Morgunblaðið - 09.05.2003, Qupperneq 7

Ágæti kjósandi.
Það er ekki tilviljun að umræður í kosningabaráttunni
hafa að miklu leyti snúist um stefnu og áhersluatriði
Samfylkingarinnar. Við höfum markað okkur skýra sýn
til framtíðar. Við höfum talað fyrir samfélagi sem byggir
á mannvirðingu og reisn. Við teljum tímabært að inn-
leiða nýjar áherslur og ný vinnubrögð sem grundvallast
á skýrum og einföldum leikreglum lýðræðisins.
Við viljum stöðugleika en ekki stöðnun. Við höfum
kynnt tillögur okkar um jöfnuð og réttlæti, aukna
menntun, trausta umgjörð um öflugt atvinnulíf og
velferðarkerfi sem við getum verið hreykin af. Við viljum
útrýma sárustu fátæktinni og skapa sátt um skiptingu
arðs af sameiginlegum auðlindum okkar.
Við vitum að við getum gert gott samfélag betra á
næstu árum. Öll sjáum við fjölmörg tækifæri til framfara.
Samfylkingin teflir fram þrautreyndum frambjóðendum
um land allt sem eru reiðubúnir til þess að takast á við
þau verkefni af miklum heilindum.
Ég er reiðubúin til að leiða það starf fái Samfylkingin til
þess brautargengi. Tækifæri til nýrrar sóknar er núna.
Nýtum það.