lyf til að bæta ár-
angur sinn síðustu ár,“ segir Her-
mann Buhl, einn fremsti vísinda-
maður Austur-Þjóðvejra í iþrótta-
fræðum, sem starfað hefur í
læknamiðstöðinni Leipzig.
„íþróttamönnum voru gefm lyf,
svo sem hormónalyf og fleira
meðan á æfíngum stóð. Þessi
lyfjagjöf var undir ströngu eftir-
liti þjálfara og lækna. Sþrótta-
menn voru jafnvel þvingaðir til
að taka þessi lyf,“ sagði Buhl.
Nokkrir Austur-Þjóðverjar sem
hafa flúið land, hafa áður sagt
að lyfjanotkun væri útbreidd með-
al austur-þýskra íþróttamanna.
Sjómvöld í Austur-Þýskalandi
hafa hins vegar harðneitað slíkum
ásökunum.
Pófessor Lothar Pickengain,
sem var einn af stofnendum lækn-
isfræðimiðstöðvarinnar í Leipzig,
staðfestir fullyrðingar Buhl. Pick-
engain er fyrsti háttsetti austur-
þýski vísindamaðurinn, sem býr í
landinu, og viðurkennir ólöglega
lyfjanotkun íþróttamanna. Hann
segist vera viss um að meirihluti
austur-þýskra verðlaunahafa hafi
tekið ólögleg lyf. „Ég er sann-
færður um að meirhluti afreks-
manna í frjálsíþróttum og sundi
neyttu ólöglegra lyfja,“ segir Pic-
kengain. Ennfremur segir hann
að lyfjaneyslan hafí aðallega farið
fram á undirbúningstímabilinu,
en ekki rétt fyrir stórmót.
Austur-þýskir íþróttamenn
hafa verið í allra fremstu röð í
mörgum íþróttagreinum síðustu
tuttugu árin. Á síðustu Ólympíu-
leikum í Seoul 1988 unnu Aust-
ur-Þjóðveijar næstflest gullverð-
laun á eftir Sovétmönnum.
stigs námskeið
Dagana 2.-4. mars nk. efnir fræðslunefnd íþróttasam-
bands fatlaðra til A-stigs fræðslunámskeiðs í íþróttum
fyrir fatlaða. Fer námskeiðið fram í íþróttamiðstöðinni
í Laugardal og hefst kl. 09.00 föstudaginn 2. mars.
Tilkynna þarf þátttöku á námskeiðið til skrifstofu
íþróttasamöands fatlaðra, íþróttamiðstöðinni í Laug-
ardal, fyrir 23. febrúar. Síminn á skrifstofunni er
(91)-83377. Þar er einnig unnt að fá allar nánari upp-
lýsingar um námskeiðið.
KORFUKNATTLEIK / LANDSLIÐ
írar koma til íslands
Islenska landsliðið í körfuknattleik leikur tvo
leiki gegn írska landsliðinu 14.-15. apríl. Leikirn-
ir fara fram hér á landi en írar höfðu samband
við skrifstofu KKÍ og lýstu yfir áhuga á að fá
leiki hér á landi.
„Þeir höfðu samband við okkur og vildi endilega
koma og við ákváðum að þiggja boð þeirra. Þetta
kostar okkur sáralítið og það er alltaf gott að fá
landsleiki,“ sagði Pétur Sigurðsson, framkvæmda-
stjóri KKÍ.
íslendingar léku síðast gegn írum móti í Möltu
í fyrra, töpuðu fyrir þeim í milliriðli en sigruðu í
úrslitaleik.