Morgunblaðið - 09.05.2003, Qupperneq 60
KIRKJUSTARF
60 FÖSTUDAGUR 9. MAÍ 2003 MORGUNBLAÐIÐ
DAGANA 15.–18. maí er boðið til
kyrrðardaga hjóna í Skálholti og
eru þetta síðustu kyrrðardagarnir
á þessu vori. Þeir hefjast svo aftur
með haustinu.
Meðal þeirra er annast leiðsögn á
þessum kyrrðardögum hjóna eru
Sigurbjörn biskup Einarsson og
kona hans Magnea Þorkelsdóttir
sem segja frá helgihaldi á heimili
sínu. Hjónin Þorvaldur Halldórsson
tónlistarmaður og Margrét Schev-
ing sálgæsluþjónn og Sigríður Hall-
dórsdóttir prófessor og sr. Gunn-
laugur Garðarsson á Akureyri og
fleiri annast hugleiðingar í tali og
tónum.
Mikil áhersla er á andlega og lík-
amlega hvíld og boðið er upp á
fræðandi útivist.
Kyrrðardagarnir hefjast á
fimmtudagskvöld með kvöldtíðum
og kvöldverði, síðan verður dag-
skráin kynnt og biskupshjónin
Magnea og Sigurbjörn leiða um-
ræður um helgihald á heimilum.
Síðar um kvöldið fellur þögnin yfir.
Dagskrá næstu daga felur í sér
hvíld, útivist og hugleiðingar auk
hins venjubundna helgihalds stað-
arins. Kyrrðardögunum lýkur með
hádegisverði á sunnudag.
Eins og fyrr segir eru þessir
kyrrðardagar ætlaðir hjónum sem
vilja eiga þá sameiginlega reynslu
að fara í hvarf, draga sig í hlé frá
áreiti hversdagsins. Efni hugleið-
inga og íhugana beinist að sjálf-
sögðu að aðstæðum þátttakenda,
hjóna sem vilja gera gott hjóna-
band betra og vilja efla hinn trúar-
lega þátt á heimili sínu.
Nánari upplýsingar og skráning
er í Skálholtsskóla, sími 486 8870,
netfang skoli@skalholt.is.
Vorferð aldraðra í
Grensáskirkju
NÆSTKOMANDI miðvikudag, 14.
maí, verður vorferð starfs aldraðra
í Grensáskirkju.
Að þessu sinni verður farið suður
með sjó og skoðuð þar nokkur söfn.
Um er að ræða Fræðasetrið í Sand-
gerði, Björgunarminjasafn Íslands í
Garðinum og Bátasafn Gríms í
Reykjanesbæ.
Lagt verður af stað frá Grens-
áskirkju kl. 9 að morgni og heim-
koma er áætluð um kl. 16. Ferðin
kostar 2.000 krónur og innifalinn
er hádegismatur í Vitanum í Sand-
gerði. Skráning í ferðina fer fram í
Grensáskirkju í síma 553 2750 og
lýkur á mánudag.
Morgunblaðið/Jim Smart
Kyrrðardagar hjóna í Skálholti
Hallgrímskirkja. Eldriborgarastarf í dag kl.
13. Leikfimi, æfingar við allra hæfi, undir
stjórn Jóhönnu Sigríðar. Súpa, kaffi og
spjall. Allir velkomnir.
Laugarneskirkja. Mömmumorgunn kl. 10.
Kaffispjall fyrir mæður, góð upplifun fyrir
börn. Gönguhópurinn Sólarmegin. Lagt af
stað frá kirkjunni kl. 10.30 alla miðvikud.
og föstud. næstu vikur. Allir velkomnir. (Sjá
síðu 650 í Textavarpi.)
Breiðholtskirkja. Mömmumorgnar kl. 10–
12. Kaffi og spjall. Af hverju koma pabbar
ekki á fjölskyldumorgna?
Fella- og Hólakirkja. Starf fyrir 8–10 ára
drengi á laugardögum kl. 11. Starf fyrir 11–
12 ára drengi á laugardögum kl. 12.30.
Boðunarkirkjan, Hlíðarsmára 9. Samkom-
ur alla laugardaga kl. 11. Bænastund alla
þriðjudaga kl. 20. Biblíufræðsla allan sólar-
hringinn á Útvarp Boðun FM 105,5. Allir
alltaf velkomnir.
Fríkirkjan Kefas. Í dag er 11–13 ára starf
kl. 19.30. Allir 11–13 ára eru hjartanlega
velkomnir.
Hvítasunnukirkjan á Akureyri. Unglinga-
samkoma kl. 21.
Hjálpræðisherinn á Akureyri. Flóamarkað-
ur frá kl. 10–18 í dag.
Kirkja sjöunda dags aðventista.
Samkomur laugardag:
Aðventkirkjan, Ingólfsstræti 19. Biblíu-
fræðsla kl. 10. Guðsþjónusta kl. 11.
Ræðumaður Björgvin Snorrason.
Loftsalurinn, Hólshrauni 3, Hafnarfirði.
Biblíufræðsla/guðsþjónusta kl. 11. Ræðu-
maður Brynjar Ólafsson. Biblíurannsókn og
bænastund á fimmtudögum kl. 20.
Safnaðarheimili aðventista, Blikabraut 2,
Keflavík: Biblíufræðsla kl. 10.15. Guðs-
þjónusta kl. 11. Umsjón: Unga fólkið.
Biblíurannsókn og bænastund á föstudög-
um kl. 19.
Safnaðarheimili aðventista, Gagnheiði
40, Selfossi. Biblíufræðsla kl. 10. Guðs-
þjónusta kl. 11. Ræðumaður Maxwell
Ditta.
Aðventkirkjan, Brekastíg 17, Vestmanna-
eyjum. Biblíufræðsla/guðsþjónusta kl.
10.30. Ræðumaður Gavin Anthony.
Biblíurannsókn og bænastund á sunnu-
dögum kl. 13.
Safnaðarstarf
FRÉTTIR
RÁÐHERRA Evrópumála í slóv-
ensku ríkisstjórninni, dr. Janez Pot-
ocnik, verður gestafyrirlesari í Há-
skóla Íslands 12. maí í tilefni
Evrópudagsins. Dr. Potocnick fer
með málefnasvið Evrópumála í slóv-
ensku ríkisstjórninni og hefur verið
í forsvari fyrir aðildarviðræður
Slóveníu gagnvart ESB.
Fyrirlestur hans fjallar um áhrif
stækkunar ESB á smærri ríki og
nefnist á ensku: „Enlargement of
the EU from a small-state perspect-
ive: Slovenian experience.“
„Evrópudagurinn 9 maí er rakinn
til svokallaðrar Schuman-yfirlýsing-
ar frá árinu 1950. Þann dag klukkan
18.00 lýsti Robert Schuman, þáver-
andi utanríkisráðherra Frakklands,
því yfir, að samrunaferli Evrópu
væri hafið. Yfirlýsingin leiddi til
undirritunar Parísarsáttmálans um
kola- og stálbandalag Evrópu um
það bil ári síðar,“ segir í frétta-
tilkynningu.
Af þessu tilefni bjóða Fastanefnd
framkvæmdastjórnar ESB gagn-
vart Íslandi og Noregi, franska
sendiráðið, Háskóli Íslands, Félag
stjórnmálafræðinga og Félag
stjórnmálafræðinema við Háskóla
Íslands til opins fyrirlestrar sem fer
fram í Hátíðasal Háskóla Íslands
mánudaginn 12. maí kl. 16.30 og er
hann á ensku.
Dr. Ólafur Þ. Harðarson, forseti
félagsvísindadeildar, mun sjá um
fundarstjórn. Félag stjórnmála-
fræðinga, ásamt félagi stjórnmála-
fræðinema við Háskóla Íslands,
stýrir pallborðsumræðum. Allir vel-
komnir.
Fjallar um
áhrif stækk-
unar ESB á
smærri ríki
NÝLEGA gangsetti fyrrverandi
umhverfisráðherra, Guðmundur
Bjarnason, nýja jarðgerðarvél á
Sólheimum.
Vélin er af gerðinni Aletrumman
en hún var hönnuð og framleidd af
fyrirtækinu Japan Vest AB í Sví-
þjóð. Tilkoma vélarinnar bætir til
muna möguleika á endurvinnslu á
Sólheimum. Hún getur endurunnið
allar matarleifar og garðaúrgang
en áður var einungis hægt að end-
urvinna grænmeti og garðaúr-
gang. Einnig styttir hún jarðgerð-
arferlið og gerir það öruggara.
Vélin hefur hlotið nafnið Frú Jarð-
gerður.
Moltan, en svo nefnist jarðveg-
urinn sem úr vélinni fæst, er síðan
notaður til lífrænnar ræktunar.
Á Sólheimum er upphaf líf-
rænnar ræktunar á Norð-
urlöndum, í atvinnu er lögð
áhersla á lífræna ræktun, vinnslu
afurða úr náttúrulegum efnum og
endurvinnslu, þar er allt heim-
ilissorp flokkað. Allur lífrænn
heimilisúrgangur er jarðgerður.
Ný jarðgerðarvél
á Sólheimum
Samfylkingin fagnar
ályktun miðstjórnar ASÍ
móta sér sjálfstæðar stjórnmálaskoð-
anir.
Samfylkingin fagnar hverju tæki-
færi til að taka þátt í málefnalegri um-
ræðu um stefnumál flokksins og er
tilbúin að ræða þau við fulltrúa hags-
munaaðila hvar og hvenær sem er.
Flokkurinn gerir hins vegar athuga-
semdir við að forstjórar stórfyrir-
tækja misnoti aðstöðu sína gagnvart
starfsfólki til að afflytja og rangtúlka
stefnumál Samfylkingarinnar.
MORGUNBLAÐINU hefur borist
eftirfarandi yfirlýsing frá Samfylk-
ingunni:
Samfylkingin fagnar ályktun mið-
stjórnar ASÍ, þar sem miðstjórnin
mótmælir tilraunum forsvarsmanns
Útgerðarfélags Akureyringa og
Brims til þess að hafa með ólögmæt-
um hætti áhrif á stjórnmálaskoðanir
starfsmanna sinna. Með þessum
hætti stendur Alþýðusambandið mik-
ilvægan vörð um rétt launafólks til að
DAGANA 18. til 25. maí verður
Gitte Hüttel Rasmussen, nýkrýndur
Evrópumeistari í blómaskreyting-
um 2003, stödd hér á landi á vegum
Garðyrkjuskólans. Hún verður með
þriggja daga námskeið fyrir nem-
endur blómaskreytingabrautar
skólans og tvo daga fyrir fagfólk í
blómaskreytingum. Námskeiðið fyr-
ir fagfólkið verður fimmtudaginn 22.
maí og föstudaginn 23. maí frá kl. 9
til 17 báða dagana. Á þessu nám-
skeiði mun hún fara yfir nýjustu
strauma og stefnur í blómaskreyt-
ingum í Evrópu 2003. Námskeiðið
verður bæði bóklegt og verklegt.
Þetta er tækifæri sem enginn fag-
maður má missa af, enda ekki á
hverjum degi sem við fáum jafn-
reynda konu í faginu til landsins,
segir í fréttatilkynnngu. Námskeið-
ið fer fram í húsakynnum Garð-
yrkjuskólans en vakin er athygli á
því að fjöldi námskeiðsgesta tak-
markast við 16. Skráningar og nán-
ari upplýsingar fást á skrifstofu
skólans eða á heimasíðu hans, www.
reykir.is.
Evrópumeist-
arinn í blóma-
skreytingum á
leið til landsins
Hveragerði. Morgunblaðið.
Lýst eftir
vitnum
LÖGREGLAN í Reykjavík
lýsir eftir vitnum að ákeyrslu
á kyrrstæðan fólksbíl 5. maí
sl. milli kl. 14 og 14.30 við
Laugaveg 114. Ekið var á
hægri hliðina á rauðum Opel
Vectra en tjónvaldur yfirgaf
vettvang án þess að tilkynna
tjónið. Því er hann eða aðrir
sem geta gefið frekari upplýs-
ingar beðnir að snúa sér til
umferðardeildar lögreglunnar
í Reykjavík.
FERÐAÞJÓNUSTA bænda stefnir
að því að vera í fararbroddi í um-
hverfisvænni ferðaþjónustu á
landsbyggðinni og að innan
tveggja ára hafi allir ferðaþjón-
ustubændur markað sér umhverf-
isstefnu sem byggist á staðardag-
skrá 21. Í fyrradag afhenti Siv
Friðleifsdóttir, umhverf-
isráðherra, 800.000 krónur í styrk
til verkefnisins. Styrkurinn er
tekinn af ráðstöfunarfé rík-
isstjórnarinnar.
Sævar Skaptason, fram-
kvæmdastjóri Ferðaþjónustu
bænda, segir að styrkurinn muni
renna til námskeiðahalds, þjálf-
unar og vinnu við að taka upp
umhverfisvottun.
Morgunblaðið/Kristinn
Sævar Skaptason tekur við styrkn-
um úr hendi Sivjar Friðleifsdóttur,
umhverfisráðherra.
Stefna á forystu
í umhverfis-
vænni ferða-
mennsku
♦ ♦ ♦