Dagblaðið Vísir - DV - 04.09.1986, Page 37
FIMMTUDAGUR 4. SEPTEMBER 1986.
37
V
Sviðsljós
Karl Bretaprins verður sjálfsagt orðinn konungur eftir 25 ár, verður hann
þannig útlitandi 62 ára.
Karl og Díana eftir 25 ár
Oft á tíðum hafa spakir menn og
forspáir reynt að krukka í ókomna
tíð og spá fyrir mönnum eða óorðn-
um atburðum. Ástundun þessi hefur
um aldabil farið fram enda komust
forfeður okkar og -mæður fljótt að
því að fáfræði um hvað framtíðin
bæri í skauti sér gæti reynst mörgum
manninum varasöm. Fljótlega tóku
menn að taka mið af dýrum merkur-
innar, fuglum loftsins, stjörnum og
öðrum náttúrufyrirbærum til aðstoð-
ar við spásagnir sínar. Fjölmargir
konungar fortíðar höfðu spámenn af
ýmsum toga sér við hlið og má segja
að stétt spámanna hafi á sínum tíma
verið geysilega öflug. Ráðið stríði og
friði, orðum og athöfnum.
í dag eru spámenn ekki jafnvalda-
miklir, nema ef vera skyldi veður-
fræðingar og alls kyns sérfræðiráðu-
nautar. Þeir byggja spádóma sína á
glöggum upplýsingum og vilja menn
því sjaldnast flokka þá í spámanna-
stétt. En ennþá fyrirfinnast spámenn
af gamla skólanum og hafa þeir
margir tekið tölvutæknina í sína
þjónustu. Einn slíkur heitir Alan
Reingold, gerir hann myndir af fólki
eins og hann telur líklegt að það líti
út í framtíðinni. Fjölmargir hafa
notfært sér þjónustu þessa lista-
manns, bæði fyrir sjálfa sig og aðra,
ekki síst eftir að hann tók upp hjá
sér að spá í framtíðarútlit frægs
fólks. Hér má sjá afraksturinn af
vinnu hans þegar hann spáði fyrir
um útlit Karls Walesprins og Díönu
prinsessu eftir 25 ár, bíða menn nú
spenntir eftir því að sjá hversu raun-
sönn spáin verður.
Michael Jackson
hræðir litlu systur
Litla systir Michaels Jackson segir
að hann hafi hvað eftir annað hrætt
úr henni líftóruna með alls kyns
uppátækjum.
Hin söngelsku Jackson-systkini
Hér sjást systkinin Janet og Michael
fyrir 9 árum, áður en þau slógu i
gegn fyrir alvöru.
hafa farið hvert í sína áttina á sviði
sönglistarinnar, og meira að segja
litla systir þeirra, Janet Jackson,
sem ekki fékk að vera með í „Jack-
son five“, hefur látið til sín taka á
bandaríska poppmarkaðnum. Lag
hennar, „What have you done for
me lately“, varð til að mynda geysi-
vinsælt. Michael bróðir minn kenndi
mér að svara: „Já, ég get það, í stað
þess að vera sífellt með efasemdir um
eigið ágæti. Þess vegna varð ég núm-
er í tónlistinni," segir Janet. En þó
að hún sé þakklát Jackson fyrir það
getur hún ekki annað en minnst þess
hvernig hann hefur í gegnum árin
hrætt hana með leikjum sínum þegar
hann hefur klætt sig upp í alls kyns
furðubúninga. Hún segir hann eiga
heilt herbergi fullt af alls kyns brúð-
um og gínum sem hann tali við. öðru
hvoru klæðir hann þessa „vini“ sína
upp og stillir þeim hér og þar um
húsið og líta þeir þá út eins og inn-
brotsþjófar. Honum finnst þetta allt
vera spennandi leikur en mér bregð-
ur alltaf og verð hrædd.
Janet Jackson er allra myndarlegasta stúlka og syngur vist bara þó nokkuð
vel.
Ólyginn
sagði . . .
Tatum O'Neal
er ekkert að púkka upp á fólk
sem stendur sig ekki í stykkinu.
Að minnsta kosti finnst fyrrver-
andi vinkonu hennar, Victoria
Sellers, hún vera heldur fín með
sig og alls ekki vinur i raun. Svo
er mál með vexti að Victoria
þessi og Tatum leigðu eitt sinn
saman herbergi í Hollywood og
voru hinar bestu vinkonur.
Hafði Tatum beðið Victoriu að
vera brúðarmær sín við gifting-
una er hún giftist tenniskappan-
um John McEnroe. Victoria
þessi lenti í einhverju öngstræti
mannlífsins og ánetjaðist eitur-
lyfjum (en er komin úr meðferð
og hætt) og eftir að það varð
uppvíst hefurfrú McEnroe hafn-
að henni. Beiðnin um að hún
yrði brúðarmær var afturkölluð
hið snarasta og henni var ekki
einu sinni boðið í brúðkaupið.
Segist Victoria vera hneyksluð
á þessari ótryggð Tatum O'Neal
McEnroe.
Frank Sinatra
er ekki dauður úr öllum æðum
og nú er víst fullt eins líklegt að
Bandarískir sjónvarpsáhorfend-
ur fái að berja hann augum i
einum af hinum vinsælu fram-
haldsmyndaflokkum sem ganga
í Bandarikjunum, lögreglu-
myndinni „Magnum P.I.".
Frank Sinatra þykja þættir þess-
ir algert æði og segist ekki missa
af þætti. Nýlega var hann stadd-
ur á Hawaii þar sem þættirnir
eru meðal annars teknir upp og
hitti þar einn af leikurunum,
Larry Manetti. Sá leiddi gömlu
stjörnuna baksviðs til að hitta
aðalstjörnu þáttanna, Tom
Selleck. Fljótlega barst talið að
því hvort Sinatra vildi taka þátt
sem gestastjarna og öllum að
óvörum sagðist hann til í slag-
inn ef honum líkaði handritið.
Er nú verið að vinna baki brotnu
að handritagerð og einn af fram-
leiðendum þáttanna lét þau orð
falla að ef Sinatra léki yrði hann
leynivopnið sem myndi endan-
lega tryggja þættinum forskot á
vinsældalistanum yfir fram-
haldsmyndaflokka.
v
Victoria Principal
sjálf Pamela í Dallas er vist alveg
óð i japanska réttinn Sushi. Fær
hún sér Sushi nánast I hvert
mál og hefur ekki átt nógu sterk
lýsingarorð yfir það hversu Ijúf-
fengur þessi réttur sé. En dag
skal að kveldi lofa. Nýlega fékk
Victoria sér Sushi máltíð í sjálfri
Tókýó-borg á fínum veitinga-
stað. Gerði hún matnum góð
skil og þóttist hafa fengið það
allra besta Sushi sem til væri í
sjálfri heimaborg Sushi-sins.
Rétturinn leyndi á sér því að
leikkonan og eiginmaður fengu
matareitrun og þurftu að fara á
sjúkrahús i einum grænum
hvelli. Ekkertalvarlegtvaráferð
inni og hún fékk að fara heim 2
timum seinna. Fer engum sög-
um af Sushi-áti Pamelu nú í
seinni tíð.