Dagblaðið - 23.06.1980, Blaðsíða 7
DAGBLAÐIÐ. MÁNUDAGUR 23. JÚNÍ 1980.
7
Er skrefatalningin eitthvað til að óttast:
Skrefatalning kemur
ekki á þessu ári
— þarf ekki að þýða
hærri símreikn-
inga, segir póst-
og símamálastjóri
Útbúnaður sá sem notaður mun
verða til þess að mæla tímalengd sim-
tala i Reykjavík er væntanlegur
hingað til lands í haust. Fram-
kvæmdum þessum hefur verið
frestað til næsta árs vegna niður-
skurðar á framkvæmdum Pósts og
sima. Útbúnaðurinn mun kosta um
70 milljónir króna með aðflutnings-
gjöldum. Að beiðni þáverandi
samgönguráðherra, Ragnars Arnalds
barst bréf til Póst og símamálastjór-
ans i Reykjavik á sl. ári þess efnis að
pantaður yrði til landsins útbúnaður
til að skrefatalning gæti hafi/t á
Reykjavíkursvæðinu á þessu ári.
í fyrstu var áætlað að þessi út-
búnaður yrði mun dýrari en raun bar
vitni. Lægsta tilboði var tekið sem
hljóðaði upp á 30 milljónir króna en
með aðflutningsgjöldum fer sú upp-
hæð upp i um 70 milljónir.
í fjárlögum ársins í ár er gert ráð
fyrir að 100 milljónir króna fari i
Karlsson- talninguna- eða skrefataln-
ingu. Á síðustu vikum hefur orðið
vart hræðslu meðal almennings
vegna þessarar breytingar Pósts og
síma, en þarf nokkuð að óttast
skrefatalningina?
„Það sem er höfuðatriðið er að
jafna á símgjöld niður á alla lands-
menn. Það má benda á að ef þessi
aðferð hefði ekki til komið, hefði
orðið að hækka skrefagjöldin það
mikið að þau yrðu nefskattur. Ráð-
herra á eftir að taka ákvörðun um
hvenær skrefatalningin verður sett á
og hvernig hún verður notuð,” sagði
Jón Skúlason póst og símamálastjóri
i samtali við DB, aðspurður um þessa
breytingu.
„Við höfum bent á þann valkost
að skrefateljarinn verði aðeins yftr
daginn. Á kvöldin verði hann tekinn
af og talningareiningar þvi ómældar.
Þá geti þeir sem vilja, talað lengi í
símann fyrir eitt skrefgjald. Það má
líka benda á að ef fólk hringir mörg
stutt símtöl, þá ætti símreikningurinn
ekkert að hækka við þessa breyt-
ingu,” sagði Jón.
,,Ef að þingsályktunartillaga frá
1974 um jöfnun simgjalda á að takast
bókstaflega og jöfnunin að vera
algjör þýðir. það að íþyngja þarf
ibúum Reykjavíkur um 1000 milljón-
ir og þær eiga að ganga til að lækka
simtöl á langlínukerfinu. Póstur og
simi mun hins vegar ekki hafa neinar
tekjur al' þessari breytingu. I Noregi
er það þannig að skrefateljarinn er á
á daginn, en síminn gefinn frjáls á
kvöldin innanbæjar. Þar er skrefa-
tíminn 3 mínútur. Skrefagjaldið þar
er um 60 krónur, en hérna er það
rúmar 30 krónur.”
— Nú er mikið rætt um það manna
á mcðal að það muni vera dýrt að
biða eftir ákveðnum manni í
símanum, eins og oft viil verða í
opinberum stofnunum. Kemur
skrefatalningm ekki illa niður á þessu
fólki?
„Það er nú ósiður að láta fólk
bíða í símanum í lengri tím.j eftir ein-
hverri ákveðinni persónu. Fólk ætti
að geta látið skrá niður skilaboð um
að biðja viðkomandi mann að vera
við á vissum tíma, og hringja þá.
Annars eiga menn að láta símastúlk-
urnar vita ef þeir skreppa frá eða eru
uppteknir. Mér finnst að við ættum
að geta vanið okkur af þessum ósið .
Eg held að það þekkist hvergi annars
slaðar, að fólk sé látið bíða lengi í
símanum eftir einhverri ákveðinni
persónu.
Þingmenn allra flokka hafa sam-
þykkt þessa breytingu á símanum og
við hér förum eftir þeim skipunum.
Við höfum enga heimild til að breyla
þeim. Okkur hefur verið skipað að
draga saman framkvæmdir og það
mun koma niður á ýmsurn stöðum
með símaskorti. Skrefatalningin er
pólitískt atriði, stofnunin bendir
aðeins á valkosti,” sagði Jón Skúla-
son póst og símamálastjóri.
-KI.A.
Búnaðarbankamótið:
Friðrik
vann
Friðrik Ólafsson stórmeistari bar
sigur úr býtum í geysilega sterku hrað-
skákmóti sem haldið var í Búnaðar-
bankanum á laugardaginn. Mótið var
haldið í tilefni af hálfrar aldar afmæli
bankans. Flestir okkar sterkustu skák-
menn tóku þátt í því og voru tefldar 15
umferðir. Friðrik náði 12 vinningum.
Næstur á eftir honum kom Helgi
Ólafsson með 11 1/2, þá Jóhann
Hjartarsson með 11 Guðmundur
Sigurjónsson varð i 4 sæti með 10 1/2
'inning og Jón I . Árnason varð
fimmti með 10 vinninga.
-DS.
Franska
Vonin í
Reykjavík
— almenningi til
sýnis á morgun
og hinn
Hafrannsóknaskip franska flotans,
„L’Esperance”, hefur-’-. viðkomu i
Reykjavík frá þvi i dag og þangað til á
fimmtudag 26. júni. Skipið liggur í
Reykjavíkurhöfn og verður almenningi
til sýnis á morgun og miðvikudag.
L’Esperance (Vonin) er 65 metra
langt skip, 10 metra breitt og ristir 5.8
metra. Fimmtiu og átta manns eru um
borð.
Vonin verður við hafrannsóknir i
sumar á NA-Atlantshafi og i Noregs-
hafi.
Meðan skipverjar staldra við hér-
lendis leika þeir knattspyrnu við
islenzkt lið. Sá leikur verður á Vals-
vellinum kl. 18 á miðvikudaginn.
ÓV.
Steingrímur
til Færeyja
Steingrimur Hermannsson sjávarút-
vegsráðherra fer í opinbera heimsókn.
til Færeyja á miðvikudaginn i boði
Héðins M. Klein, sjávarútvegsráðherra
Færeyinga. Stendur heimsóknin fram á
laugardag.
Steingrímur mun kynna sér sjávarút-
veg Færeyinga og eiga viðræður við
landsstjórnina um fiskveiðiréttindi,
veiðar, vinnslu og sölu sjávarafurða.
Jón L. Arnalds ráðuneytisstjóri verður
með í förinni og konur beggja.
Samvinnubankinn
og útibú um land allt.
Ferðalán
-lcttari greiðslubyrði!
Sýndu fvrirhvggiu i fiármálum og vertu meðí Spariveltunni.
Ef þú ert einn hinna mörgu, sem láta
sig dreyma um ferðalag í sumarleyfinu,
þá ættirðu að kynna þér hvað
Sparivelta Samvinnubankans
getur gert til að láta draum m
þinn rætast. Það er engin ástæða
til að láta fjárhagsáhyggjur spilla ánægj-
unni af annars skemmtilegu ferðalagi.
Hagnýttu þér þá augljósu kosti, sem
Sparivelta Samvinnubankans hefur fram
að bjóða.
Með þátttöku í Spariveltunni getur þú
létt þér greiðslubyrðina verulega og notið
ferðarinnar fullkomlega og áhyggjulaust.
Þátttaka í Spariveltunni er sjálfsögð
ráðstöfun til að mæta vaxandi greiðslu-
byrði í hvaða mynd sem er, um
leið og markviss sparnaður
stuðlar að aðhaldi og ráð-
deildarsemi í fjármálum.
Komdu við í bankanum og fáðu þér
eintak af nýja upplýsingabæklingnum
um Spariveltuna, sem liggur frammi í
öllum afgreiðslum bankans.
Vertu með í Spariveltunni
og lánið er ekki langt undan!