Morgunblaðið - 09.07.1996, Blaðsíða 16
16 ÞRIÐJUDAGUR 9. JÚLÍ 1996
MORGUNBLAÐIÐ
Morgunblaðið/Aldís Hafsteinsdóttir
FRÚ Helga Björnsdóttir, Bragi Einarsson og frú Brynhildur
Jónsdóttir, voru sérstaklega heiðruð fyrir störf í þágu
Hveragerðisbæjar.
Mikið um dýrðir
á afmælishátíð í
Hveragerði
Hveragerði - Veðurguðirnir voru
Hvergerðingum sannarlega hlið-
hollir sl. laugardag þegar bæjarbú-
ar héldu hátíðlegt hálfrar aldar
afmæli bæjarins. Mikill fjöldi gesta
naut þess að taka þátt í fjöl-
breyttri dagskrá sem skipulögð
hafði verið í tilefni dagsins og ynd-
islegt veður jók á hátíðleikann.
íþróttahús bæjarins var þéttset-
ið þegar hátíðin var sett að við-
stöddum forseta íslands, þing-
mönnum kjördæmisins og fleiri
góðum gestum. Bragi Einarsson,
formaður afmælisnefndar setti
hátíðina og bauð gesti velkomna.
Að því loknu tók Vigdís Finnboga-
dóttir, forseti íslands, til máls og
ávarpaði Hvergerðinga og gesti
þeirra. í ávarpi sínu rifjaði frú
Vigdís meðal annars upp kynni sín
af Hveragerði og Hvergerðingum
fyrr á árum er hún sótti bæinn
heim sem fararstjóri erlendra
ferðamanna.
Knútur Bruun, forseti bæjar-
stjórnar, heiðraði sérstaklega þijá
einstaklinga sem allir hafa lagt
mikið af mörkum til að gera bæjar-
félagið betra. Frú Brynhildur Jóns-
dóttir var heiðruð fyrir óeigin-
gjamt starf að skógræktarmálum
í fjöldamörg ár. Frú Helga Bjöms-
dóttir, ekkja Gísla Sigurbjörnsson-
ar á Dvalarheimilinu Asi, fyrir
störf í þágu aldraðra og loks Bragi
Einarsson í Eden fyrir framlag sitt
til ferðamála í Hveragerði.
Að ávörpum loknum var opnuð
í íþróttahúsinu glæsileg blómasýn-
ing sem dreifingarfyrirtæki garð-
yrkjubænda, Blómamiðstöðin og
Blómasalan áttu heiðurinn af. A
sýningunni mátti líta ótal afbrigði
íslenskrar framleiðslu blómabænda
jafnt afskorinna blóma sem potta-
blóma. Greinilegt var á sýningar-
gestum að fjölbreytileikinn vakti
mikla athygli enda var íþróttahúsið
sem litskrúðugt gróðurhús yfir að
líta.
Myndlistarsýning á verkum
HUCKE
internaYional
LANDIÐ
KONUR sem þvoðu þvott sinn að gömlum sið á hverasvæðinu fengu góða aðstoð frá frú
Vigdísi Finnbogadóttur, forseta Islands.
Kristins Péturssonar var síðan
formlega opnuð í Grannskóla
Hveragerðis. Kristinn Pétursson
var lengi búsettur í Hveragerði og
er það kærkomið tækifæri sem nú
býðst að sjá á einum stað yfirlit
yfir vinnu listamannsins. Sýningin
sem setter upp í samvinnu við lista-
safn ASÍ verður opin til 28. júlí.
Forseti íslands gekk í farar-
broddi gesta að hverasvæðinu í
miðju bæjarsins en þar var vígt
nýtt sýningarhús og svæðið form-
lega opnað gestum. Á hverasvæð-
inu hafa verið gerðar miklar um-
bætur. Stígar verið lagðir milli
hveranna, hveralækirnir brúaðir,
tijáplöntur gróðursettar og svæðið
í heild hefur tekið miklum stakka-
skiptum.
I hinu.nýja sýningarhúsi hefur
verið komið fyrir upplýsingum um
hverina, jarðsögu svæðisins og
umfjöllun um hveralíffræði ásamt
því að það hýsir ýmsa þjónustu við
ferðafólk.
Að lokum má geta þess að sýn-
ing á ljósmyndum frá árdögum
byggðar í Hveragerði hefur verið
sett upp í húsnæði Verkalýðsfé-
lagsins Boðans í tilefni af afmæl-
inu. Þar geta áhugasamir fengið
innsýn í þróun byggðar, atvinnu-
starfsemi og menningu fyrri tíma
í Hveragerði. Sýningin er opin alla
daga til 14. júlí.
Vatnalífssýning opnuð á Hólum í Hjaltadal
Allar tegundir ís-
lenskra ferskvatnsfiska
SÝNINGIN Líf í fersku vatni á
íslandi var opnuð á Hólum í
Hjaltadal síðastliðinn laugardag.
Er þetta í fyrsta skipti sem slík
sýning er haldin hér á landi.
„Eitt af meginverkefnum
bændaskólans er á sviði vatna-
vistfræði, vatnanýtingar og fisk-
eldis. Með þessari sýningu viljum
við sýna hvað við erum að gera
á þessu sviði og sinna upplýs-
inga- og fræðsluskyldu við
ferðafólk sem kemur heim að
Hólum,“ segir Jón Bjarnason
skólastjóri Hólaskóla. Sýningin
er sett upp í tengslum við fisk-
eldisbraut skólans og ferðaþjón-
ustu á hans vegum.
Sýningin er í haughúsinu á
Hólum. Rögnvaldur Ólafsson
húsameistari teiknaði gamla
fjósið sem byggt var um 1910.
Fjósið hefur verið endurbyggt
en haughúskjallarinn og gamla
hlaðan standa enn. Nú hefur
haughúsið fengið þetta nýja
hlutverk og af því tilefni fengið
nokkra andlitslyftingu.
I stórum glerbúrum hefur ver-
ið komið fyrir öllum tegundum
íslenskra ferskvatnsfiska og
flestum tegundum smádýra sem
lifa í þeirra umhverfi svo og
botngróðri. Sérstök áhersla er
lögð á að kynna bleikjuafbrigði
enda hefur íslenska bleikjan vak-
ið áhuga innlendra og erlendra
vísindamanna. Á sýningunni er
fiskur og smádýr úr skagfirsk-
um vötnum og umhverfi en einn-
ig víðar að, til dæmis úr Þing-
vallavatni og Mývatni.
Guðmundur Bjarnason, um-
hverfis- og landbúnaðarráð-
herra, opnaði sýninguna við at-
höfn í Hóladómkirkju. Sýningin
verður allt árið um kring á Hól-
um. Gert er ráð fyrir því að hún
verði nýtt til kennslu og rann-
sókna yfir veturinn.
Morgunblaðið/Helgi Bjarnason
ALLAR tegundir íslenskra ferskvatnsfiska eru til sýnis á vatna-
lífssýningunni á Hólum.
FJÖLDI gesta var viðstaddur opnun sýningarinnar í
gamla haughúsinu.