Morgunblaðið - 22.11.1996, Blaðsíða 4
4 FÖSTUDAGUR 22. NÓVEMBER 1996
MORGUNBLAÐIÐ
FRÉTTIR
Niðurstöður fjölþjóðlegrar rannsóknar á þekkingu nemenda í náttúrufræði og stærðfræði
íslensk börn
í neðstu
sætum
Sambærilegt við árangur í löndum þar
sem efnahagur er lakari en hérlendis
„NÁMSÁRANGUR íslenskra nem-
enda í stærðfræði, líffræði, efna-
fræði, eðlisfræði og jarðfræði í 7.
og 8. bekk líkist einna mest náms-
árangri nemenda í löndum þar sem
efnahagur er lakari en hérlendis.
Þar sem ástand menntamála hefur
hingað til ekki verið talið sambæri-
legt við það sem gerist hér á landi,“
sagði Einar Guðmundsson, deildar-
stjóri hjá Rannsóknastofnun upp-
eldis og menntamála, þegar hann
kynnti fyrstu niðurstöðurstöður úr
fjölþjóðlegri rannsókn (TIMSS -
Third Intemational Mathematics
and Science Study) í gær.
Að sögn Einars er TIMSS-rann-
sóknin ein viðamesta samanburð-
arrannsókn sem fram hefur farið,
sennilega sú vandaðasta og því
tímamótaverk. í rannsókninni var
tekið tillit til fjölmargra þátta, s.s.
bakgrunns og námsaðstæðna nem-
enda, bakgrunns, starfsskilyrða og
starfshátta kennara og skóla-
stjómenda, námsárangurs og efni
aðalnámskráa. Þátttakendur voru
f heildina 500.000 nemendur,
45.000 kennarar og 15.000 skóla-
stjórar í grunn- og framhaldsskól-
um í 45 löndum. Að þessu sinni
voru kynntar niðurstöður úr 7. og
8. bekk en í haust verða kynntar
niðurstöður úr 3. og 4. bekk grunn-
skólans og í byijun árs 1998 niður-
stöður úr framhaldsskólum.
Undir meðaltali
Samkvæmt niðurstöðunum er
heildarframmistaða íslenskra nem-
enda í 7. og 8. bekk undir alþjóð-
legu meðaltali bæði í stærðfærði
og náttúrufræði. Á það við um
allar undirgreinar náttúrufræði,
þ.e. líffræði, efnafræði, eðlisfræði
og jarðfræði auk allra námsþátta
stærðfræðinnnar að undanskilinni
tölfræði og líkindareikingi í 8.
bekk, en þar er frammistaða ís-
lendinga yfír meðaltali. Þær þjóðir
sem standa jafnfætis íslandi eða
lakar eru Lettland, Litháen, Port-
úgal, Spánn, íran, Kúveit, Kólomb-
ía, S-Afríka, Frakkland, Kýpur,
franski hluti Belgíu og Danmörk.
Einungis 1% íslenskra nemenda
er í hópi þeirra 10% nemenda í
heiminum sem ná bestum árangri
í stærðfræði. í náttúrufræðigrein-
um á þetta við um 2% íslenskra
nemenda. „Til samanburðar má
geta þess að í Singapor, þar sem
nemendur stóðu sig best í rann-
sókninni, eru 45% nemenda meðal
þeirra 10% nemenda í heiminum
sem ná bestum árangri í stærð-
fræði,“ sagði Einar Guðmundsson.
í flestum þátttökulöndum kom
ekki fram kynjamunur á heildar-
frammistöðu drengja og stúlkna í
stærðfræði. í náttúrufræðigreinum
kom aftur á móti fram mjög skýr
Morgunblaðið/Árni Sæberg
STEFÁN Bergmann, lektor KHÍ, Dr. Þórólfur Þórlindsson, forstöðumaður RUM, dr. Einar Guð-
mundssonar, deildarstjóri hjá RUM, og dr. Þorlákur Karlsson, dósent við HÍ, skipuðu vinnuhóp í
tengslum við rannsóknina auk Önnu Kristjánsdóttur, prófessors við KHÍ.
ís iA-n
Spánn
povtúg1'1
íran
(vóiurnlva
Kúvuit ^
Suöur Atríln
Röð íslands af
þeim þjóðum sem...
uppfylla
aðferðafræðilegar kröfur
Náttúru-
Stærðfræði fræðigreinar
7.bekkur 22af27 20af27
a bekkur 21af25 20af25
uppfylla
aðferðafræðilegar kröfur
Náttúru-
Stærðfræði fræðigreinar
7. bekkur 30 af 39 27 af 39
8. bekkur! 32 af 41 30 af 41
og marktækur kynjamunur í mörg-
um þátttökulöndum drengjum í
vil. A það ekki við um ísland að
undanskilinni jarðfræði í 7. bekk,
en þar er frammistaða drengja
marktækt betri en stúlkna. Þá
sýndi rannsóknin að viðhorf nem-
enda til námsgreina geta tengst
námsárangri og þá þannig að því
jákvæðari sem nemendur eru í
garð námsgreinanna þeim mun
betri er námsárangur þeirra.
Sterkt samband má sjá milli
aðgangs nemenda að ýmsum hjálp-
argögnum á heimili, eins og orða-
bókum, tölvu og skrifboði en sterk-
ast er þó samband á milli menntun-
ar foreldra og fjölda bóka á heim:
ili við námsárangur nemenda. I
öllum þátttökulöndunum, þar á
meðal Islandi, ná nemendur betri
námsárangri í stærðfræði og nátt-
úrufræði eftir því sem menntun
foreldra er meiri.
Mikil vinna framundan
Fram komu á fundinum mikil
vonbrigði með niðurstöðurnar, þó
að menn hafí áður gert sér grein
fyrir að íslendingar stæðu ekki
sterkir að vígi í náttúrufræðigrein-
um né í stærðfræði, samkvæmt
niðurstöðum samræmdra prófa og
fyrri þátttöku í umfangsminni
könnunum. Einar Guðmundsson
lagði áherslu á að niðurstöðurnar
á þessu stigi væru meira lýsandi
en skýrandi fyrir ástand í mennta-
kerfum þátttökulandanna.
„Frammistaða íslenskra nem-
enda veldur vissum vonbrigðum
og augljóst er að ekki er hægt að
sitja aðgerðarlaus gagnvart
frammistöðu þeirra í rannsókn-
inni,“ sagði Einar og bætti við að
mikil vinna væri framundan við
greiningu á gögnunum. Kvaðst
hann fullviss að þessi rannsókn
muni hafa áhrif á fagumræðu í
þessum námsgreinum. Raunar
væri hennar þegar farið að gæta.
Stefán Baldursson, deildarstjóri
í menntamálaráðuneytinu, sagði í
samtali við Morgunblaðið að við
endurskoðun aðalnámskrár, sem
nú færi fram, væri rannsóknin
góður grunnur. „Við munum að
sjálfsögðu óska eftir frekari niður-
stöðum á þessum gögnum til að
átta okkur á hvað veldur þessari
frammistöðu. Síðan munu þær
verða notaðar í endurskoðun okkar
á aðalnámskránni," sagði hann.
Morguriblaðið/Líney Sigurðardóttir
Fjörutíu ára skip með
50 þúsund tonn
Stolin lyf
fundust
BROTIST var inn í Nesapótek
á Eiðistorgi í fyrradag og stol-
ið einum plastpoka fullum
lyfja. Þjófurinn náðist.
Þjófurinn braut glugga og
glerrúðu og skarst á handlegg.
Var blóð víða um apótekið.
Slóð mannsins var rekin að
heimili hans og fundust lyfín
þar. Maðurinn var án meðvit-
undar og hafði reynt að
sprauta sig.
^ Enn er um 300 hylkja af
dalmadrom saknað og mun
lögregla svipast um eftir lyfínu
á næstunni.
Þórshðfn. Morgunblaðið.
LOÐNU- og síldveiðiskipið Júpíter
landaði tæpum 70 tonnum af loðnu
f vikunni og með því var afli skips-
ins orðinn rétt rúm 50 þúsund
tonn frá áramótum en það var
takmark skipveija að ná þeirri
tölu.
Þetta er nokkru meiri afli en á
síðasta ári og gerði áhöfnin sér
dagamun af tilefninu - en einnig
komst fréttaritari að því að Júp-
íter á fertugsafmæli í janúar næst-
komandi. Haldið var upp á tilefnið
með myndarlegum veitingum;
hnallþórutertum með áletruninni
„Til hamingju - 50 þúsund tonna
múrinn rofinn" og kokkurinn
bauð upp á heitt súkkulaði og
kaffi. Menn voru kátir og gerðu
sér gott af veitingunum.
Hásetahluturinn á Júpíter verð-
ur á biiinu fjórar til fimm milljón-
ir á árinu, að sögn framleiðslu-
stjóra í Hraðfrystistöðinni. Lítil
hreyfing er á mannskapnum á
Júpfter og að mestu sama áhöfnin
frá árinu '93, aðeins fimm breyt-
ingar frá þeim tíma, svo menn
virðast ánægðir með plássið. Afla-
verðmæti Júpíters er tæpar 280
miHjónir það sem af er árinu og
er það nokkru meira en á sfðasta
ári. Skipstjóri á Júpíter er Lárus
Grímsson.
Aðalverktakar taka þátt í endurnýjun
stóra flugskýlisins í Kefiavík
Unnið fyrir á ann-
að hundrað millj.
ÍSLENZKIR aðalverktakar munu
sjá um stóran verkþátt við end-
umýjun flugskýlis Bandaríkjaflota
í varnarstöðinni á Keflavíkurflug-
velli. Ákveðið hefur verið að taka
tilboði ístaks hf. í þann hluta end-
urnýjunarinnar, sem Mannvirkja-
sjóður Atlantshafsbandalagsins
kostar, en í hlut Aðalverktaka koma
endurbætur, sem Bandaríkjamenn
hafa sérstaklega óskað eftir og
greiða sjálfir.
Samkvæmt heimildum Morgun-
blaðsins er þarna um að ræða upp-
setningu brunavarna- og slökkvi-
kerfís og endurnýjun skrifstofuhús-
næðis á efri hæð viðbyggingar flug-
skýlisins, sem hýsir flugvélaverk-
stæði. Þetta húsnæði var áratugum
saman stjórnstöð vamarliðsins, en
verður nú tekið til annarra nota.
Talið er að kostnaður við þessa
verkþætti geti orðið á bilinu tvær
til þijár milljónir dollara, eða á
annað hundrað milljóna króna.
10-15% af
heildarkostnaði
Tilboð ístaks í endumýjunina að
öðru leyti var tæplega sautján millj-
ónir dollara. Hlutur Aðalverktaka
gæti því numið 10-15% af heildar-
kostnaði við endurnýjunina.
Einkaréttur Aðalverktaka á
verkefnum, sem Mannvirkjasjóður
NATO greiðir, var afnuminn í fyrra
og em viðhöfð alþjóðleg samkeppn-
isútboð vegna stærri verka, sem
sjóðurinn kostar. Fyrirtækið situr
hins vegar enn, ásamt Keflavíkur-
verktökum, að þeim byggingafram-
kvæmdum sem greiddar eru úr
bandaríska ríkissjóðnum. Þeim er
úthlutað til fyrirtækjanna af hálfu
utanrikisráðuneytisins sarnkvæmt
kerfi, sem tekið var upp í árdaga
veru vamarliðsins á íslandi. Þetta
kerfi mun endanlega falla úr gildi
árið 2004.
------♦ ♦ ♦-----
Meint
nauðguná
vistheimili
LÖGÐ hefur verið fram kæra hjá
Rannsóknarlögreglu ríkisins varð-
andi meinta nauðgun þroskaheftrar
stúlku á vistheimili fyrir þroska-
hefta.
Hörður Jóhannesson hjá RLR
staðfesti í samtali við Morgunblaðið
að slík kæra hafí verið lögð fram,
en neitaði að tjá sig frekar um rann-
sókn málsins sem stendur yfír.
I
í
í
I
>
I
I
I
I
I