Dagblaðið - 07.07.1976, Blaðsíða 14

14
DACBLAÐJÐ — MIÐVIKUDACUK 7. JULl 1976
wilma
ER KOMIN í BÆINN
Það eru ekki margir
skemmtikraftar sem ís-
lendingar fagna meö því aö risa
úr sætum. Það geröist þegar
Wilma Reading kom fram, eins
og í Glæsibæ sl. sunnudags-
kvöld, þar sem troðfullur salur
fólks ,,lá kylliflatur“ fyrir
Wilmu, Steve Hill og Galdra-
körlum.

Wilma Keading á svo sannar-
lega skilið að henni sé fagnað
með því að rísa úr sætum og
lyfta glösum. Skemmtikraftar
eins og Wilma eru nefnilega
ekki á hverju strái. Já, drengir,
Wilma er komin i bæinn.
En hún er farin aftur, því nú
í vikunni fer hún út um land og
skemmtir á Sv- og Vesturlandi
áður en hún heldur víðar og
siðar fer hún í laxveiðar norður
í land.
Á sunnudaginn mun Wilma
að öllum líkindum skemmta
aftur í Glæsibæ, en þar tók
Árni Páll Jóhannsson ljós-
myndari DB þessa mynd sl.
sunnudagskvöld.
-ÓV
UTRAS FRA HELUSSANDI
HEIMSÆKIR HRÍSEYINGA
VKH á Hellissandi sendi
poppsíðunni eftirfarandi
bréf:
Sökum fyrirmæla ykkar til
fólks úti á landsbyggðinni um
að láta í sér heyra eitthvað um
hljómsveitir og tónlistarlff úti á
landi sendi ég ykkur eftirfar-
andi kynningu á upprennandi
hljómsveit frá Hellissandi, —
hljómsveitinni Útrás.
Útrás var stofnuð hér um
árið eftir að hljómsveitin Nú
Jæja gaf upp öndina (blessuð
sé minning hennar). Hana
skipa fimm galvaskir strákar,
sem allir eru frá Hellissandi
utan bassaleikarinn sem kemur
frá Ölafsvík. Útrás hefur leikið
á flestum dansleikjum á liðinni
vertið og gert mikla lukku
meðal Snæfellinga og annarra.
Tónlistin sem Útrás flytur er
úr öllum áttum, jafnt fyrir
unga sem aldna. Inn á milli er
svo skotið frumsömdum lögum
sem hafa hlotið góðar viðtökur
þeirra sem heyrt hafa. — Þess
má einnig geta að ýmsir aðilar
hafa sýnt þessum lögum
mikinn áhuga. Þvi er ekki laust
við að sá grunur læðist að
manni að sum þeirra eigi eftir
að birtast á skffu einhvern tíma
í framtíðinni.
Hljómsveitina Utrás skipa
eftirtaldir fimm rnenn: Ægir
Þórðarson, gítar og röddun; •
Sigurður Egilsson, bassi,
röddun; Eggert Þór
Sveinbjörnsson trommuleikari;
Pálmi B. Almarsson söngvari
og gitarleikari og Benedikt
Jónsson, hljómborð og röddun.
Sökum mikilla vinsælda
meðal vertíðarfólks norðan af
landi hefur hljómsveitin Útrás
nú ákveðið að leggja land undir
fót og heimsækja aðdáendurna
fyrir norðan. Fyrsti dansleikur
Útrásar verður nú á föstu-
daginn í Ljósvetningabúð. Á
laugardaginn verður Húsavik
heimsótt og á sunnudaginn 11.
júlí leikur hljómsveitin f Hrís-
ey, sem hiklaust má telja
einsdæmi i islenzka
popplífinu.
VKH
Gunnlaugur Melsteð
endurreisir Hauka
— en hverjir eru nýju meðlimirnir?
Gunnlaugur Melsteð bassa-
Ieikari og söngvari Hauka
hefur haft hljótt um sig undan-
farna daga eftir að ljóst varð að
ekki yrði úr því að hann
stofnaði hljómsveit með
Magnúsi Kjartanssyni eða
gengi í Fresh. DB ræddi við
hann nú i vikunni og spurðist
fyrir um framtíðaráætlanir
hans.
„Maður er alltaf að pæla,“
sagði Gunnlaugur. „Annars hef
ég ákveðið að endurreisa
Haukana með þremur nýjum
mönnum. Ég vil ekkert vera að
gefa það upp hverjir það eru
fyrr en við byrjum að spila."
Nýju Haukarnir koma fyrst
fram í Árnesi um verzlunar-
mannahelgina. Þar leika þeir í
þrjá daga ásamt annarri hljóm-
sveit. Síðan verður tekið frí frá
dansleikjahaldi og farið að
vinna að plötunni, sem átti að
taka upp um það leyti sem
Haukar leystust upp f sumar.
„Annars ætlum við að taka
það rólega við
spilamennskuna,“ sagði Gunn-
laugur. „Við komum til með að
spila tvö kvöld í viku og þá sem
mest úti á landi. Það er ekkert
upp úr því að hafa að vera að
gutla þetta í Reykjavík."
DB reyndi enn að fá upp úr
Gunnlaugi hverjir nýju Hauka-
meðlimirnir væru. Hann
varðist hins vegar eins og hetja
og gaf það eitt upp að þetta
væru allt þekktir menn í popp-
inu. Þá geta lesendur reynt að
reikna út hverjir af þekktum
poppurum eru ekki í starfi um
þessar mundir.
-ÁT-
Mál málanna í hnotskurn:
••
AF VOLUNDIHINUM VOÐALEGA
— og óvinum h ans, Heródesi og Amon Ra
Völundarmálið svokallaða,
— það er lesendabréf um
hljómsveitina Völund og öll
skrifin sem hafa orðið í fram-
haldi af þvl, — virðist hafa
vakið töluverða eftirtekt, svo
mikla að samvizka þjóðar-
innar, Páll Heiðar Jónsson,
gerði Völundarmálið að
umræðuefni í þætti sínum,.
Hvernig var vikan?, á síðasta
sunnudegi.
1 þeim þætti kom annars
fram að viðmælendur Páls
Heiðars þekktu hvorki haus né
sporð á þessu máli. Þeim og
öðrum til glöggvunar, sem hafa
mi:;st af þessum ritdeilum,
kemur hér smá úrdráttur um
þessa skemmtilegu deilu.
Forleikur
Upphaf Völundarmálsins má
rekja allt aftur til 19. maí
síðastliðins. Þá ritaði Helgi
Pétursson grein á poppsíð-
una sem nefndist Austfirðingar
til Færeyja. Eftir stuttar
harmatölur um að reykvískir
poppskrifarar frétti sjaldan af
hljómsveitum utan af landi var
frá því greint að Egilsstaða,
hljómsveitin Völundur hygðí
á Færeyjaferð i lok júní. Aður
en af þeirri ferð yrði, áformaði
hljómsveitin að hljóðrita þrjú
lög fyrir Tónaútgáfuna á Akur-
eyri.
1. þáttur
Upphaf 1. þáttar hefst föstu-
daginn 4. júní. Þá birtir popp-
síðan áskorun til allra penna-
færra landsbyggðarmanna um
að segja frá hljómsveitum í
næsta nágrenni þeirra. Fyrstur
til að verða við þeirri áskorun
var Björn Jóhannsson Aust-
firðingur. Bréf hans „Völundur
á ekki hrósið skilið1' birtist 16.
júní, og er það mjög harðort í
garð meðlima Völundar.
Meðal annars telur Björn
Völundarmenn upp og lætur
tónlistarhæfileika þeirra getið.
Höfuðpaurinn Bjarni er
kolómögulegur við að nota
bassatrommuna, Friðrik gítar-
leikari getur ekki sólað á
Fendergítarinn sinn, sem
vantar annan pickupinn á, Jón
bassaleikari er alltaf með
óþarfabreik, en — merkilegt
nokk — Jón rythmaleikari er
ekki sem verstur.. .
Þá segir Björn Jóhannsson
nokkuð frá lagavali Völundar.
Það virðist að mestu leyti vera
byggt upp á plötunni Manna-
korn, sem hljómsveit Pálma
Gunnarssonar sendi á markað-
inn í vetur. Ekki er það þó
skammlaust, þvi að Jökulsár-
hliðargaurinn í Völundi er
sífellt að ýta á falskar nótur.
Björn klykkti siðan út með
því að lofa að segja frá hljóm-
sveitinni Heródesi siðar. Hún
standi Völundi framar á öllum
sviðum.
2. þáttur
Þann 23. júní birtist bréf frá
þeim Sigurbjörgu Hjaltadóttur
og Heiðu Óskarsdóttur frá
Reyðarfirði. Þær eru ekki í
nokkrum vafa um, að skrif
Björns Jóhannssonar séu
sprottin af einskærri öfund.
Engin óþarfa breik séu í lögum
Völundar og söngurinn sé með
því bezta sem á Austurlandi
heyrist.
Reyðarfjarðarstúlkurnar
telja að beztu meðmæli, sem
Völundur geti fengið, sé
aðsóknin á dansleiki þeirra. Að
lokum kasta þær að sjálfsögðu
skít í Hcródes aumingjann og
spyrja hve langt sé þangað til
hann komist af Mpíu- og pela-
stiginu Meðlimi llerodesar
segja þær svo afspyrnu lélega,
að þó að lögin sem þeir flytja
séu ágæt með upprunalegu
flytjendunum þá séu þau svo
léleg eftir að hafa farið í gegn-
um hendurnar á Heródesi að
þau séu nær óþekkjanleg.
Tvær vinkonur af Héraðinu
taka í sama streng og snótirnar
frá Reyðarfirði. Þeim finnst
Björn Jóhannsson vera vondur
maður og hann geti ekki haft
neitt vit á tónlist fyrst hann
kunni ekki að meta Völund.
Til marks um gæði Völundar
nefna þær sem dæmi, að fyrir
nokkru var sunnlenzk hljóm-
sveit á ferð fyrir austan.
Nokkur lög á prógrammi
hennar voru þau sömu og Völ-
undar og að sjálfsögðu stóðust
þau engan samanburð. Annað
og mun alvarlegra fundu stöll-
urnar í fari Sunnlendinganna:
Þeir voru svo skelfilega fullir á
sviðinu.
3. þáttur
Þann 30. júní birtist greinin:
„Svo kemur Heródes eins og
okkur var lofað," undirrituð af
SS. Þar er talin upp hljóðfæra-
skipan Heródesar og meðlimir
tíundaðir. I lok bréfsins óskar
SS Heródesi gæfu og gengis í
framtíðinni og vonar að hljóm-
sveitin starfi sem lengst.
Þennan sama dag blandar
Gunnlaugur Ólafsson sér í deil-
una og segir Birni Jóhannssyni
óspart til syndanna. Hann leið-
réttir ýmsar rangfærslur í bréfi
Björns og telur þær vera
sprottnar af því að Björn sé
Fáskrúðsfirðingur. Gunn-
laugur endar sitt málefnalega
bréf með þvi að benda Birni á
að hann skuli hætta að ljúga
upp á Völund.Hann eigi frekar
að minnast þess þegar
Völundarmenn lánuðu honum
nýja bassamagnarann sinn og
boxið í vetur. þegar Birni bráð-
láá.
4. þóttur
(og sd síðasti í bili)
Á fyrstu poppsíðu júlí-
mánaðar birtust tvö bréf, —
annað frá Reyðarfirði og hitt
frá • Fáskrúðsfirði. Reyð-
firðingurinn gefur skít í báðar
hljómsveitirnar, sem fyrr hafa
verið nefndar, en heidur fram
að hljómsveitin Amon Ra sé ein
sú bezta á Fróni.
Eftir að hafa dásamað Amon
Ra getur bréfritari ekki stillt
sig um að blanda sér í
Heródesar/Völundardeilurnar.
Segir hann að hvorug eigi skilið
að kallast hljómsveit. Þó sé
Völundur skömminni skárri en
Heródes. Völundarmenn geti
þó stillt hljóðfæri sín skamm-
laust saman. Reyðfirðingurinn
óskar Völundi góðrar ferðar tjl
Færeyja, en vonar í leiðinni, að
hljómsveitin eigi aldrei eftir að
koma til Reykjavíkur, því að þá
myndu poppskrifarar fá að
heyra allan ósómann.
Fáskrúðsfirðingurinn bvg
heldur uppi merki hljóm-
sveitarinnar Heródesar og segir
Reyðfirðinga og Héraðsmenn
andlega vanskapaða fyrst þeir
taki grúppur eins ogVölund og
Amon Ra fram yfir Heródes.
Þar eru að hans sögn flinkir
menn á ferð, sem spila enga
Lónlí blú bois músík, heldur
þunga tónlist sem vonlaust sé
að troða inn í hausinn á öðrum
en Fáskrúðsfirðingum. Greini-
legt er að hljófæraleikararnir
eru á toppmælikvarða, því að
söngurinn er betri en góður,
bassaleikarinn er sá 13. bezti á
landinu og trommarinn kann að
nota bassatrommuna.
Hér hefur Völundarmálið
svokallaða verið rakið fram að
deginum í dag. Því er þó örugg-
lega ekki lokið, en héðan í frá
ættu allir að geta fylgzt með. —
Missið ekki af næstu bréfum, ef
þið viijið vita allt um Völundar-
málið! Völundarmálið er mál
málanna á meðan Geirfinns-
málið er í sumarfríi! -ÁT