Dagblaðið Vísir - DV - 04.09.1986, Page 32

32
FIMMTUDAGUR 4. SEPTEMBER 1986.
Andlát
Ásta Ásgeirsdóttir, Grænuhlíð 5,
lést á Hrafnistu í Reykjavík 2. sept-
ember.
Eiríkur Björnsson, Lindargötu 9,
Sauðárkróki, er látinn.
Cora Sofie Baldvinsson, fædd
Paulsen, verður jarðsungin frá
Blönduóskirkju laugardaginn 6.
september kl. 14.
Útför Þórunnar Sigurðardóttur
frá Fiskilæk, sem lést fimmtudaginn
28. ágúst, fer fram frá Fossvogskirkju
föstudaginn 5. september kl. 15.
Henný Ottósson, verður jarðsungin
frá Fossvogskirkju fimmtudaginn 4.
september kl. 13.30.
Útför Arnheiðar Bergsteinsdótt-
ur, Hæðargarði 34, fer fram frá
Fossvogskirkju föstudaginn 5. sept-
ember kl. 10.30.
Útför Ólafs Sveinssonar frá Stóru-
Mörk, verður gerð frá Stóra-Dals-
kirkju laugardaginn 6. september kl.
14.
Ólafur B. Hjálmarsson, Rauðalæk
49, sem lést 30. ágúst sl., verður jarðs-
unginn frá Fossvogskirkju föstudag-
inn 5. september kl. 13.30.
Björn Ólafsson byggingameistari,
Norðurvangi 44, Hafnarfirði, verður
jarðsunginn frá Þjóðkirkjunni í
Hafnarfirði föstudaginn 5. september
kl. 13.30.
Tilkynningar
Alþjóðarráðstefna um upp-
græðslu lands á norðurslóð-
um
verður haldin dagana 8.-14. september
1986 að Hótel Loftleiðum, Reykjavík.
Alþjóðanorðurskautsráðið, Comité
Artique International, sem hefur aðsetur
í Monaco, hefur staðið fyrir allmörgum
ráðstefiium er varða málefni þeirra svæða
er liggja umhverfis norðurskautið. í maí
1985 var haldin ráðstefha í Fairbanks,
Alaska, um nýtingu auðlinda norðurhafa.
Á vegum ráðsins verður dagana 8.-14.
september haldin ráðstefna hér á landi um
efnið:
Uppgræðsla, endurbætur á landi og þró-
un gróðurs á norðlægum slóðum, sem
orðið hefur fyrir röskun af völdum nátt-
úruafla eða manna.
Fundarstaður verður að Hótel Loftleið-
um, en auk þess er fyrirhugað að fara í
kynnisferð um uppgræðslusvæði.
Fundarefni verður eftirfar-
andi:
- Hugmyndir um röskun og uppbyggingu
gróðurs.
- Landnám og þróun gróðurs á nýmynduð-
um beði eða röskuðum jarðvegi (hraunum,
ösku, áreyrum, jökulurð og eyddu landi).
- Umbreyting og umbætur á vistum og
vistkerfum (á melum, strandsvæðum og
áreyrum).
- Áhrif aðkomuefnis á gróður og jarðveg
(áburðar, sjávarsalts. vegaryks, ösku og
fokefna).
- Framleiðsla á hentugri sáðvöru og upp-
græðsluplöntum.
- Skógrækt á norðurslóðum.
- Eftirlit með umhverfisbreytingurn með
því að nota fléttur, árhringi, kennitegund-
ir og gróðurkort.
- Tækni og aðferðir við uppgræðslu og
endurbætur lands á norðurslóðum.
Erindin verða flutt á ensku.
í undirbúningsnefnd af íslands hálfu
eiga sæti þeir Dr. Sturla Friðriksson,
nefndarformaður, dr. Hörður Kristinsson,
Eyþór Einarsson grasafræðingur, Sigurð-
ur Blöndal skógræktarstjóri og dr. Andrés
Arnalds, frá Landgræðslu ríkisins.
Opnun skarkolasvæðis
í Héraðsflóa
Ráðuneytið hefur ákveðið að frá 1. sept-
ember til ársloka verði heimilt að stunda
togveiðar í Héraðsflóa utan línu sem dreg-
in er í einnar sjómílu fjarlægð frá fjöru-
marki meginlandsins. Að norðan markast
svæðið af línu, sem dregin er austnorð-
austur frá Bjarneyjarvita og að sunnan
af línu, sem dregin er austnorðaustur frá
Ósfles.
Norræni heilunarskólinn
Kynningarfundur veröur haldinn sunnudaginn 7. sept-
ember kl. 19 að Austurbrún 2, 13. hæð (bjalla merkt
salur). Næsta námskeið hefst 13. september.
Nánari upplýsingar í símum 41478, 54600 og 78021.
SKRIFSTOFUSTARF
Staða skrifstofumanns við embætti ríkislögmanns er
laus til umsóknar. í starfinu felast alhliða skrifstofu-
störf, auk skjalavörslu, afgreiðsla reikninga o.fl.
Umsóknir, ásamt upplýsingum um aldur, menntun
og fyrri störf, óskast sendar til ríkislögmanns, Sölvhóls-
götu 7, Reykjavík, fyrir 10. sept. n.k.
Stórt atvinnuhúsnæði
til leigu í EV-húsinu,
Smiðjuvegi C 4, Kópavogi
1. Götuhæð ca 1000 m2, lofthæð 5,40 m. Innkeyrslu-
dyr.
2. hæð ca 250 m2. Skrifstofuhúsnæði.
3. hæð ca 1000 m2. Ásamt 1000 m2 steyptu útiplani.
Innkeyrsludyr.
Upplýsingar alla virka daga í símum 79383 (77200), á
kvöldin í síma 622453.
ÁTT ÞÚ
LADA SPORT?
Vilt þú gera góðan bíl betri?
Við eigum fyrirliggjandi Michelin 15' dekk á hvít-
um Spoke felgum.
HJÓLBARÐASTÖÐIN H/F,
Skeifunni 5, Reykjavík
Símar 33804-687517
Utvarp - sjónvarp
Jakob Magnússon sölumaður:
Reyni alitaf að horfa
á fræðsluþættina
Sjónvarpið í gærkvöldi var ágætt
og ég horfði á mestalla dagskrána.
Fréttimar horfi ég einna helst á í
sjónvarpinu. Þátturinn um kjarn-
orkuna var fróðlegur og skemmtileg-
ur. Ég reyni alltaf að horfa á
fræðsluþættina sem eru með því
betra í dagskránni. Poppþættir eru
líka góðir margir hverjir og má segja
það um þennan í gærkvöldi sem var
um Lionel Ritchie. Pompei var góður
framhaldsþáttur. Þetta hafa verið
alveg magnaðir hlutir sem gerðust
þama á sínum tíma. Annars horfi
ég yfirleitt ekki á framhaldsþætti.
Rás 2 er alltaf í gangi á mínum
vinnustað og það er aðallega þess-
vegna sem ég hlusta töluvert mikið
á hana en ekki af þvi að ég kveiki
sjálfur. Bylgjan finnst mér lifandi
útvarpsstöð. Þar er allt óþvingaðra
og opnara en á gömlu stöðvunum.
Þegar góð leikrit em á boðstólum
hlusta ég á þau ef ég get. Annars hef
í lítið fleira um útvarpið að segja í
bili.
Lili & Sussie í Evrópu
Dagana 4.-14. september nk. munu sænsku
söngkonurnar Lili og Sussie skemmta
gestum veitingahússins EVRÓPU, Borg-
artúni 32. Lili og Sussie eru systur, 20 og
22ja ára gamlar, sem æft hafa söng og
dans frá því að þær fyrst muna eftir sér.
Þær hafa náð töluverðri hylli í heimalandi
sínu og lagið „Summer tonight“ varð mjög
vinsælt, bæði í útvarpi og á diskótekum.
Systurnar hafa komið fram í sjónvarpi og
á skemmtistöðum víða í Evrópu og þykja
einkar líflegar í framkomu. Metnaður
systranna liggur í að gera skemmtanir sem
bestar, enda eyða þær að jafnaði miklum
tíma í söng- og danskólum auk þess að
stunda líkamsrækt að krafti. Fyrsta
skemmtun þeirra verður í kvöld, 4. sept-
ember.
Skákþing íslands 1986
Keppni í drengja- og telpnaflokki (14 ára
og yngri) verður 5.-7. september næstkom-
andi. Tefldar verða 9 umferðir eftir
Monrad-kerfi og er umhugsunartími 40
mín. á skák fyrir keppanda. Umferðataflan
er þannig: fbstudagur 5. september kl. 19-
23 1., 2. og 3. umferð. Laugardagur 6.
september ki. 13-18, 4., 5. og 6. umferð.
Sunnudagur 7. september kl. 13-18, 7., 8.
og 9. umferð. Teflt verður í félagsheimili
TR að Grensásvegi 46, Reykjavík. Þátt-
tökugjald er kr. 250. Innritun fer fram á
skákstað föstudaginn 5. september kl. 18.
30-18.55. Skákstjóri verður Ólafur H.
Ólafsson.
■ Tapað fundið
Gullarmband tapaðist
Gullarmband (marglituð snúra) tapaðist
1. september sl. Finnandi vinsamlegast
hringi í síma 21381 eftir kl. 18. Fundarlaun.
Kettlingurfannst
Hvítur og brúnn kettlingur með gult háls-
band fannst á Hofsvallagötunni. Upplýs-
ingar í síma 16847.
Ferðalög
Ferðafélag íslands
Dagsferðir sunnudag 7. sept.
kl. 08: Þórsmörk - dagsferð á kr. 800.
Kl. 09: Svartagil - Hvalvatn - Botns-
dalur. Ekið um Þingvöll að Svartagili
(eyðibýli), gengið þaðan yfir í Botnsdal og
komið niður hjá Stóra-Botni. Verð kr. 600.
Kl. 13: Brynjudalur - Hrísháls - Botns-
dalur. Ekið að Ingunnarstöðum í
Brynjudal, gengið þaðan yfir Hrísháls að
Stóra-Botni í Botnsdal. Verð kr. 500.
Brottför frá Umferðarmiðstöðinni austan-
megin. Farmiðar við bíl. Frítt fyrir börn í
fylgd fullorðinna.
Helgarferðir 5.-7. sept.:
Snæfellsnes - Árbókarferð. Ekið um
sunnan- og norðanvert Snæfellsnes. Kjö-
rið tækifæri að kynnast í raun þeim
svæðum sem Árbók 1986 fjailar um.
Gönguferð fyrir þá sem vilja um Dökkólfs-
dal, meðfram Baulárvallavatni og Sel-
vallavatni að Berserkjahrauni. Gist í
svefnpokaplássi. Fararstjóri: Einar Hauk-
ur Kristjánsson.
Landmannalaugar - Eidgjá. Dagsferð til
Eldgjár að Ófærufossi. Gist í sæluhúsi Fl
1 Laugum. Heitur pollur. Hitaveita í sælu-
húsinu.
Þórsmörk. Gist í Skagfjörðsskála í
Langadal. Gönguferðir um Mörkina.
Upplýsingar og farmiðasala á skrifstof-
unni, Öldugötu 3.
Útivistarferðir
Helgarferðir 5.-7. sept.
Þórsmörk - Goðaland. Góð gisting í Úti-
vistarskálanum í Básum. Haustiitirnir eru
að byrja. Gönguferðir. Fararstjóri: Bjarki'
Harðarson.
Haustferð til fiaila. Gist í húsi í Jökul-
heimum. Farið verður um nágrenni
Jökulheima, t.d. Heljargjá, Hraunvötn og
Veiðivötn. Fararstjóri: Egill Einarsson.
Uppi. og farm. á skrifst., Grófinni 1, sím-
ar: 23732 og 14606.
Sunnudagur 7. sept.
Kl. 8: Þórsmörk - Goðaland, dagsferð.
Verð800kr. Stansaö 3 4 klst. í Mörkinni.
Kl. 9: Línuvegurinn, öræfin heilla. Öku-
og skoðunarferð: Uxahryggir - Hlöðuvell-
ir - Gullfoss. Verð 900 kr. Fararstjóri:
Gunnar Hauksson.
Kl. 13: Kræklingatínsla og fjöruferð í
Hvalfirði. Það er stórstraumsfjara og því
bestu aðstæður til kræklingaferðar. Verð
500 kr.
f ferðirnar er frítt fyrir börn í fyigd fullorð-
inna. Brottför frá BSf, bensínsölu.
Þúsundir skólabarna hrópa:
Ökumenn, gefið okkur grið!
Nú fer í hönd einn hættulegasti tíminn í
umferðinni, sólin lækkar á lofti, daginn
tekur að stytta og rökkrið tekur völdin
morgna sem kvöld. Um leið og þessar
breytingar eiga sér stað fjöigar gangandi
vegfarendum stórlega. Þúsundir skóla-
barna hefja skólagöngu núna í byrjun
mánaðarins og það sem meira er - milli
fjögur og fimm þúsund nýir og óreyndir
sex til sjö ára vegfarendur bætast í hóp
þeirra sem fyrir eru.
Þrátt fyrir að þetta séu „sjálfstæðir veg-
farendur" þá er þeim meiri hætta búin í
umferðinni en hinum fullorðnu. Þekking-
ar- og reynsluleysi háir þeim en einnig að
aðstæður og umhverfi er fyrst og fremst
sniðið fyrir fullorðið fólk. Börnin skynja
umhverfið líka á annan hátt en hinir eldri.
Vegna smæðar sinnar sjá þau aðeins það
sem næst þeim er. Þau eiga erfitt með að
greina úr hvaða átt hljóð berast. Þau eiga
ekki auðvelt með að meta réttan hraða,
ijarlægð og flölda ökutækja á ferð.
Það kemur því í okkar hlut að fræða
hina nýju vegfarendur, kenna þeim al-
menna varkámi og sýna þeim tillitssemi
og gott fordæmi í umferðinni. Hvað
varðar ökumenn þá ber þeim að sýna að-
gætni og draga úr hraða í nágrenni skóla,
við gangbrautir og þar sem þeir sjá að
böm em á ferð. Lítum ávallt á börn sem
„lifandi hættumerki".
En ökumenn bera ekki einir ábyrgðina.
Hún er ekki síður í höndum foreldra og
skóla. Til þess að auðvelda foreldrum
þessa fræðslu hefur Umferðarráð, í sam-
vinnu við menntamálaráðuneytið, sent
öllum nemendum, sem eru að hefja skóla-
göngu í fyrsta sinn, upplýsingabréf, Á
LEIÐ1SKÓLANN. Þar er að finna ýmsar
upplýsingar og ráðleggingar ásamt spum-
ingalista um umferðaraðstæður. Með
svörum foreldra geta kennarar yngstu
deildanna lagt áherslu á þau vandamál
sem fyrir em í umferðinni. Foreldrum er
m.a. bent á að mikilvægt er að fylgja barn-
inu fyrstu skóladagana og hjálpa því að
finna ömggustu leiðina til og frá skóla.
1 septembermánuði er slysatíðni skóla-
barna að jafnaði meiri en aðra mánuði
ársins. Tökum því höndum saman og
komum í veg fyrir þessi hræðilegu slys.
Höfum eftirfarandi í huga: drögum úr ferð,
gætum að gangandi vegfarendum, búum
okkur undir skammdegið og notum end-
urskinsmerki. Hyggjum að velferð vax-
andi kynslóða.
Bjargaði sér sjálfur úr sjó
Lögreglan í Reykjavík var kölluð
út í gærkvöldi um kl. 19 eftir að til-
kynnt hafði verið um mann sem sást
í sjónum í Nauthólsvík. Þegar komið
var á staðinn reyndist maður eiga í
erfiðleikum með seglbretti úti á ví-
kinni en fleiri menn voru þama með
seglbretti. Var settur út gúmbjörgun-
arbátur til að bjarga manninum en
þess reyndist ekki þörf því hann bjarg-
aði sér sjálfur og sigldi brettinu á land
áður en aðstoð lögreglunnar kom til.
-BTH