Dagblaðið - 07.07.1976, Blaðsíða 8

8
DAGBLAÐIÐ — MIÐVIKUDAGUR 7. JULl 1976
' Laxveiðarnar i sumar:
Kona úr Keflavík landaði
þeim stœrsta í sumar
Víðast hvar tregara nú en í fyrra
Laxveiðar eru nú stundaðar
af miklum krafti í öllum helztu
veiðiám landsins. Eitthvað
hefur verið kvartað yfir lélegri
veiði og laxakaupmenn hafa
barmað sér sáran yfir afla-
tregðu. DB hafði samband við
menn sem staddir voru við
nokkrar kunnustu árnar.
Veiðihúsið
v/Grímsó
Veiði þar hefur verið mjög
treg. Um 120 laxar eru komnir
á land. Þeir hafa verið allvænir
og mun sá stærsti vera 18 pund.
í ánni eru nú 10 stangir og þar
eru um þessar mundir ein-
göngu útlendingar. íslendingar
veiða þó eitthvað í henni.
Veiði hófst í Grímsá 20. júní.
Veiðihúsið
v/Norðurá í Borgarfirði
Veiði hefur þar verið mjög
V
góð og mjög svipað magn hefur
borizt á land og á sama tíma í
fyrra. Alls hafa veiðzt 480 laxar
og þar hafa 90 komið á land það
sem af er júlímánuði. Stærsti
laxinn, sem veiðzt hefur, var
tæplega 20 pund. Fiskurinn,
sem veiðimennirnir fá, er þræl-
lúsugur og bendir það til þess
að krökkt sé af laxi. Við
Norðurá er eingöngu veitt með
flugum en alls eru 12 stangir í
ánni.
Mjög rúmgott hús er við ána
og geta þar með góðu móti
dvalizt 30 manns.
Laxahvammur
í Miðfirði
Laxveiði hefur verið þar
fremur dræm. Þar hafa veiðzt
183 laxar frá því opnað var 5.
júní.
I Miðfjarðará er veitt á 9
stengur og þar er búið að selja
öll veiðileyfi fyrir sumarið.
Veiðihúsið
v/Hvító
Þar hefur verið ákaflega
lítil veiði síðan opnað var 20.
maí. Sá sem varð fyrir svörum,
Hannes Ölafsson, kvaðst hafa
fylgzt með laxveiðum í yfir 50
ár og myndi varla eftir lélegra
sumri. Hann sagði að það væri
athyglisvert hve smálaxinn
hefði komið snemma að þessu
sinni.
Veiðimenn við Hvítá höfðu
bundið einhverjar vonir við út-
fall í sambandi við Jónsmessu-
strauminn en ekki virtist ætla
að rætast úr.
Veiðihúsið
hjá Laxamýri
í S-Þingeyjarsýslu
Vigfús Jónsson bóndi þar
sagði að laxinn hefði komið
óvanalega seint. Það væri samt
búið að veiða hátt á þriðja
hundrað laxa. Stærstu laxarnir
hefðu náð 20 pundum.
5 stangir eru í ánni en Laxár-
félagið hefur hana á leigu.
Elliðaárnar
Þar er búið að veiða tæplega
tvö hundruð laxa en 450 höfðu
veiðzt á sama tíma í fyrra.
Laxar eru yfirleitt smáir í
Elliðaánum og töldu stangveiði-
menn að þar hefðu engir stór-
laxar vakið athygli í ár.
Elliðaárnar verða opnar fram
til 10. september.
Leirvogsá
Sú á var ekki opnuð fyrr en
1. júlí. Þar veiddust strax við
opnun 11 laxar. Hefur fram-
haldið einnig verið prýðilegt.
Stóra Laxá
Veiðin þar hefur verið
fremur dræm og stærstu laxar,
sem borizl hafa á land, verið 18
punda. I ánni eru 5 stangir en
Stangveiðifélag Reykjavíkur
hefur hana á leigu. Þar annast
félagsmenn um viðhald veiði-
húss.
Þverá í Borgarfirði
Fjölskyldan á Guðnabakka er
með annan helming árinnar en
útlendingar eru að mestu með
hinn. Ekki tókst að afla upplýs-
inga um hið síðarnefnda. Áin
var opnuð 11. júní.
Veiði hefur verið mjög góð í
Guðnabakkahelmingnum. Þar
hafa veiðzt 418 laxar á 6 stangir
en nýlega hefur verið bætt við
þeirri sjöundu. Stærsti laxinn,
sem veiðzt hefur, var 21 pund
og var það Lillý Steingríms-
dóttir úr Keflavík sem krækti í
hann. —BÁ
SkUH Pálsson bendir á staðinn þar sem leggja á hraunið, væntanlega
til mikiiiar prýði fyrir umhverfið.
Kópovogsbúar eygja gang-
stéttir við lóðir sínar
■r sjást fjórmenningar sem vinna við að ganga frá NvbýIaveginum-þa.iúig að hann verði eigi
ófegurri en göturnar í Reykjavík til dæmis.
..Gangstéttalagning hefst þegar
búið verður að ganga frá köntun-
um," sagði Ölafur Gunnarsson
bæjarverkfræðingur í Kópavogi,
en þar er nú verið að gera
mvndarlegt átak í gatnamálum.
Er fyrirhugaö að leggja slitlag
ofan á malbik á nokkrar af götun-
um sem eru farnar að gefa sig. Þá
er ætlunin að ganga frá köntun-
um og má víða sjá menn við kant-
steypingu. Loks fá þá Kópavogs-
búar langþráðar gangstéttir.
Frá nokkrum götum, svo sem
Borgarholtsbraut, verður alger-
lega gengið, til dæmis komið upp
götulýsingu.
Bæjarverkfræðingurinn benti
á að sums staðar væru reyndar
komnar heimtaugar í staura en
fyrirhugað væri að grafa þær í
jörð. Það er Rafmagnsveitan sem
greiðir fyrir raflýsingarnar.
Til gatnaframkvæmda var út-
hlutað 150 milljónum króna á nú-
verandi fjárhagsáætlun. Ólafur
benti hins vegar á að þær myndu
kosta meira þar sem kaupstaður-
inn ætti til dæmis þó nokkuð af
olíumöl til á lager og auk þess
fengjust væntanlega lán. Fyrir-
hugað er að malbika sumar götur
en leggja olíumöl á þær sem til
þess eru hæfar. Nokkrar af götun-
urn eru þannig á sig komnar að
ekki hefur verið byggt undir þær
og á þeim mæðir mikill umferðar-
þungi, þýðir þá ekki að hugsa um
olíumöl.
Nokkur atriði réðu því að
ákveðið var að ráðast i þessar
framkvæmdir í sumar og má þar
nefna atvinnuleysi hjá skólanem-
endum. Eru það mest unglingar
sem vinna við að ganga frá könt-
unum. 3 verktakar annast aðal-
lega um framkvæmdir, eru það
Miðfell, Hlaðbær og Véltækni.
Á horni Hlaðbrekku og Nýbýla-
vegar er verið að undirbúa lagn-
' ingu á þökum í kantinn. Var verið
að bera mold í kantinn þannig að
þökurnar greru sem bezt.
Loftur Þorkelsson er þar með
4ra manna sveit sem er að
„plægja jarðveginn". Sagði hann
að þarna yrði lagður V4 km af
þökum í vegarkantinn, einnig
væri fyrirhugað að leggja gang-
stíga niður brekkurnar fyrir ofan
Nýbýlaveginn. Þá væri hug-
myndin sú að gagnstétt kæmi
fyrir ofan þökurnar. Ætti þetta að
fyrirbyggja að menn væru að
ganga nokkuð á umferðargötunni.
Loftur er nýkominn aftur til
starfa hjá Kópavogskaupstað eftir
10 ár.
í>orsteinn Valur var að hamast
þarna í kantinum með skóflu,
enda benti hann á að ekki veitti af
þar sem þarna yrðu lagðir 30000
fermetrar af þökum. Þorsteinn
sagði okkur að þarna ætti að
reyna að fegra svolítið umhverfið,
þar sem hraun yrði lagt á milli
akreinanna tveggja.
—BÁ