Morgunblaðið - 22.11.1996, Blaðsíða 58

58 FÖSTUDAGUR 22. NÓVEMBER 1996
MORGUNBLAÐIÐ
Matur og matgerð
Rauðkál
Alltaf hugsa ég um hvemig fuglunum
líði, þegar fyrstu vetrahretin koma, segir
Kristín Gestsdóttir sem fyrir síðustu
helgi horfði á auðnutittlinga og þresti
berjast við storminn.
EN ÞAÐ er fleira en fugl-
arnir sem ekki er í húsi
um þessar mundir. Þegar
ég leit út um vesturgluggann hjá
mér snemma morguns föstudags
15. nóv. fannst mér taglið á hest-
unum frá Görðum eitthvað skrít-
ið. Við nánari athugun sá ég að
snjóskafl sat ofarlega í taglinu á
þeim öllum. Það hafði skafið í
taglið um nóttina. En þó kuldinn
bíti dýr merkurinnar, er upplagt
fyrir okkur mennina að ylja okk-
ur við jólaundirbúning, en jólin
eru á næsta leiti. Gott er að
byrja á rauðkálinu. Vafalaust
finnst mörgum óþarfi og tíma-
eyðsla að sjóða sjálfur rauðkál,
sem má kaupa í næstu búð og
iíklega ódýrara en hið heimatil-
búna. En mér finnst ekki líku
saman_ að jafna og svo er um
fleiri. í fyrra var ég beðin um
uppskrift sem birst hafði fyrir
nokkrum árum og þegar hún
kom aftur fékk ég mikil við-
brögð, ein fullorðin kona sem
hafði soðið rauðkál í mörg ár
sendi mér þau skilaboð að loksins
hafi hún fengið góða uppskrift.
Mjög auðvelt er að sjóða rauðkál
en það þarf langa suðu. Það
geymist vel í kæliskáp og mjög
lengi í frysti og batnar við upp-
hitun. Þótt fáar þjóðir utan Dana
og Þjóðveija borði rauðkál á
sama hátt og íslendingar er þó
sú aðferð að sýra rauðkálið og
krydda mjög gömul geymslu-
aðferð. Þjóðverjar sjóða gjaman
rauðkálið með reyktu kjöti, fleski
eða bjúgum. Ég gerði tilraun með
að sjóða londonlamb með rauðk-
álinu og það gafst vel. Þann rétt
er gott að eiga þegar komið er
inn úr göngu eða skíðaferð.
Rauðkál
með londonlambi
1 rauðkálshaus u.þ.b. 1 kg
_________4 græn epli______
______1 meðalstór laukur__
_______'h dl púðursykur___
'h tsk. negull
'/» tsk. pipar
'h stór dós maltöl
5 msk. edik
1 rúlla londonlamb, rúml. 1 kg
1. Takið stilkinn úr kálinu og
skerið það smátt eða setjið í
grænmetiskvörn.
2. Afhýðið eplin, stingið úr
þeim kjarnann og skerið ísneið-
ar. Afhýðið lauk og saxið. Setjið
allt á víða stóra pönnu eða stór-
an pott.
3. Blandið saman púðursykri,
negul og pipar og stráið yfir.
Hellið maltölinu yfir. Sjóðið við
hægan hita í 20 mínútur.
4. Takið netið utan af kjötrúll-
unni, skerið kjötið í þykkar sneið-
ar og síðan í bita. Fjarlægið allar
himnur.
Setjið kjötbitana út í rauðkálið
og sjóðið við hægan hita í 70
mínútur. Hafið lok á pönnunni
(pottinum). Hrærið öðru hverju í
þessu. Berið fram á pönnunni
eða setjið í skál. Rétturinn er
ekki fallegur á litinn og tekur sig
best út í hvítu íláti.
Meðlæti: Grænar baunir og
kartöflur.
Súr-sætt rauðkál
Rauðkól u.þ.b. 1 'h kg
1 -2 dl edik
2 dl vatn
400 g sykur
___________'h msk. salt________
3 dl krækiberja-, rifsberjasaft
_______eða önnur góð saft______
fersk piparrót
1. Takið öll Ijót og skemmd
blöð utan af kálinu. Skerið síðan
í fjóra hluta. Fjarlægið stilkinn.
2. Skerið rauðkálið smátt eða
setjið í grænmetiskvörn. Setjið í
pott, hellið ediki, vatni, sykri og
salti yfir. Hrærið vel saman og
látið sjóða við hægan hita í 1 'h
klst. eða lengur. Hrærið öðru
hverju í þessu.
3. Setjið saftina saman við og
sjóðið áfram í 10 mínútur.
4. Setjið heitt á krukkur, legg-
ið eina þunna sneið af piparrót
efst í krukkuna. Geymið á köld-
um stað. Piparrótin ver rauðkálið
myglu. Kálið má frysta.
I DAG
VELVAKANDI
Svarað í síma 569 1100 frá 10-12 og 14-16 frá mánudegi til föstudags
Netfang: lauga@mbl.is
Góð leiksýning
ÉG VILDI vekja athygli
fólks á sýningu Halaleik-
hópsins í Sjálfsbjargarhús-
inu við Hátún. Við hjónin
fórum á sýningu þeirra á
Gullna hliðinu og það var
ánægjuleg kvöldstund. Það
er metnaðarfullur leikhóp-
ur sem að þessu stendur
undir forustu reynds leik-
stjóra. Salurinn er lítill og
sviðið takmarkað en allt
kemst til skila eins og best
er á kosið. Ég vil hvetja
fólk til að eiga kvöldstund
hjá hinu Gullna hliði Hala-
leikhópsins. Ég hygg að
margir fari léttari í sinni
út í skammdegið með þá
skemmtun að baki.
Sverrir Sigurðsson
Þakkir til
Betrunarhússin
og Þórs
VELVAKANDI getur þess
sem vel er gert. Undirrit-
aður hefur nú um nokkurt
skeið verið óheiðarlegur
við samvisku sína og og
sniðgengið virðingu við lík-
ama sinn. Skuldar hann
annars laglegum kroppin-
um viðeigandi hreyfingu
og er tilraun til að endur-
reisa þokkalegt líkams-
ástand hafin, en reynslan
hefur kennt honum að
lengi lifir í gömlum glæð-
um.
Á stað í Garðabæ hefur
áhugavert athafnafólk
reist sannkallað musteri
fyrir líkamsræktarfólk án
þess að á aðra sé hallað,
en víða hef ég komið.
Frábær aðstaða, já-
kvætt hugarfar og fagleg
leiðbeing leiðir til stór-
bætts árangurs þeirra sem
þiggja þar sem þar fer
fram. Og ekki má gleyma
að geta þess að nýlegt slys
hjá þeim sem þetta skrifar
var meðhöndlað á staðnum
af slíkri nærgætni og skiln-
ingi að öðru eins hef ég
ekki kynnst. Aðeins eitt
vantar á staðinn — skó-
horn í karlaklefann. Bestu
þakkir Betrunarhússfólk.
Árni Stefán Árnason
Tapað/fundið
Lyklakippa
tapaðist
LYKLAKIPPA merkt Eti-
enne Aiegner á brúnni
leðuról tapaðist í Móddinni
í síðustu viku. Á kippunni
voru m.a. húslykill og lyk-
ill af Volvo-bifreið.
Finnandi er vinsamlega
beðinn að skila kippunni
til óskilamunadeildar lög-
reglunnar.
Veski tapaðist
BRÚNT seðlaveski tapað-
ist sl. föstudagskvöld, ann-
að hvort í Háskólabíói á
níu-sýningu eða við Sól-
braut á Seltjarnarnesi. I
veskinu voru öll skilríki.
Hafi einhver fundið veskið
er hann beðinn að hringja
í síma 562-7007. Fundar-
laun.
Peysa tapaðist
DÖKKBLÁ og hvít Puma-
peysa með rennilás tapað-
ist hugsanlega í Svínadal
í september sl. eða hvar
sem er á höfuðborgar-
svæðinu. Skilvís finnandi
vinsamlega hringi í síma
564-2535.
Hjól í óskilum
NÝLEGT Scott hjól er í
óskilum í Laugarneshverfi.
Uppl. í síma 553-2413.
Leðurhanskar
töpuðust
SVARTIR leðurhanskar
töpuðust sl. sunnudag við
Dómkirkjuna. Finnandi
vinsamlegast hafi sam-
band í síma 421-2551,
Gæludýr
Kanína týndist
SVARTBRÚN fullvaxin
dvergkanína hvarf frá
heimili sínu Austurgötu
47, Hafnarfirði fyrir tæp-
um hálfum mánuði. Geti
einhver gefið upplýsingar
um ferðir hennar vinsam-
lega hringi í síma
565-0447.
„l//d je/fijrT7 -eÁJcL. £istaJberse*>j þoUi.
ífrbt//ijjd£>fn, *
Víkveiji skrifar...
VÍKVERJI lagðist í langferðir á
dögunum, fyrst til írlands og
viku síðar til Kúbu. í bæði skiptin
var farkosturinn Júmbó-þota Atl-
anta-flugfélagsins. Það er einkenni-
leg tilfinning að sitja í risaþotu
ásamt 486 öðrum íslendingum á
leið út í heim. Og þegar við bætast
15 flugfreyjur og -þjónar, tveir flug-
menn og einn fiugvélstjóri er fjöld-
inn í vélinni orðinn 505! Eða álíka
fjöldi og í sjávarþorpi á landsbyggð-
inni.
íslendingar eru góðu vanir í mat
og drykk í flugferðum og flugfreyj-
urnar og þjónarnir voru á þönum
allan tímann. Þjónustan var framúr-
skarandi en þreytan hlýtur að hafa
sagt til sín hjá þeim eftir átta
klukkustunda flug til Kúbu.
xxx
*
ISLENZKI hópurinn fékk ákaf-
lega hlýjar móttökur á Kúbu.
Hljóðfærasláttur og dans og drykk-
ir fyrir alla. Blaðamenn voru kallað-
ir í hliðarherbergi þar sem sam-
gönguráðherrann flutti stutta tölu.
Greinilegt var að það þótti nýnæmi
að svona stór hópur væri að koma
í fyrsta skipti frá landi langt í
norðri. Það hefur eflaust þótt frétt
líka að hópurinn var að koma frá
NATO-landi, sem lét sig engu
skipta þótt Bandaríkjamenn fylgdu
fram af hörku viðskiptabanni á
Kúbu.
íslendingarnir dvöldu á þremur
glæsihótelum við borgina Varadero.
Þar var viðurgjörningur góður og
verðlag svipað og gerist á sambæri-
legum ferðamannastöðum. Veður
var ekki eins og bezt var á kosið
framan af ferðinni, mikið rok og
miklar rigningardembur inn á milli.
Hlýtt var allan tímann og undir lok
ferðarinnar var veðrið orðið eins og
menn eiga að venjast í sólarlanda-
ferðum. Flestir notuðu tímann vel
og fóru í skoðunarferðir sem í boði
voru. Ekki þurfti að fara langt til
að sjá mikla fátækt. Ferðin verður
eflaust öllum þátttakendum
ógleymanleg.
Eftirminnilegast þótti Víkverja
að koma til höfuðborgarinnar Hav-
ana. Það var eins og ferðamaðurinn
væri að koma áratugi aftur í tím-
ann. Á götunum voru mest áber-
andi amerískir bílar frá árunum
fyrir 1960. Margar glæsibyggingar
eru í borginni en þær eru flestar í
algerri niðurníðslu. Borgin iðaði af
mannlífi og ferðalangarnir voru
stöðvaðir hvað eftir annað af götu-
sölum og öðrum, sem buðu fram
þjónustu sína. Annar hver maður
virtist vera að selja hina frægu
Havana-vindla á svörtu.
xxx
EGAR lent var á Keflavíkur-
flugvelli eftir írlandsferðina
var þar algjört öngþveiti. Fólk beið
í langri röð eftir að komast inn í
fríhöfnina og þar þurfti það að oln-
boga sig milli hillusamstæða. Þegar
varningnum hafði verið hlaðið í
körfurnar tók við önnur löng bið
við afgreiðslukassana. Ekki tók
betra við þegar fólk ætlaði að sækja
farangur sinn. Töskurnar komu á
tveimur færiböndum og fólk varð
að hlaupa á milli þeirra. Loks var
bara eitt tollhlið í notkun og þar
myndaðist enn ein biðröðin.
Víkveiji komst á þá skoðun að
flugstöðin í Keflavík væri ekki einu
sinni í stakk búin til að taka á
móti einni íslenzkri flugvél. En sú
skoðun breyttist eftir Kúbuferðina.
Þegar Víkveiji kom þaðan var gott
skipulag á öllum hlutum. Fólk gat
valið um að verzla í tveimur fríhafn-
arverzlunum, bæði á efri og neðri
hæð. Töskurnar komu fljótt og vel
og þær voru teknar af færiböndun-
um og þeim raðað upp. Loks voru
tvö tollhlið í gangi sem flýtti mjög
fyrir afgreiðslu. Sannarlega fram-
för frá fyrri ferðinni.