Dagblaðið Vísir - DV - 04.09.1986, Síða 36
36
FIMMTUDAGUR 4. SEPTEMBER 1986.
>
*
Sviðsljós
Ólyginn
sagði . . .
Macchio
sá er lék'karate-strákinn í mynd-
inni „Karate Kid" hefur nú látið
af því að berja mann og annan
með höndunum einum saman
og er farinn að slá á strengi,
nánar tiltekið gítarstrengi. Vin-
sældir Ralphs eftir karatemynd-
ina urðu svo miklar að hann
fékk mörg tilboð um að leika í
kvikmyndum. Myndin, sem
hann valdi, nefnist „Crossro-
ads" eða Vegamót, svona lau-
flétt snarað yfir. í myndinni
leikur hann náttúrubarn í gítar-
tónlist sem verður blússtjarna.
Hann hittir eldri gítarleikara,
leikinn af Joe Seneca. Sá lofar
honum lagstúf sem á að vera
rakinn vinsældalistasmellur.
Fyrst verður stráksi þó að fara
til Mississippi, ferð sem tekur
óvænta stefnu. Og nú bíða
menn spenntir eftir því að sjá
hvort stráksi leikur jafn vel með
eitthvað í höndunum eins og
með ekkert í þeim.
Joan Collins
heldur áfram að formæla Alexis
Carrington hvert sem hún fer.
Það kemur flestum þó nokkuð
spánskt fyrir sjónir því í hugum
margra eru þær ein og sama
manneskjan. í það minnsta er
Alexis sköpuð af Joan. En Joan
segir að nú sé mælirinn fullur,
Alexis sé orðin of óskammfeilin,
rotin og fláráð. Finnst henni að
Dynasty-nornin, eins og hún
sjálf kallar persónuna, eigi að
hafa einhverja jákvæða eigin-
leika. „Mér finnst ekki lengur
gaman að leika hana og hef
óbeit á henni, ég sem var henn-
ar stærsti aðdáandi hér í byrj-
un," segir Joan. Hún þarf ekki
að ön/ænta um stuðning
bandarískra sjónvarpsaðdáenda
því í skoðanakönnunum er ein-
ungis 1 af hverjum 6 sem líkar
við Alexis. Öllum hinum þykir
hún hryllingur.
Kenny Rogers
sveitasöngvarinn hugljúfi var
heldur betur orðinn þreyttur á
því hve baráttan við aukakílóin
gekk illa. Hann var búinn að
vera í ströngum megrunarkúr-
um, skokka, spila tennis og
ýmislegt fleira en ekkert gekk.
Vigtin hreyfðist lítið, að minnsta
kosti niður á við. Hann lét því
slag standa og fór í skurðaðgerð
til að losna við „varadekkið"
sem var komið utan um hann
miðjan. Lét hann viðvaranir
fólks sem vind um eyru þjóta
en komið hafði fram að þeir sem
komnir væru yfir 45 ára ættu
helst ekki að fara í slíka aðgerð,
Kenny er 47. Eftir aðgerðina
segist Kenny vera allur annar
maður, enda m.un léttari. Þykist
hann hafa unnið sigur yfir auk-
akílóunum að minnsta kosti f
bili.
Deildarstjórar og framkvæmdastjóri fyrirtækisins á afmælisfundi meö kræs-
ingar á dagskrá.
Talsvert fjölmenni safnaöist saman inni i fyrirtækinu, enda vildu menn borða
í rólegheitum og rabba við mann og annan.
Samvinnutryggingar 40 ára
Þann 1. september 1946 var fyrir-
tækið Samvinnutryggingar g.t.
stofnað. Það átti 40 ára afmæli um
daginn og gerðu menn sér að sjálf-
sögðu dagamun á þessum tímamót-
um. Fjöldi manns gerði sér ferð í
fyrirtækið, sumir í viðskiptaerind-
um, aðrir í viðskipta- og afmæliser-
indum og enn aðrir bara til að fá sér
kökubita og taka þátt í gleðinni.
Samvinnutryggingar urðu rúmum
8 árum eftir stofnun þess eitt stærsta
fyrirtæki sinnar tegundar á fslandi
og hefur svo verið allar götur síðan.
Fyrsta vátrygging fyrirtækisins var
brunatrygging á innbúi heimilis í
vesturbæ Reykjavíkur, en í fyrstu
seldi fyrirtækið bruna- og sjótrygg-
ingar. Árið 1947 tók félagið upp
bifreiðatryggingar og fljótlega fóru
Samvinnutryggingar að verðlauna
þá ökumenn sem óku tjónlaust. í dag
eru ökutækjatryggingar stærsti lið-
urinn í starfsemi fyrirtækisins og
nemur markaðshlutdeild fyrirtækis-
ins tæpum 'A af heildartrygginga-
markaði fyrir ökutæki. Fyrsti
framkvæmdastjóri fyrirtækisins var
Erlendur Einarsson, fráfarandi for-
stjóri Sambands íslenskra samvinnu-
félaga, en núverandi framkvæmda-
stjóri er Hallgrímur Sigurðsson.
Var veitt af miklum myndarskap í
gær og fóru margir út með bros á
vör, alsælir og vel mettir. Það er
ekki alltaf sem menn borga iðgjöldin
glaðir í bragði.
Krökkunum fannst alveg meiriháttar aö tara meö mömmu og pabba „í
búöir og svoleiöis", aö minnsta kosti þar sem kökur og ávaxtasafi eru á
boöstólum.
Boðið var upp á ýmislegt góömeti sem viöskiptavmir kunnu vel aö meta.
Stjörnurnar gefa megrunarráð
Allsherjar megrunaræði hefur í
nokkur ár gengið yfir allsnægtarlönd
Vesturheims. Fjöldi fólks hefur upp-
götvað að það er alltof þungt, hefur
óæskilegar fellingar eða björgunar-
hring um magann. Sérstaklega hefur
þetta þótt óviðeigandi eftir að heilsu-
ræktarbylgjan reið yfir af öllum
sínum þunga. Sumir þurfa jafhvel að
mæla nákvæmlega út kaloríuinni-
hald alls þess sem þeir láta ofan í sig
áður en þeir þora fyrir sitt litla líf
að innbyrða það. Um allan heim
hafa sprottið upp kennimenn sem
hafa ráðlagt fólki að gera þetta og
hitt eða láta þá þetta og hitt ógert
ef það vill vera grannt og „lekkert“.
Fjölmargar bækur hafa verið skrif-
aðar um „sveltikúra" þessa og skipta
aðferðir við spiklosun þúsundum.
Fjölmargir munda stílvopnið og
segja frá eigin reynsluheimi í þessum
efnum og fjölmiðlar fylgjast vand-
lega með vaxtarlagi stjamanna.
Þrátt fyrir þetta mikla vandamál,
sem hrjáir fjölda manns, fyrirfinnast
þeir sem alltaf eru jafnléttir og aldr-
ei sést spikklumpur á. Þetta fólk er
af mörgum talið hreint og beint
yfimáttúrulegt eða þá búa yfir stór-
kostlegum leyndaruppskriftum að
megmnaraðferðum sem felast ekki í
að svelta sig. Þetta fólk hefur auðvit-
að verið beðið um að aðstoða vesal-
inganna sem eiga í erfiðleikum með
aukakílóin. Hefur það verið meira
en lítið fúst til að hjálpa meðbræðr-
um sínum í þjáningum þeirra og gefa
þeim holl og góð ráð. Hér á eftir
fylgja ráðleggingar nokkurra grann-
ra stjama sem alltaf virðast líta
jafnvel út.
Liv Ullmann
Norska leikkonan Liv Ullmann lit-
ur alltaf jafhvel út. Hún gefur fólki
ýmis ráð en aðalatriðið segir hún þó
vera að fólk eigi sífellt að gæta þess
að borða hóflega, ef það sé gert verði
fólk ekki feitt. „Ég borða sjálf brauð,
fisk, ost, egg og te og ekki mikið af
neinu,“ segir hún. Hún segir ágætis
reglu að skilja örlítið eftir á diskin-
um eftir hverja máltíð. „Fólk, sem
er of feitt, ætti að finna sér annað
áhugamál í lífinu en mat, til dæmis
íþróttir. Það myndi örugglega grenn-
ast við það,“ segir leikkonan.
Shirley MacLaine
Shirley MacLaine hefur mjög svip-
uð megrunarráð og Liv Ullmann.
Hún segir fólki að minnka við sig í
mat. „Þegar ég ætla mér að léttast
um einhver kíló þá borða ég áfram
það sem ég er vön að borða en bara
minna af því,“ segir hún. Segist hún
alltaf fara frá borðinu án þess að
vera alveg mett og með löngun til
að fá sér örlítið í viðbót.
Ursula Andress
Ursula Andress, einn mesti hasar-
kroppur um áratugaskeið, hefur ekki
mörg ráð sem hún getur gefið fólki.
Segir hún því að borða snemma og
ekki mikið í einu. Einnig finnst
henni að sneiða eigi hjá fitumiklum
mat. „Ég reyni að borða fitulítinn
mat og ekki mikið í einu. En aðal-
reglan er að ég borða aldrei eftir
klukkan 7 á kvöldin,“ segir hún.
Liv Ullmann segir fólkl aö borða hóflega. Mat-
menn eigi að fá sér nýtt áhugamál.
Shirley McLaine fer frá borðinu án þess að vera
fulimett.
Ursula Andress lætur ekki matarörðu inn fyrir sín-
ar varir eftir klukkan 19.