Morgunblaðið - 09.07.1996, Blaðsíða 38
38 ÞRIÐJUDAGUR 9. JÚLÍ 1996
MINNINGAR
MORGUNBLAÐIÐ
fteýkjarvfkurvegi 60, Hafnarirði
Sundbolir
og bikini
— fallegir
litir, margar
gerðir
31 ár á islandi!
Solignum
Ertuviðbúinn
veðri og vindum?
k. <Z
(Z CD
er> re
(Z "O
"O to
o
= O
Solignum Architeetural
Þekjandi vörn í ýmsum litum sem hrindir
frá sér vætu en leyfir lofti að leika um viðinn.
Einnig fyrir járn og stein.
<LK*HAO('n
f'l R 0 1 ®
ræður góða verðið ríkjum og
allir dagar eru tilboðsdagar. Liturinn
er sérverslun með allar málningarvörur og pér
er þjónað af fólki sem kann sitt fag.
^^w^Sérverslun
(uturinn
...rétti liturinn, rétta verðið, rétta fólkið
Síðumúla 15, sími 553 3070
GUÐNY
JÓAKIMSDÓTTIR
4- Guðný Bryn-
* hildur Jóakims-
dóttir fæddist á
Flatnesstöðum,
V estur-Húnavatns-
sýslu, 8. maí 1914
en fluttist ung að
árum með foreldr-
um sínum til ísa-
fjarðar og ólst þar
upp. Hún lést á
Landspítalanum
29. júní síðastlið-
inn. Foreldrar
Guðnýjar voru
Rósa Jóhannes-
dóttir, f. 27. októ-
ber 1886, og Jóakim Þorsteins-
son, f. 18. desember 1886.
Systkini Guðnýjar voru Jó-
hannes Guðni, f.- 8. janúar
1913, d. 2. júlí 1988, Þor-
steinn, f. 19. febrúar 1920,
Guðrún, f. 18. maí 1922, Fjóla,
f. 1926, d. 1926.
Guðný giftist Jóni Jónssyni
úr Reykjavík 23. september
1937. Jón var fæddur 11. októ-
ber 1909 en lést 13. október
1980. Börn þeirra urðu níu.
1) Sólveig, f. 15. júlí 1936,
d. 19. júní 1995, maki var Ást-
þór Ægir Gíslason, d. 8. mars
1990, börn eru: Omar, Jón,
Guðni, Gísli Theodór, Áífheið-
ur Hulda, Guðný og Svala
Lind. 2) Rósa, f. 24. júlí 1937,
maki Hallgrímur
Þorsteinsson. 3)
Jóna Björg, f. 10.
desember 1938, d.
17. febrúar 1994,
maki Örn Stefáns-
son, börn eru: Guð-
jón, María, Guðný
Rósa, Helga Sig-
ríður og _ Gunnar
Örn. 4) Óskírður
drengur, f. 28.
desember 1939, d.
20. apríl 1940. 5)
Brynhildur Ásta, f.
21. apríl 1942,
maki Valur S.
Franksson, börn eru: Kristín
Ágústa og Viðar. 6) Magnea,
f. 22. september 1945, maki
Guðmundur Jóhannsson, börn
eru: Hulda óg Jón. 7) Álfheið-
ur Erna, f. 6. ágúst 1947, börn
eru: Hólmfríður, Birgir,
Bryndís og Guðjón. 8) Jón, f.
2. mars 1949, 9) Anna, f. 17.
febrúar 1952, maki Þórður
Bjarnason, börn eru: Guðný
Brynhildur, Anna Rósa,
Magnea, Bjarni Siguijón og
Þórdís Sara. Barnabarnabörn
eru alls 36 og eitt langa-
langömmubarn.
Utför Guðnýjar fer fram frá
Fossvogskirkju í dag og hefst
athöfnin kl. 15.
Kveðja til mömmu
Elskulega mamma mín, þú
varst alltaf yndisleg og vanginn
þinn mjúkur. Það var gott að vera
í fanginu á þér og þú tókst mér
alltaf opinum örmum þegar ég var
leið, huggaðir mig þegar létta
þurfti á hjarta, mikið má ég þakka
þér fyrir ævi mína, elsku góða
mamma mín, ég mun sakna þín
sárt.
Þín dóttir,
Anna.
Elsku amma mín, mig langar
að kveðja þig með örfáum orðum.
Það er svo ótrúlegt að þú sért
dáin, amma mín, en ég er þess
fullviss að þér líður núna vel.
Margar minningar koma upp í
hugann, minningar um góða
ömmu sem var svo dugleg og
sterkur persónuleiki að af bar. Og
allar sögurnar sem þú sagðir mér
frá því þegar ég var lítil og þú
varst að baða mig og hugsa um
mig fyrstu árin mín. Mikið er ég
þakklát þér, elsku amma mín fyr-
ir allt sem þú hefur gert fyrir mig
öll þessi ár. Það var svo gott að
heimsækja þig á Skúlagötuna og
spjalla við þig um allt sem á hug-
ann leitaði, og aliir hittust hjá þér
á hlýlega og fallega heimilinu þínu
því hjá þér var svo yndislegt að
dvelja.
Þín verður sárt saknað, elsku
amma. Eg bið algóðan Guð að
varðveita þig og styrkja, elsku
amma mín.
Þín
Guðný Brynhildur.
Kveðja til ömmu
Núna ertu farin til himna elsku
amma mín og ert hjá afa, Jónu
og Sollu. Hjá Guði hlýtur þér að
líða vel því Guð er svo góður.
Núna getum við ekki heimsótt þig
lengur á Skúló en við getum heim-
sótt þig í kirkjugarðinn hjá afa.
Við biðjum góðan Guð að passa
þig vel elsku amma.
Þórdís og Bjarni.
Söknuðurinn er mikiil og sárs-
aukinn í hjarta mínu er mikill því
hún amma á Skúló er dáin.
Það er svo ótrúlegt og óraun-
verulegt að geta ekki skroppið í
heimsókn til þín niður á Skúló, þú
varst svo góð amma og gott var
að heimsækja þig og spjalla við
þig, amma mín. Alltaf var svo hlýtt
hjá þér og fallegt, heimilið þitt
alltaf svo tandurhreint. Þú, amma
mín, varst svo dugleg og sterk og
hélst svo vel og þéttingsfast utan
um stóra hópinn þinn.
Það kom best í ljós þegar Jóna
og Solla dóu báðar með svo stuttu
millibili, þá styrktir þú alla í kring-
um þig en þurftir ekki síst á öllum
styrk okkar að halda. Þá kom vel
í ljós hvað þú varst sterk og góð,
elsku amma mín. Nú þegar þú ert
farin vantar okkur öll stoðina okk-
ar, þig, amma mín. Það er mín
von og vissa að núna líður þér vel
hjá drengnum þínum, afa, Jónu
og Sollu og öllum ástvinunum þín-
um í himnaríki.
Ég bið þig, góði Guð, að blessa
ömmu mína og styrkja.
Guð blessi þig, elsku amma mín.
Þín
Anna Rósa.
Hetjan hún amma mín er dáin.
Amma mín á Skúló, hún var besti
vinur--minn. Ég og amma vorum
oft að tala saman um gamla daga
þegar amma var ung og sagði hún
mér margar sögur og oft sagði
hún mér frá mörgu skemmtilegu
þegar börnin hennar voru lítil. Það
var svo gott að vera hjá ömmu
minni. Og hvað þú varst glöð þeg-
ar ég heimsótti þig og sýndi þér
verðlaunin mín eftir Landsbanka-
hlaupið í maí og þú sagðir mér
hvað ég væri dugleg.
Amma mín, þú ert dáin og dvel-
ur nú á himnum. Guð faðmar þig
og sýnir þér ljósið fagra, hans ljós
mun alltaf lýsa þér svo aldrei verði
dimmt hjá þér. Ég veit að englun-
um líður vel hjá þér, eins vel og
okkur leið hjá þér. Við biðjum fyr-
ir þér og munum aldrei gleyma
því hversu góð amma þú varst.
Minninguna munum við alltaf
geyma í hjarta okkar.
Það verður sárt, amma mín, að
geta ekki heimsótt þig lengur á
Skúló, en ég veit að Guð varðveit-
ir þig hjá sér.
Þakka þér fyrir allar stundirnar
sem við tvær áttum saman, amma
mín, allar minningarnar um þig,
elsku amma mín, ætla ég að
geyma í hjarta mínu alla tíð.
Guð, varðveittu ömmu mína vel.
Þín
Magnea.
Hér áttu blómsveig
bundinn af elsku,
blíðri þökk
og blikandi tárum.
Hann fölnar ei
en fapr geymist
í hjörtum allra
ástvina þinna.
(H.L.)
Enn einn sterkur hlekkur í keðju
okkar slysavarnakvenna í Reykja-
vík er brostinn, Guðný Jóakims-
dóttir er fallin frá.
í mörg undanfarin ár hafði hún
ekki gengið heil til skógar, og
marg- oft dvalið á sjúkrahúsum,
en ótrúlega fljótt jafnað sig eða
svo sýndist manni.
Alltaf hlý og dugleg og gerði
ekki mikið úr sínum veikindum og
bar sig vel í sorgum sínum, og
hún vissi svo sannarlega_ hvað
sorgin var sár, hún Guðný. í starfi
sínu fyrir Slysavarnadeild kvenna
í Reykjavík var hún fórnfús og
framúrskarandi dugleg í gegn um
marga áratugi, og mikið verðmæti
lagði hún til deildarinnar. Guðný
var gerð að heiðursfélaga deildar-
innar fyrir nokkrum árum. Á fund-
um og í ferðalögum var hún glað-
lynd og skemmtileg og oft var
mikið skrafað og hlegið. Ein eftir-
minnilegasta ferð sem k.v.d. fór
var til Skotlands, vikuferð í júlí
1981. Það var dásamlega góð ferð
og átti Guðný mikinn þátt í þeim
húmor sem þá skapaðist og sl.
vetur vorum við einmitt að rifja
upp þetta frábæra ferðalag og
hlæja að ýmsú sem þá gerðist, þó
15 ár væru liðin síðan.
Guðný átti yndislega og sam-
henta fjölskyldu, og dætur hennar
voru og eru slysavarnakonur og
eiga margra ára störf í þágu deild-
arinnar. Yndislega daga áttum við
á Patreksfirði er við vorum á
ferðalagi fyrir nokkrum árum og
dóttir hennar sem þar bjó bauð
okkur hús sín og tók frábærlega
á móti okkur en hún er nú látin,
löngu um aldur fram.
Ég vil fyrir mína hönd og allra
slysavarnakvenna í Reykjavík
þakka Guðnýju allt starfið og alla
hennar elsku í gegn um tíðina.
Ég veit að þín bíða vinir í varpa,
og að nú eru öll mein að baki.
Góður Guð blessi börnin þín og
þeirra fjölskyldur sem nú horfa á
eftir ástkærri móður, ömmu og
langömmu. Friður Guðs sé með
þér.
Vorið beð þinn vökvar tárum,
vakir sól á ystu bárum,
greiðir hinsta geislalokkinn,
grúfir sig að bijóstum hranna.
Moldin að þér mjúk skal hiúa,
móðurlega um þig búa,
rétta þér á rekkjustokkinn
rós úr lundum minninganna.
(M.Á.)
Guðrún S. Guðmundsdóttir.
Hin látna heiðurskona Guðný
Jóakimsdóttir var ein af þeim
ágætis konum sem við fengum
tækifæri til að kynnast og starfa
með hjá Slysavarnadeild kvenna í
Reykjavík. Eins og svo oft áður
var þar góður kjarni af tápmiklum
konum sem störfuðu fyrir deildina
að fjáröflun og félagsstörfum. Þar
lét Guðný ekki sitt eftir liggja.
Við munum Guðnýju með hóp
af dætrum sem tóku virkan þátt
í öllu með móður sinni.
Sumarferðin til Patreksfjarðar
sem Guðný lagði til að farin yrði,
þar sem Kiddi og Solla dóttir henn-
ar sem nú eru bæði látin, tóku á
móti með miklum myndarbrag í
mat og gistingu 40 slysavarnakon-
um frá Reykjavík, þá var Guðný
stolt af sínu fólki.