Morgunblaðið - 09.07.1996, Blaðsíða 42
42 ÞRIÐJUDAGUR 9. JÚLÍ 1996
MINNINGAR
MORGUNBLAÐIÐ
t
HALLDÓRA INGIRÍÐUR ÓLAFSDÓTTIR,
Ytrafelli,
Fellsströnd,
lést í sjúkrahúsinu í Stykkishólmi þann 26. júní sl.
Útförin hefur farið fram í kyrrþey að ósk hinnar látnu.
Fyrir hönd aðstandenda,
Björgvin Hafsteinn Kristinsson.
t
Elskuleg móðir okkar, tengdamóðir, amma og langamma,
KRISTÍN SÆMUNDSDÓTTIR
frá Mið-Mörk,
V-Eyjafjöllum,
Kirkjuhvoli,
Hvolsvelli,
lést í Sjúkrahúsi Suðurlands laugardaginn 6. júlí.
Sæmundur Sveinbjörnsson, Ragnhildur Ólafsdóttir,
Sigurjón Sveinbjörnsson, Jóna Gerður Konráðsdóttir,
Guðrún Sveinbjörnsdóttir, Ágúst Oddur Kjartansson,
Guðbjörg Sveinbjörnsdóttir, Karl S. Karlsson,
Sigurbjörn Sveinbjörnsson, Sigurlín Sigurðardóttir,
Guðmundur Sveinbjörnsson,
Gísli Sveinbjörnsson,
Ásta Sveinbjörnsdóttir, Guðjón Jónsson,
barnabörn og barnabarnabörn.
t
Bróðir okkar og mágur,
KRISTJÁN SIGURÐSSON,
Meðalholti 5,
verður jarðsunginn frá Fossvogskirkju
miðvikudaginn 10. júlí kl. 15.00.
Þeim, sem vildu minnast hans, er bent
á Krabbameinsfélagið.
Sigurþór Sigurðsson, Hallveig Ólafsdóttir,
Sigurður G. Sigurðsson, Arndi's Guðnadóttir,
Einar Sigurðsson, Sigurborg Helgadóttir.
t
Elskuleg móðir okkar og systir,
MÁNEY KRISTJÁNSDÓTTIR,
Auðbrekku 2,
Kópavogi,
verður jarðsungin frá Dómkirkjunni
fimmtudaginn 11. júlí kl. 15.00.
Blóm vinsamlegast afþökkuð.
Þeim, sem vilja minnast hennar, er
bent á Samtök flogaveikra (Lauf).
Rósa Kristín Garðarsdóttir,
Sigmundur Bjarki Garðarsson,
Björk Kristjánsdóttir,
Stefanía Kristjánsdóttir.
t
Ástkær móðir okkar, tengdamóðir, amma og langamma,
SIGURBJÖRG MAGNÚSDÓTTIR,
Úthaga 14, Selfossi,
áðurtil heimilis
á Oddhól,
Vestmannaeyjum,
sem lést 25. júní sl., verður jarðsungin frá Landakirkju í Vest-
mannaeyjum laugardaginn 13. júlí kl. 11.00.
Kveðjuathöfn fer fram frá Selfosskirkju fimmtudaginn 11. júlí kl. 14.
Magnúsína Sæmundsdóttir, Friðrik Friðriksson,
Sæmundur Sæmundsson, Anna Margrét Sigurðardóttir,
barnabörn og barnabarnabörn.
t
Elskulegur eiginmaður minn, faðir okkar, tengdafaðir, afi og lang-
afi,
SIGVALDI GUNNLAUGSSON
fyrrverandi bóndi
í Hofsárkoti
í Svarfaðardal
lést í Fjórðungssjúkrahúsinu á Akureyri laugardaginn 6. júlí.
Útförin ferfram frá Dalvíkurkirkju laugardaginn 13. júlí kl. 16.00.
Margrét Jóhannesdóttir,
börn, tengdabörn, barnabörn
og barnabarnabörn.
TÓMAS
STEINGRÍMSSON
+ Tómas Stein-
grímsson var
fæddur á Víðivöll-
um i Fnjóskadal
6. nóvember 1909.
Hann lést 1. júlí
síðastliðinn á
Fjórðungssjúkra-
húsinu á Akureyri.
Foreldrar hans
voru hjónin Tóm-
asína Tómasdóttir
frá Hróarsstöðum,
f. 27. apríl 1884,
d. 25. janúar 1971,
og Steingrímur
Þorsteinsson frá
Lundi í Fnjóskadal, f. 30. desem-
ber 1881, d. 27. nóvember 1962.
Systur Tómasar eru Þórhildur,
f. 1908, Margrét, f. 1912, d.
1995, Ingibjörg, f. 1916, d. 1969,
Brynhildur, f. 1919, d. 1996 og
Ragnhildur, f. 1927.
Hinn 8. nóvember 1931
kvæntist Tómas Nönnu Tulin-
ius, f. 1911, d. 1986, dóttur
Ottós Tulinius útgerðarmanns
og konu hans Valgerðar Frið-
riksdóttur Möller. Börn þeirra
eru Leifur, heildsali og íþrótta-
kennari, f. 5. mars 1932, d. 23.
nóvember 1995, kvæntur Erlu
Elísdóttur og eru börn
þeirra Tómas, Þóra,
Ottó, Guðrún Bjarney
og Nanna, og Ragna,
f. 1. nóvember 1934,
gift Erik Pedersen,
búsett í Danmörku og
eru þeirra börn Tóm-
as, Flemming og
Nanna.
Tómas starfaði eink-
um við verslunarstörf.
Árið 1936 stofnaði
hann eigin heildversl-
un og rak ásamt syni
sínum, Leifi, til ársins
1989. Tómas var einn
af stofnendum Knattspymufé-
lags Akureyrar og formaður
þess fyrstu árin, hann var for-
maður karlakórsins Geysis
1944-1948, formaður Versl-
unarmannafélags Akureyrar
um 15 ára skeið, sat i stjóm
Sparisjóðs Akureyrar og tók
um árabil drjúgan þátt í starfi
Sjálfstæðisflokksins á Akur-
eyri. Hann var einn af stofnend-
um Lionsklúbbs Akureyrar
1956.
Útför Tómasar fer fram frá
Akureyrarkirkju í dag og hefst
athöfnin klukkan 13.30.
Tómas Steingrímsson, móður-
bróðir minn, var næstelstur og eini
strákurinn í hópi sex systkina.
Móðir mín sagði mér að hann hefði
verið stríðinn og erfiður í sambúð
á uppvaxtarárunum. Leyndi sér
hvorki aðdáun hennar á bróður sín-
um, né heldur hitt að hún taldi sig
hafa haft í fullu tré við hann. Ég
hygg að þau hafi verið lík að skap-
ferli og áhugamálum. Afi minn
sagði mér margar sögur af Tómasi
ungum, og voru flestar til vitnis
um að strákurinn var sjálfstæður,
uppátektarsamur og stríðinn. Ein
er mér minnisstæð. Tómas, þá
sennilega á fjórða ári, stóð nakinn
og varnarlaus, með tár og sápu í
augum, á moldargólfi eldhússins á
Végeirsstöðum, ofurseldur hrein-
lætisáráttu móður sinnar, sem
skrúbbaði hann miskunnarlaust
eins og venja var einu sinni í viku
þar á bænum. Þá heyrðist bæjar-
hrafninn krunka uppi á burstinni.
Tomma hefur sennilega fundist
ójafnt á komið með þeim félögum,
krummi að spóka sig sótsvartur og
fijáls á burstinni og hann sjálfur
fangi í hreinsætisgreipum móður
sinnar. Svo hann hóf upp sína raust
og ákallaði fuglinn: „Krummi,
kondu og skíttu á mig!“ Sem barni
fannst mér þessi saga áhugaverð,
mér leiddist líka sápan, en hafði
dottið í hug að krummi gæti orðið
bandamaður í stríðinu við hreinlæt-
ið. Þegar Tomma óx fiskur um
hrygg varð hann góður íþróttamað-
ur, lágvaxinn en knár, sprettharður
hlaupari og lipur knattspyrnumaður
en jafnframt harður í horn að taka.
Með atvinnurekstri sínum og
störfum að hagsmuna- og félags-
málum kaupmannasamtakanna á
Akureyri, setti Tómas svip sinn á
bæinn. Hann kom víða við í félags-
málum, m.a. í flokksstarfí Sjálf-
stæðisflokksins, og var kunnur fyr-
ir dugnað og atorku. Vænst hefur
honum tvímælalaust þótt um þann
mikilvæga þátt, sem hann átti í
stofnun Knattspyrnufélags Akur-
eyrar og þá ábyrgð sem hann axl-
aði sem fyrsti formaður félagsins.
Hann fylgdist grannt með vexti og
viðgangi KA, og undi sér sérdeilis
vel í nábýli við félags- og íþrótta-
miðstöð félagsins, síðustu árin sem
hann hélt heimili. Þrátt fyrir marg-
vísleg ábyrgðarstörf hélt hann
áfram að vera öðrum þræði strákur-
inn frá Végeirsstöðum, glaðlyndur
og hlýr, snöggur upp á lagið, stríð-
inn og jafnvel stundum örlítið ófor-
skammaður, einkum við hrokagikki.
Heimili þeirra Nönnu Tulinius
var hlýlegt og smekklegt og eimdi
þar lengi eftir af dönskum blæ úr
Innbænum. Heildverslun Tómasar
varð uppeldisstofnun fyrir okkur
frænduma, sem unnum þar á ung-
lingsárunum. Tómas var mildur
húsbóndi, en mat mikils dugnað,
ósérhiífni og trúnað. Ég er þó ekki
í neinum vafa um að grunnþáttur-
inn í fari hans var hlýja.
Skin og skúrir skiptust á í at-
vinnurekstrinum. Farinn að heilsu,
varð Tómas að þola að sjá á eftir
syni sínum löngu fyrir aldur fram.
En hann átti góða að. Dóttirin og
Danirnir hennar veittu honum mikla
gleði. Með þeim Tómasi og tengda-
dótturinni Érlu hafði myndast mjög
sterkt vináttu- og trúnaðarsam-
band, og reyndust þau hvort öðru
sérlega vel. Börn Leifs og Erlu og
barnaböm voru í miklu uppáhaldi.
Fjölskyldan stóð alla tíð vel saman,
og veitti þeim stuðning, sem þurftu
þess með.
Ég naut vináttu og stuðnings
þessa ágæta frænda míns alla tíð
og kveð hann með virðingu og sökn-
uði.
Tómas I. Olrich.
í dag er til moldar borinn kunnur
athafnamaður hér á Akureyri, Tóm-
as Steingrímsson stórkaupmaður.
Með honum er fallinn í valinn einn
af forystumönnum verslunarmanna
sem markaði spor í sögu verslunar
og viðskipta hér um hálfrar aldrar
skeið.
Tómas var Fnjóskdælingur að
ætt og flutti með foreldrum sínum
Tómasínu Tómasdóttur og Stein-
grími Þorsteinssyni til Akureyrar
árið 1921. Snemma tók hann rösk-
lega til hendi og vann hin ýmsu
störf á unglingsárunum og gagn-
fræðingur varð hann frá Mennta-
skólanum árið 1928.
Næstu árin lagði hann gjörva
hönd á margt, var m.a. landmaður
i Hrísey við síld og önnur störf.
Árið 1930 vann hann við landbún-
aðarstörf hjá Jakob Karlssyni á
Lundi við Akureyri og um hríð starf-
aði hann við Heildverslunina I.
Brynjólfsson og Kvaran. Um eins
árs skeið sá hann um rekstur Nýju
Kjötbúðarinnar sem var í eigu Jóns
Þorvaldssonar. Flest störf og mörg
hin ólíklegustu virtust leika í hönd-
um hans, því dugnaður og bjartsýni
voru hans aðalsmerki og hin glað-
lega framkoma hans reyndist honum
gott veganesti. En árið 1936 hefst
hið samfellda lífsstarf hans er hann
stofnaði sína eigin heildverslun,
Tómas Steingrímsson sf. Þetta fýrir-
tæki rak Tómas um áratugaskeið
af dugnaði og forsjálni uns það var
sameinað Lindu hf. árið 1989. Þá
hafði Tómas á áttræðisaldri að
mestu falið Leifi syni sínum umsjón
verslunarinnar hin síðari árin.
Tómas og kona hans Nanna Tuli-
nius tóku mikinn þátt í félagslífi
bæjarins. Hann var einn af stofn-
endum Knattspyrnufélags Akur-
eyrar árið 1928 og formaður þess
fyrstu árin. Hann bar alla tíð mjög
hag síns gamla félags fyrir brjósti
og studdi á margan hátt. Sjálfur
var hann einn af bestu knattspyrnu-
mönnum bæjarins og kunnur
spretthlaupari. Böm þeirra Nönnu,
Leifur og Ragna, létu einnig til sín
taka á sviði íþróttanna. Systur Tóm-
asar, allar fimm að tölu, tóku einn-
ig mikinn þátt í fimleikum og hand-
knattleik á vegum félagsins.
Tómas gekk í raðir Geysismanna
um 1930 og söng með kórnum um
langt árabil. Hann var formaður
kórsins árið 1944-1948. Það var á
mestu umbrotatímum kórsins, en
að frumkvæði Tómasar og Ingi-
mundar Árnasonar söngstjóra réðst
kórinn í það árið 1945 að kaupa
„Lón“ fyrir starfsemi sína. Þetta
sama ár áttu stjórnendur Geysis
einnig verulegan þátt í því að stofn-
að var Tónlistarbandalag og Tón-
listarskóli í bænum.
Tómas starfaði lengi að hags-
munamálum verslunarmanna og
var formaður félags þeirra um 15
ára skeið. Hann átti sæti í stjórn
Sparisjóðs Akureyrar og var dug-
andi liðsmaður í samtökum sjálf-
stæðismanna. Hann var einn af
stofnendum Lionsklúbbs Akureyrar
árið 1956. Bridsfélagið, Stangveiði-
félagið og fjölmörg önnur félög
nutu stuðnings hans.
Þessi glaðværi röskleikamaður
er nú allur og munu margir sakna
hans af knattspyrnuvelli lífsins, þar
sem hann lék flestum betur.
Ég minnist margra KA-funda á
heimili hans og síðar sonar hans
Leifs. Þar ríkti glaðværð og um-
hyggja fyrir okkar gamla félagi.
Fylgi honum þakkir og blessun-
arorð á ókunnum slóðum.
Fjölskyldu Tómasar sendi ég
innilegar samúðarkveðjur.
Haraldur Sigurðsson.
Tómas Steingrímsson kaupmað-
ur á Akureyri er til moldar borinn
í dag, hátt á níræðisaldri. Hann
hafði lengi búið við heilsuleysi, en
bar sig vel framundir andlátið.
Tómas var Hnjóskdælingur að
ætt, en fluttist með foreldrum sín-
um til Akureyrar rétt um fermingu,
þar sem hans beið mikið og gott
ævistarf.
Tómas var drengskaparmaður,
mikill mannkostamaður, glaður og
reifur og vildi allra vanda leysa.
Hann var góður íþróttamður,
snöggur og fylginn sér, mikill fé-
lagsmálamaður og til forystu fall-
inn. Hann var fyrsti formaður KA
og lengi formaður Kaupmannafé-
lags Akureyrar. Hann rak um ára-
tugi Heildverslun Tómasar Stein-
grímssonar af dugnaði og reglusemi
og teygði viðskiptasvæðið sig um
allt Norðurland til Austfjarða.
Tómas var frjálslyndur í skoðun-
um og fylgdi Sjálfstæðisflokknum
að málum. Við áttum um áratugi
gott samstarf, sem ég vil þakka að
leiðarlokum, það er sjónarsviptir að
Tómasi og bjart yfir minningu hans.
Þessar línur bera ættingjum hans
og ijölskyldu samúðarkveðjur okkar
hjóna. Guð blessi minningu Tómas-
ar Steingrímssonar.
Iialldór Blöndal.