Helgarpósturinn - 09.05.1996, Side 23
FIMMTUDAGUR 9. MAÍ1996
23
Eftir margra mánaöa undirbúning hillir nú loks undir
langþráö íslandsmót knattspyrnumanna. Gísli
Þorsteinsson átti af því tilefni oröastaö viö
Skagamanninn Bjarka Pétursson og KR-inginn Guðmund
Benediktsson um væntanlegt íslandsmót, stööu liöa sem
taka þátt, ásigkomuiagíslenskrar knattspyrnu og auövitaö
leynda drauma um að komastí atvinnumennsku...
Hvor þeirra
verður meistari?
*
Ilok þessa mánaðar
hefst íslandsmótið í
knattspyrnu. Knatt-
spyrnulið eru því þessa
dagana í óðaönn að
reka endahnútinn á
langan og strangan und-
irbúning sem staðið hef-
ur hjá þeim flestum í
rúmlega hálft ár. í sain-
tali HP við tvo af fær-
ustu knattspyrnumönn-
um okkar af yngri kyn-
slóðinni, framheijana
Bjarka Pétursson Skaga-
mann og Guðmund
Benediktsson KR-ing,
kemur glögglega fram
að þá klæjar í íærnar
eftir að mótið heQist. Ef
spár þeirra sem best til
þekkja rætast munu
þeir tveir beijast um
hvor hampar íslands-
meistaratitlinum í lok
mótsins.
Blaðamanni leikur forvitni á
að vita í byrjun viðtals hvar
Guðmundur hafi leikið áður en
hann fór í KR. „Ég lék flesta
yngri flokkana með Þór á Akur-
eyri — fyrir utan eitt tímabil
með Fram. Þegar ég var 16 ára
gerðist ég síðan atvinnumaður
með Ekeren í Belgíu. Þar
dvaldi ég í þrjú ár, en spilaði
því miður lítið vegna þrálátra
meiðsla," segir Guðmundur.
Aðspurður segist Bjarki hafa
komið víða við á sínum ferli.
Hann steig sín fyrstu skref í
meistaraflokki með Skaga-
mönnum, en lék svo um skeið
með KR. Þaðan lá leiðin norður
á Sauðárkrók þar sem hann
spilaði með Tindastóli."
Hvað kom til að þú Fórst
norður?
„Það má segja að ég hafi far-
ið norður að áeggjan bróður
míns, Péturs, sem þjálfaði liðið
á sínum tíma. Ég staldraði aft-
ur á móti stutt við og hóf ári
síðar að leika með KR. Síðan lá
leiðin aftur upp á Skaga.“
En af hverju varstu ekki
áfram í KR?
„Það eru nú ýmsar ástæður
sem liggja þar að baki; ástæð-
ur sem ég er ekki tilbúinn að
tjá mig um.“
Skaginn og KR
munu berjast um titilinn
Nú ert þú, Guðmundur, að
hefja þitt annað tímabil
með KR. Er ekki erfitt að
vera í liði sem virðist fyrir-
munað að verða íslands-
meistari?
„Við höfum nú unnið bikar-
keppnina tvö ár í röð, en fram
að þeim tíma voru jú einhver
vandkvæði hjá KR að vinna
titla. Það er vonandi að Kóli
(Lúkas Kostic) geti stjórnað
okkur til sigurs í sumar. Liðið
hefur að vísu tekið breyting-
um frá því á síðasta tímabili —
við misstum meðal annars
Mihajlo Bibercic, Heimi
Porca, Daða Dervic og Steinar
Adólfssson. í staðinn höfum
við hins vegar fengið Ríkharð
Daðason og Valdimar
Kristófersson svo dæmi séu
tekin. Liðið þarf því einhvern
tíma til að ná saman.“
Skagamenn hafa að sama
skapi orðið fyrir blóðtöku...
Bjarki: „Það er rétt. Við
misstum til dæmis Sigurð
Jónsson, sem fór til Svíþjóðar
— en rændum svo Steinari og
Bibercic frá KR. Þá eru nokkrir
efnilegir strákar að byrja að
leika með meistaraflokki. Þeir
munu sjálfsagt láta kveða mik-
ið að sér í sumar.“
Viltu nefna einhver nöfn?
„Hugsanlega eiga Bjarni
Guðjónsson Þórðarsonar og
Jóhannes Harðarson Jóhann-
essonar eftir að vekja athygli
— enda eru þar mikil efni á
ferðinni."
Skagamenn hafa nú sigr-
að í deildinni íjögur ár í
röð. Haldið þið að liðið hafi
getu og vilja til að vinna
deildina líka í sumar?
„Við munum að sjálfsögðu
gera allt sem í okkar valdi
stendur til að vinna, en ég við-
urkenni að það verður alltaf
erfiðara og erfiðara að sigra.
Við spyrjum bara að leikslok-
um,“ segir Bjarki.
Hvaða lið haldið þið að
muni bítast um efstu sœtin?
Guðmundur: „Ég held að
við séum alveg sammála um
að KR og ÍA verði meðal þeirra
efstu í lok móts. Þá verða Eyja-
menn örugglega sterkir. Einnig
hef ég trú á norðanmönnunum
í Leiftri, þrátt fyrir að liðið hafi
ekki leikið sérstaklega vel að
undanförnu. Leiftur er með
marga nýja leikmenn sem eiga
eftir að gera góða hluti fyrir
Iiðið þegar fram í sækir.“
Hvað með þau lið sem
munu skipa neðstu sœti
deildarinnar?
Bjarki: „Keflavík á að
minnsta kosti erfitt sumar fyr-
ir höndum."
Guðmundur: „Já, og það
sama má segja um Stjörnuna.
Þeir eru samt með hörkulið og
gætu því endað í vænlegu
sæti. Þá hefur mér þótt Vals-
menn vera háifdaprir upp á
síðkastið. Ég hef horft á flesta
leikina með þeim í vor og þá
vantar tilfinnanlega sterkan
sóknarleikmann. Þeir hafa ver-
ið að reyna erlenda sóknar-
leikmenn en ekki gengið sem
skyldi — þeir hafa verið send-
ir strax aftur til síns heima
með næstu flugvél. Ef Valsarar
næla sér aftur á móti í sterkan
sóknarleikmann á næstunni
kunna þeir að lenda ofarlega á
töflunni í sumar.“
Framtíðin felst í
yfirbyggðum grasvöllum
Nú hefur tíðin verið með
eindœmum góð í vetur og nú
eru sennilega flest lið í efri
deildum farin að œfa á
grasi. Hefur tíðarfarið ekki
mikið að segja um hvernig
fyrstu leikirnir spilast?
Guðmundur: „Leikmenn eru
sennilega í betra leikformi en á
sama tíma í fyrra, því nú hefur
til að mynda verið hægt að
spila fjöimarga grasleiki. I fyrra
var aðeins leikið á gervigrasi
við hræðilegar aðstæður: rign-
ingu, slyddu og snjókomu til
skiptis."
Felst þá lausnin í að
byggja yfir grasvellina eins
og Norðmenn hafa verið öt-
ulir við síðustu árin?
Bjarki: „Það væru sannar-
lega mikil viðbrigði til hins
betra. Vonandi verður þessi
möguleiki fyrir hendi eftir
nokkur ár,“
Lengsta undirbúnings-
tímabil í heimi!
Er ekki leiðigjarnt að und-
irbúa sig í rúma sex mánuði
fyrir fjögurra mánaða
keppnistímabil?
Guðmundur: „Við búum
sennilega við lengsta undir-
búningstímabil í heimi, en það
er víst lítið sem hægt er að
gera við því. Þau lið sem æfa
hvað mest byrja strax í
október og stendur undirbún-
ingurinn sleitulaust fram að
fyrsta leik íslandsmótsins
— sem er í lok maímánaðar.
Að meðaltali æfa bestu liðin
fimm til sex sinnum í viku allan
veturinn. Það er því komin
mikil tilhlökkun í leikmenn
þegar þeir sjá fram á að undir-
búningstímabilinu sé lokið og
mótið að hefjast.“
Nú hlýtur knattspyrnan að
taka allan ykkar frítíma. Er
ekki erfitt að gera ekkert
annað en œfa?
Guðmundur: „Það koma
auðvitað tímabil þegar maður
fær yfir sig nóg af þessu — það
er reyndar aðeins yfir vetrar-
tímann. Keppnistímabilið er
nú svo stutt hér á landi að það
liggur við að ómögulegt sé að
verða leiður."
Nú hefur þú, Guðmundur,
tekið þátt í undirbúningi
meðal atvinnumanna er-
lendis. Á hvern hátt er sá
undirbúningur öðru vísi en
hér heima?
„Undirbúningur atvinnu-
manna er gjörólíkur því sem
þekkist hér heima. Úti stendur
tímabilið í um níu mánuði. Síð-
an fá leikmenn frí í tæpa tvo
mánuði og æfa í rúman mánuð
áður en tímabilið hefst að
nýju. Það er því ólíku saman
að jafna.“
Atvinnumennskan
heillar sem fyrr
Hefurðu ekki hug á að
reyna aftur fyrir þér í at-
vinnumennsku?
„Það er sennilega draumur
flestra knattspyrnumanna að
spila fyrir alvöru peninga. Það
KR-ingurinn Guðmundur Benediktsson og Skagamaðurinn
Bjarki Pétursson: Tveir af bestu knattspyrnumönnum okkar af
yngri kynslóðinni. Báðir hafa þeir einkum spilað í framlínunni.
Sá fyrrnefndi hefur þegar reynt fyrir sér úti í Belgíu, en lenti í
þrálátum meiðslum og neyddist til að snúa aftur á klakann.
Vonast þó til að komast út aftur seinna meir. Sá síðarnefndi
gælir við atvinnumennskuna eins og allir í svipaðri aðstöðu og
getur illa varist samanburði við Pétur bróður sinn. Mymi: ií,,, sm.,n
skiptir máli að standa sig vel í
sumar svo forkólfar erlendra
liða sýni mér einhvern áhuga.
Annars verður sífellt erfiðara
að komast út í atvinnu-
mennsku — ekki síst eftir að
landamæri Austur-Evrópu
opnuðust. Til dæmis eru þús-
undir knattspyrnumanna frá
gömlu Júgóslavíu að spila í
öllum deildum í Þýskalandi."
Bjarki: „Eins hafa margir
leikmenn frá Afríku komið til
Evrópu að spila..."
Guðmundur: „...Já, en að-
eins fyrir appelsínur og epli.
Nei, annars að öllu gamni
slepptu þá kosta Afríkumenn-
irnir liðin ekki miklar fjárhæð-
ir í samanburði við evrópska
leikmenn. Auk þess sætta þeir
sig við miklu lægri laun en
kollegar þeirra í Evrópu. Það
er því við ramman reip að
draga. Fyrir nokkrum árum
voru íslenskir atvinnumenn
að leika með stórum klúbbum
í Evrópu, en það heyrir til
undantekninga í dag. Nú leika
íslenskir atvinnumenn fiestir
með slakari liðum en áður.
Ástæðan er sennilega fyrst og
fremst aukið framboð knatt-
spyrnumanna í álfunni."
En eru íslenskir knatt-
spyrnumenn nokkuð nógu
góðir?
Guðmundur: „Ég held að ís-
lensk knattspyrna sé að verða
betri með árunum. Við þurf-
um aðeins að skoða árangur
landsliðsins síðustu ár til að
sannfærast um það.“
Stefni á að feta
í fótspor Péturs bróður
En hvað með þig Bjarki...
Stefnir þú á að fara í at-
vinnumennsku?
„Það hefur nú blundað í
mér, enda hef ég farið utan og
æft með nokkrum liðum. Ég
hef hins vegar ekki gert samn-
ing við neitt erlent félag.“
Yrði ekki erfitt að feta í
fótspor eldri bróður sem lék
með stórum félögum í
Evrópu?
„Okkur hefur nú verið líkt
saman í ófá skiptin, en við er-
um aftur á móti að mörgu leyti
ólíkir knattspyrnumenn. Pétur
var mestan sinn feril í framlín-
unni, en ég hef nú einnig leikið
sem kant- og miðjumaður. Ég
hef reynt að láta þennan sam-
anburð ekki hafa áhrif á mig.“
Aukinn fjöldi
erlendra leikmanna
Eins og kom fram hér á
undan hefur fjöldi erlendra
leikmanna hér — ekki síst
frá lýðveldum gömlu Júgó-
slavíu — aukist mikið hin
síðari ár. Hvaða áhrif hefur
það haft á íslenska knatt-
spyrnu?
Guðmundur: „Ég tel að
flestir þessara leikmanna hafi
sett svip á knattspyrnuna og
stuðlað að framförum, en það
er hins vegar engin allsherjar
lausn fyrir félög að fá til sín er-
lenda leikmenn. Svo virðist
sem aðstandendur margra
liða haldi að svo sé og þar af
leiðandi koma hingað knatt-
spyrnumenn að utan sem eru
ekkert betri en íslenskir leik-
menn. Það verður að vanda
valið á slíkum leikmönnum því
kostnaður vegna þeirra getur
verið mikill."
Geta þessi leikmanna-
kaup ekki sligað félögin þeg-
ar fram í sækir?
Guðmundur: „Það er alls
ekki víst, því peningarnir virð-
ast vera meiri hjá mörgum
knattspyrnudeildum en öðr-
um deildum. Það er athyglis-
vert í því samhengi að bera
saman Val, sem er íslands-
meistari í handknattleik, og ÍA,
sem er íslandsmeistari í knatt-
spyrnu. Valsmenn kvarta ár
eftir ár yfir féleysi og hafa vart
efni á að senda lið til þátttöku
í Evrópukeppni. Á sama tíma
mala Skagamenn gull fyrir
þátttöku í Evrópukeppnum.
Það er því ólíku saman að
jafna, handbolta og fótbolta."
Það skiptir vœntanlega
gríðarmiklu máli fyrir knatt-
spyrnulið að komast í Evr-
ópukeppnirnar?
Bjarki: „Því er ekki að neita
að það eru umtalsverðar fjár-
hæðir í boði fyrir lið sem taka
þátt í Evrópukeppni. Skagalið-
ið hefur tekið þátt í Evrópu-
keppninni nokkur ár í röð og
það hefur hjálpað mikið við
rekstur félagsins. Á þessum
tíma hefur verið byggð stúka
og leikmenn hafa notið góðs af
árangrinum á einn eða annan
hátt. Það skiptir því í raun höf-
uðmáli að komast í þessar evr-
ópsku keppnir."
Hefur aukið fjármagn ýtt
undir einhvers konar at-
vinnumennsku hér á landi?
Guðmundur: „Nei, ég held
ekki. Því er samt ekki að neita
að félögin gera vel við leik-
menn — ekki síst þá sem enn
eru í skóla. Þá hjálpa félögin
gjarnan leikmönnum að fá
vinnu sem gerir þeim kleift að
stunda æfingar að marki.“