Dagblaðið Vísir - DV - 04.09.1986, Blaðsíða 10
10
FIMMTUDAGUR 4. SEPTEMBER 1986.
Utlönd
Skývsla Matvæla- og landbúnaðarstofnunar SÞ um landbúnað í Afnku:
Þurrkatíð á litta sók
á hunguivofii Afrikurikja
Spá voveiflegri tíð innan aldarfjórðungs ef ekkert verður að gert
I nýbirtri skýrsiu Matvæla- og landbúnaðarstofnunar Sameinuðu þjóðanna um landbúnað í Afríku segir að alls
ekki megi eingöngu kenna þurrkatíð um mannfelli milljóna sökum hungursneyðar í álfunni á síðustu þrem árum.
Segir þar að orsakanna sé víðar að leita og Afrikuríki verði að taka stjóm landbúnaðarmála til gagngerrar endur-
skoðunar ef ekki á enn verr að fara innan næsta aldarfjórðungs.
Ríki Afiíku eiga aðeins um tvo
kosti að velja. Annaðhvort þann að
gerbreyta stefnu sinni í landbúnað-
armálum og umbylta framleiðslu-
háttum landbúnaðarvara, eða sjá
fram á margfalt verri örbirgð og
hungursneyð innan næstu tuttugu
og fimm ára en þá er fellt hefur millj-
ónir Afríkubúa á undanfömum
árum, samkvæmt skýrslu Matvæla-
og landbúnaðarstofiiunar Samein-
uðu þjóðanna er birt var í gær.
Spá áður óþekktri hungurs-
neyð
I skýrslunni, er ber yfirskriftina
„Landbúnaður í Afriku næstu 25
ár“, er fullyrt að viðhaldi Afríkuríki
sömu grundvallarstefriu og íylgt hef-
ur verið i landbúnaðarmálum álf-
unnar á síðustu árum, sé ógnvekj-
andi hungursneyð fyrirsjáanleg í
ríkjum álfiinnar fyrir árið 2010, með
tilheyrandi neyðarástandi sem ill-
mögulegt yrði að leysa með utanað-
komandi aðstoð.
„Ástand það er skapast getur inn-
an næstu 25 ára yrði ógnvænlegt.
Með efiiahagslegar, stjómmálalegar
og umhverfislegar afleiðingar í huga
fyrir álfuna, yrði okkar aldrei fyrir-
gefið,“ segir í skýrslu Matvæla- og
landbúnaðarstofhunarinnar.
Fundað í Yamoussoukro
Innihald skýrslunnar var helsta við-
fangsefhi á fundi landbánaðarráð-
herra Afríkuríkja í Yamoussoukro,
höfuðborg Fílabeinsstrandarinnar,
er haldinn var fyrir tilstuðlan Sam-
einuðu þjóðanna í síðustu viku.
Á meðal afrísku ráðherranna ríkti
bjartsýni á að með sameiginlegum
aðgerðum tækist Afiríkuríkjum að
auka landbúnaðarframleiðsluna og
gera hana stöðugri.
Vora landbúnaðarráðherramir
sammála um að helst þyrfti að
hyggja að fjórum meginmarkmiðum
ef takast ætti að koma á jafiivægi í
framleiðslu landbúnaðarvara.
f fyrsta lagi að auka þyrfti skilning
ríkisstjóma Afríkuríkja á landbún-
aðarframleiðslunni og ríki álfunnar
þyrftu að leggja meira fjármagn til
uppbyggingar landbúnaðar. I dag
era aðeins örfá ríki áifunnar er
leggja meir en tíunda hluta fjárlaga
sinna til landbúnaðarframleiðslu í
öðra lagi að koma þurfi á og fram-
fylgja strangari umhverfisvemdar-
löggjöf, er miði að því að forða
dýrmætu jarðræktarlandi frá eyði-
leggingu af völdum mengunar og
ótímabærrar búsetu sífellt fjölgandi
íbúa álfunnar er stöðugt leggja
meira svæði undir byggð.
í þriðja lagi bendir skýrslan á mik-
ilvægi þess að ríki umheimsins styðji
við uppbyggingu afrísks landbúnað-
ar með því að leggja ekki vemdar-
tolla á innflutning afirískra
landbúnaðarvara og aukinni miðlun
tækniþekkingar í landbúnaði.
Síðast en ekki síst bendir skýrslan
á nauðsyn þess að Afiíkuríkin sjálf
endurskipuleggi stjóm eigin land-
búnaðar og þeirra þátta í þjóðfélag-
inu er tengjast landbúnaðarfram-
leiðslunni. Meðal annars er lagt til
að ríkari áhersla sé lögð á að kenna
bændum undirstöðuþætti í búfræð-
um ýmiskonar, svo sem rétta notkun
fræja og áburðar.
Ekki aðeins sök þurrkatíðar
í skýrslunni segir ennfremur að
langt sé frá að einungis megi kenna
gífurlegum þurrkum um hungurs-
neyð í Afríku á undanfömum þrem
árum, þar komi aðrir veigameiri
þættir inn í.
Skýrslan nefnir þessa helsta:
1. Landbúnaðarstefiia flestra Afr-
íkuríkja er talin einkennast af
fordómum og óraunsærri yfirsýn yfir
þýðingu landbúnaðar fyrir efhahag
viðkomandi ríkis.
2. Öra íbúafjölgun á sama tíma og
vöxtur í landbúnaðarframleiðslu er
enginn.
3. Lítið sé um að nýtt land sé lagt
undir landbúnað og jarðrækt.
4. Ófullkomna tækni í landbúnað-
arframleiðslunni og þar af leiðandi
takmarkaða og lélega uppskeru.
5. Aukna mengun í vatni, til dæm-
is áveituvatni, auk loftmengunar.
6. Óhagstæð viðskiptakjör og lé-
lega samkeppnisstöðu á erlendum
mörkuðum.
Segir skýrslan ennfremur að við
óbreytt ástand megi búast við allt
að þijátíu prósent samdrætti í land-
búnaðarframleiðslu Afríkuríkja á
næsta aldarfjórðungi, og að árið 2010
verði aðeins fjögur Afiíkuríki út-
flytjendur landbúnaðaafurða,
samanborið við tuttugu og sex ríki
álfunnar í dag.
Nema áhersla verði lögð á að kippa
fyrrgreindum sex atriðum í lag.
italinn Stefano Casiraghi, eiginmaður Karólínu Mónakóprinsessu, fékk und-
anþágu frá herþjónustu þegar hann afhenti læknisvottorö þar sem hann
var sagður vera meö æxli sem gæti valdiö getuleysi. Hefur það vakið reiði
foreldra þeirra hermanna sem framið hafa sjálfsmorð eða veikst vegna
slæmra skilyrða í hemum.
Deilt um skyldu-
hernað á Ítalíu
Tíð sjálfsmorð meðal nýliða
Tíð sjálfsmorð meðal nýliða í her-
þjónustu á Ítalíu hafa vakið deilur
um skylduhemað þar í landi en um
tveir þriðju hlutar hermanna Ítalíu
gegna skylduherþjónustu.
Slæmar aðstæður, veikindi,
þjösnaskapur og eiturlyfjaneysla
meðal hermannanna hefur reitt for-
eldra til reiði og ekki minnkaði reiði
þeirra við það að eiginmanni Karól-
ínu prinsessu af Mónakó, en hann
er ítalskur, var veitt undanþága frá
herþjónustu.
Níu ungir nýliðar hafa framið
sjálfsmorð síðan í maí síðastliðnum
og margir foreldrar kenna um þung-
lyndi yfir lífinu í herskálunum.
Síðari hluta ágústmánaðar skaut
19 ára gamall maður sig í kviðar-
holið með veiðibyssu föður síns er
hann var kvaddur afitur til herþjón-
ustu eftir tveggja mánaða dvöl á
sjúkrahúsi.
Mótmæli
Ættingjar manna er dáið hafa í
herþjónustu mótmæltu í siðustu
viku fyrir utan skrifstofu vamar-
málaráðherrans, Giovanni Spadol-
ini. Tilefiii mótmælanna var sú
undanþága er Stefano Casiraghi,
hinn ítalski eiginmaður Karólínu,
fékk út á læknisvottorð þar sem
sagði að hann væri með æxli sem
gæti leitt til getuleysis.
I miðjum umræðum þingsins um
meint svindl við veitingu undan-
þágunnar ól Karólína annað bam
þeirra hjóna. Ný undanþága var
veitt þar sem Stefano flokkaðist und-
ir þá sem stunda atvinnu erlendis.
Af hálfu vamarmálaráðuneytisins
var sagt að þó að nýjar læknisrann-
sóknir sýndu að ekki væri um
veikindi að ræða þá væri þar með
ekki útilokað að sjúkdómurinn hafi
verið fyrir hendi áður.
III meðferð
Samtök foreldra segja að nýliðar
sæti illri meðferð af hálfu þeirra sem
era að ljúka herskyldu sinni og jaðri
það oft við misþyrmingu. Er þeim
meðal annars refeað með því að þeir
eru látnir standa úti að vetrarlagi
án klæða þangað til þeir geta giskað
á hvert hitastigið sé. Áðeins má
giska á 15 mínútna fresti.
Yfirvöld í Turin hófu nýlega rann-
sókn eftir að nýliði ökklabrotnaði
af völdum eldri hermanna. Eftir að
faðir hans hafði krafist rannsóknar
þurfti hann að hneigja sig hundrað
sinnum áður en hann fékk að taka
við bréfum að heiman.
Eiturlyfjaneysla
Margir nýliðar byija að neyta eit-
urlyfla í herþjónustunni. Samkvæmt
opinberum tölum var tilkynnt um
3.500 tilfelli í fyrra. Yfirvöld hafa
viðurkennt að ástand hermanna-
skálanna sé ekki viðunandi en
margir þeirra vora byggðir snemma
á síðustu öld. Aðaldánarorsök her-
manna er lifrarbólga sem orsakast
af vfrus og veiktust rúmlega tíu þús-
und hermenn af þessum sjúkdómi í
fyrra.
Gagnrýnendur segja að engra
breytinga sé að vænta fyrr en her-
skylda minnki og atvinnuhermenn
verði fleiri.
Umsjón: Hannes Heimisson og Ingibjörg Bára Sveinsdóttir