Helgarpósturinn - 04.05.1995, Blaðsíða 4
FIM M T u DAG U FT47 Ivl AI 1995
Island
MEIRA
HANDAPAT!
„Þegarég flutti hingað
fyrir níu árum síðan fannst
mér mikið hreyfingarleysi
einkenna (slendinga. Það
fór enginn í eróbikk eða að
lyfta I tækjasölum eða
álíka, það þótti bara alveg
út í hött. Fólk fór í mesta .
lagi í sund eða út að labba.
Það hafa hins vegar orðið
miklar breytingar á þessu
og fólk sem hefur jafnvel
enga þjálfun er farið að
stunda þetta og læra.
(slendingar tjá sig líka
mjög lítið með líkamanum
og eru afskaplega stífir -
nema helst þegar þeir eru
komnir í glas. Eg er vön því
að fólk tjái sig með öllum
líkamanum og noti mikið
handapat og augnagotur
til að leggja áherslu á orð
sín en hérna hefur fólk
hendurnar helst undir
borði. Þetta er mjög skrítið
fyrir mig og ég var einhvern
tímann að reyna að draga
úr handapatinu sjálf en ég
bara gat það ekki.
Ég er ættuð frá Kúbu og
þar er rytminn okkur í blóð
borinn og við dönsum
mjög mikið og mjaðmirnar
eru á fleygiferð. Hérna
vantar mikið upp á að fólk
hafi rytma og mjaðma-
hreyfingarnar eru í lág-
marki, það vantar miklu
meira líf í dansinn, meiri til-
finningu. Þetta er samt alls
ekki vonlaust og er allt að
lagast, yngri kynslóðin virð-
ist vera öll að koma til
hvað þetta varðar. En
svona almennt séð þá eru
(slendingar einfaldlega allt
of stífir í öllum sínum hreyf-
ingum — altént á meðan
þeireru edrú."
DEBORAH BLYDEN
ISLAND ER SKRIFAÐ AF HRING-
BORDI FÓLKS SEM Á RÆTUR SfN-
AR AÐ REKJA TIL ÚTLANDA EN
BÝR HÉR Á LANDI.
Miklar væringar hafa verið meðal æðstu manna innan Stórstúku fslands að undanförnu og
um síðustu helgi sagði Sigurður B. Stefánsson, stórkapelán með meiru, skilið við Stórstúkuna.
Fleiri framámenn Stórstúkunnar munu vera í þann mund að segja sig úr félagskapnum
Sigurður B. Stefánsson sagði sig
formlega úr Stórstúku íslands
um síðustu helgi vegna langvar-
andi og djúpstæðs ágreinings
við aðra stjórnarmenn Stórstúk-
unnar. Sigurður gegndi embætti
stórkapeláns í Stórstúkunni og
umdæmistemplara í Kópavogi,
auk þess sem hann var mótstjóri
bindindismótsins í Galtalæk og
formaður sumarheimilis templ-
ara. Sigurður er aðeins 27 ára
gamall og því með yngstu mönn-
um í forystusveit templara hér á
landi og er ljóst að hér er um
mikla blóðtöku að ræða fyrir
hreyfinguna, sem hefur átt í sí-
vaxandi erfiðleikum með að ná
til sín ungu fólki á undanförnum
árum.
„Það er alveg rétt að það hefur
verið alltof lítil endurnýjun inn-
an Stórstúkunnar og félögum
hefur frekar farið fækkandi en
hitt,“ sagði Sigurður í samtali við
blaðamann PÓSTSINS. „Það er
meðal annars þess vegna sem ég
ákvað að stíga þetta skref. Það
hefur algjör stöðnun ríkt innan
vébanda þessarar hreyfingar í
mörg ár og menn hafa þverskall-
ast við að bregðast við breyttum
tímum og aðstæðum alltof
lengi.“
Að sögn Sigurðar hefur hann
lengi reynt að koma á nútíma-
legri stjórnunarháttum innan
Stórstúkunnar, en þær breyting-
ar sem hann hafi viljað sjá hafi
aldrei fengist í gegn.
IHALD$SEMIIU HREK-
URFRA
„Það er alveg ljóst að þegar
menn rígbinda sig í starfshætti
sem tíðkuðust fyrir tuttugu árum
og neita að horfast í augu við
það sem er að gerast í kringum
sig, þá verður ekki sú endurnýj-
un sem æskileg er innan hreyf-
ingar sem þessarar. Til að ná til
ungs fólks í dag verður að
stunda öfluga kynningarstarf-
semi út á við í takt við tímann, og
flest félagasamtök önnur hafa
gert sér grein fyrir því,“ segir Sig-
urður.
Samkvæmt heimildum PÓSTS-
INS er það fyrst og fremst Hilmar
Jónsson, umdæmistemplar í
Keflavík, sem hefur staðið í vegi
fyrir því að hugmyndum Sigurð-
ar verði hrint í framkvæmd, en
hann hefur verið áhrifamikill inn-
an Stórstúkunnar um áratuga
skeið. Yngri menn í bindindis-
hreyfingunni eru ekki alls kostar
ánægðir með stefnu Hilmars og
munu fleiri en Sigurður hugsa
sér til hreyfings. Meðal þeirra
sem ráðgera úrsögn er Jóhann
Jónsson, sem til margra ára hefur
stjórnað framkvæmd bindindis-
mótsins í Galtalæk ásamt Sig-
urði. „Bindindismótið hefur allt-
af gengið vel og má eiginlega
segja að það sé það eina sem
gengur vel innan þessarar hreyf-
ingar,“ segir Jóhann. „Ég á marg-
ar góðar minningar úr starfi
mínu með og fyrir Stórstúkuna,
en ég neita því ekki að ég sé mér
vart stætt á því lengur að starfa
áfram að þessu að öllu
óbreyttu."
Stórstúka íslands er með auðugri félögum á landinu þrátt fyrir stöðuga fækkun meðlima á
síðustu árum.
Sigurður B. Stefánsson, fyrr-
verandi stórkapelán í Stór-
stúku íslands, sagði sig úr
Stórstúkunni vegna íhalds-
semi eldri stjórnarmanna.
AUDUG SAMTOK
Stórstúkan er með auðugri fé-
lögum á landinu og hafa oft
heyrst gagnrýnisraddir bæði
innan hennar og utan um þessa
auðsöfnun stúkunnar. „Víst eru
þetta auðug samtök en það er í
sjálfu sér ekkert athugavert við
fjármálastjórnina," segir Sigurð-
ur. „Það sem ég er ósáttur við er
að það skuli ekki vera varið
meira fé til að byggja upp hreyf-
inguna og endurnýja hana. Þetta
er ekkert sem er að gerast allt í
einu, ég hef lengi verið að berj-
ast fyrir þessu. Þetta er auðvitað
að vissu leyti uppgjöf af minni
hálfu, en mér þykir fullsýnt að ég
nái ekki fram þeim breytingum
sem mér finnst nauðsynlegar til
að þessi hreyfing þjóni þeim til-
gangi sem henni er ætlaður. Ég
vona bara að séra Björn Jónsson
stórtemplar beri gæfu til þess að
taka á þessu og breyta því sem
breyta þarf,“ sagði Sigurður að
lokum.
Séra Björn vildi ekkert tjá sig
um deilurnar og sömu sögu er að
segja af Hilmari Jónssyni. æöj
Framsalsbeiðni á Tryggva Bjarna
Engin suör frá Portúgal
Enn er beðið eftir svari frá
Portúgal vegna framsalsbeiðni
íslenskra stjórnvalda á Tryggva
Bjarna Kristinsson. Dómsmála-
ráðuneytið sendi á dögunum
fyrirspurn til Interpol um hvar
málið væri statt en fékk fátækleg
svör. Því sendi ráðuneytið nú
fyrirspurn til utanríkisráðuneyt-
isins en þaðan hafa engin svör
borist.
Framsalsbeiðnin var send
héðan þann 14. febrúar og
stjórnvöld í Portúgal gáfu sér 50
til 80 daga til að fara yfir málið.
Nú eru 78 dagar liðnir og ekki er
einu sinni vitað hvar málið er
statt.
Þessi beiðni hefur verið afar
lengi að velkjast í kerfinu eða frá
því á síðasta ári. Meðal annars
voru gögn send fram og til baka
innanlands, beðið um endur-
nýjaðar beiðnir og þýðingar svo
eitthvað sé nefnt.
Málið ætlar svo enn að tefjast
í Portúgal, umfram það sem eðli-
Iegt má telja.
Tryggvi Bjarni átti að sitja í
gæsluvarðhaldi í Portúgal út
febrúar en óvíst er hvar hann er
staddur nú. Yfirvöld þar í landi
höfðu þó fullvissað stjórnvöld
um að hann yrði í þeirra vörslu
þar til framsalsbeiðnin hefði
verið afgreidd.
Framsalsbeiðnin er tilkomin
vegna hasssmygls í haust þegar
tveir Bretar og þrír íslendingar
voru hnepptir í gæsluvarðhald.
Talið var fullvíst að Tryggvi
Bjarni hefði útvegað þessum
hóp fíkniefni frá Spáni um langt
skeið en hann hefur lengi verið
búsettur þar.
Sakaferill Tryggva Bjarna er
æði skrautlegur. Hann hefur 15
sinnum verið dæmdur til fanga-
vistar samtals í 7 ár, hann hefur
21 dómsátt á bakinu auk þess
sem hann hefur í þrígang verið
sviptur ökuleyfisréttindum ævi-
langt.
Tryggvi Bjarni hefur 18 sinn-
um gengist undir sátt fyrir fíkni-
efnabrot og í tvígang var hann
dæmdur fyrir fíkniefnamisferli,
60 daga fangelsi í hvort skipti.
Tíu sinnum hefur hann verið
dæmdur fyrir auðgunarbrot ým-
iss konar, skjalafals, þjófnað og
fíkniefnabrot, samtals í 69 mán-
aða fangelsi. Þá hefur hann sex
sinnum hlotið dóm fyrir ölv-
unarakstur og tvisvar fyrir rétt-
indalausan akstur.
Auk þess hefur hann að
minnsta kosti tvisvar verið
dæmdur ytra, einu sinni á Spáni
og einu sinni í Portúgal. Síðast-
liðið sumar var hann dæmdur
fyrir hrottalega árás á fyrrum
eiginkonu sína á Spáni og síðan
fyrir fíkniefnamisferli í Portúgal í
desember. ■