Dagblaðið - 07.07.1976, Blaðsíða 3

n UJKl.Atm) — MIt)VIKl'I)A(H!R 7. JÚI.Í 1976
FLÖT ÞÖK ERU SLÆM I
— gera þarf við þau
fyrir háarupp-
hœðirsegir lesandi
Valdemafr Einarsson hringdi:
„Ég var aö lesa um n>'ju
Borgarbókhlöðuna sem á aö
fara að byggja. Hún á aö vera
með flötu þaki, að mér skilst.
Nú spyr ég, hvers vegna í
ósköpunum? Þurfti ekki að
gera við flata þakið á Hafnar-
búðum fyrir milljónir? Það
hafði lekið og komizt raki í allt
húsið, svo að segja.
Ég hefði haldið að full
reynsla sé nú komin á þessi
þök. Fólk sem orðið hefur að
byggja svona hefur þurft að
gera við fyrir liáa upphæð
eftir nokkur ár. Þeir sem vildu
ekki byggja svona voru
skikkaðir til þess, vegna
skipulags, t.d. í Fossvogi.
Reynslan er fengin, við
þurfum ekki að skaðast meira
en orðið er á þessum byggingar-
stíl. Sleppum því flötu
þökunum og þar með sleppum
við einnig við milljónatjón. Þetta er teikning af nýja Kringlubænum þar sem Borgarbókhlaðan nýja verður.
r
Eg heyrði um daginn mann segja við mig
— slík málleysa á alls ekki
að heyrast í hljóðvarpi
— segir Magnús Jónsson
Magnús Jónsson trésmiður
skrifar:
Nú er komið fram yfir sumar-
sólstöður og sól tekur aftur að
lækka á lofti. Sumardagskrá
hljóðvarpsins er gengin í garð
fyrir nokkru eins og eðlilegt
hlýtur að teljast hjá þjóð þar
sem munur vetrar og sumars er
jafnmikill og raun ber vitni.
Oft hefur vel tekizt til með
sumardagskrána og er svo enn
—að mörgu leyti. Þrátt fyrir
það ætla ég að drepa á þann dag
vikunnar, sem oftast hefur
verið með hugþekkum og lífleg-
um blæ, nefnilega laugardag-
inn. Þá hlustar fólk mikið á
útarp — ekki sízt ferðalangar.
Ég held að það sé almenn
skoðun hlustenda að sjaldan
hafi tekizt til sem nú og á ég
þar við f jögurra stunda dagskrá
með „blönduðu efni“. Þáttur
þessi er í umsjá menntaðs
æskufólks sem gerir vafalítið
sitt bezta svo vel megi til takast.
Ég er sammála Haraldi Teits-
syni, sem nýlega skrifaði í
Dagblaðið, að þessi þáttur sé
útvarpinu til vansæmdar. Þar á
ég við að tvö ungmenni, sem
greinilega eru viðvaningar á
þessu sviði, eru látin halda uppi
þætti í heila fjóra klukkutíma.
Er virkilegá svona e.fút aó
fylla upp þennan dagskrártímá?
Eftir því sem méj skilst
hefur þetta fólk mjög frjálsar
hendur um efnisval og efnis-
flutning og ætti því ekki að
standa á fjöibreytninni.
Vonandi stendur þetta allt til
bóta en þá er ég hræddur um að
kennararnir og háskóla-
mennirnir í íslenzku máli þurfi
að standa sig. Mér dettur til að
mynda í hug setning úr þættin-
um laugardaginn 26.6. Háskóla-
nemanum verður að orði: „Ég
heyrði um daginn mann segja
við mig“ — frábært eða hitt þó
heldur, ég heyrði mann segja
við mig! Er þetta hægt,
Matthías eða Hjörtur?
Þegar þessari maraþondag-
skrá er lokið kemur síðan
Baldur Pálmason með lestur
þýðingar sinnar úr norsku,
Eruð þið með til Afríku? —
góða ferð, Baldur.
Rúsínan í pylsuendanum
laugardaginn 26. júní var svo
þátturinn Fjaðrafok sem flutt-
ur er á bezta hlustendatíma
hljóðvarps — milli hálfátta og
átta. Annað eins held ég að
hlustendum hafi aldrei verið
boðið upp á!
Því er mér spurn —hver ber
ábyrgð á slíkri endaleysu, sem
ekki einu sinni er botnlaus vit-
leýsa heldur er efnismeðferðin
slík hörmung að vart yrði dag-
skráin tekin gild á skóla-
skemmtun í barnaskóla.
Atvinnubótavinna unglinga
— svo fá aðrir 100 þúsund í kaup á mánuði
Svo er þeim, sem eru orðnir
16 ára og komast í svonefnda
garðavinnu hiá borginni,
auðvitað gegr.um klíku,
borgaðar 20.000 kronur á viku,
eða 100.000 krönur á mánuði.
Hulda Pálsdöttir hringdi:
Það er hræðilegt að sjá þessa
krakka í unglingavinnunni og
hvernig að þeim er búið. Þau
standa úti í hvernig veðri sem
er og púla. Drengurinn minn
vinnur t.d. við það að bera
skarna á til að undirbúa jarð-
veginn fyrir tyrfingu. Þetta
grey angar svo þegar hann
kemur heim, að hann er varla
húsum hæfur. Það eru þessir
unglingar sem halda við grænu
byltingunni hans Birgis ísleifs
og hvað fá þau fyrir? Varla
nokkurn hlut, 20.000 á mánuði.
Væri ekki nær að jafna þetta
svolítið? Mér finnst þetta alls
ekkert réttlæti. Svona lagað á
ekki að eiga sér stað. Ef
yfirvinnan væri tekin af
bessum krökkum bá væri hægt
að koma fleiri að, það væri
meira í áttina að því réttlæti
sem allir vilja, eða er ekki svo?
Aðbúnaðurinn er einnig
hræðilegur, eins og komið
hefur fram í blöðum. Þetta eru
unglingar 14 og 15 ára.
Þessir krakkar fá alltaf
einhverja fasta yfirvinnutíma á
degi hverjum. Hvers vegna er
ekki frekar tekið við fleiri
unglingum i stað þess að hafa
yfirvinnuna?
DB-mvnd Arni Páll.
Þessi m.vnd er tekin i Ileiömörkinni þar sem f jöldi stúlkna er i ungiingavinnu.
Jenetta Bárðardóttir, vinnur á
hóteli: Já, það er alveg
nauðsynlegt að muna það. Það
gæti komið sér illa ef maður hefði
það ekki handbært.
Spurning
dagsins
Manstu nafnnúmerið
þitt?
Haukur Jóhannsson verkamaður:
Nei, ég man það nú ekki, en ég
hef þetta nú hér einhvers staðar í
vasanum.
Ægir Geirdal Gíslason af-
greiðslumaður: Já, það er 9880-
9864. Það kemur svo oft fyrir að
maður þarf á því að halda og það
getur verið óþægilegt að þurfa
kannski að eltast við eitthvert
skírteini.
Olafur Laufdai þjónn: Að sjálf-
sögðu man ég það. Annað væri
mjög óþægilegt, maður þarf svo
oft á þessu að halda
Jónína Ólafsdóttir: Já, það er
5321-3278. Það er miklu betra að
'muna þetta heldur en að hafa það
á einhverju skírteini, sem maður
týnir svo.
Halldór Snorrason: Auðvitað, það
er 3600-1178. Maður kemst ekki
hjá því að læra þetta þegar maður
hefur þetta svona oft fyrir
augunum.