Morgunblaðið - 10.07.2004, Blaðsíða 4
FRÉTTIR
4 LAUGARDAGUR 10. JÚLÍ 2004 MORGUNBLAÐIÐ
MEISTARAVERKIÐ VERNON G. LITTLE EFTIR DBC PIERRE
GEGNSÝRÐ AF KOLSVÖRTUM
HÚMOR OG NÍSTANDI KALD-
HÆÐNI. EN BIRTIR JAFNFRAMT
NÝSTÁRLEGA SÝN Á VERULEIKA
ALMENNINGS Á VESTURLÖNDUM
BJARTUR
BOOKER-VERÐLAUNIN
ÁRIÐ 2003
KOMIN ÚT Á ÍSLENSKU!
FLEIRI frjókorn mældust
í Reykjavík í júnímánuði
síðastliðnum en nokkru
sinni áður, eða 1.086 frjó á
rúmmetra, samkvæmt
mælingum Náttúrufræði-
stofnunar Íslands. Fyrra
met var sett í júní í fyrra.
Framundan er aðalfrjótími
grasa hér á landi og verði
skilyrði til frjódreifingar
góð á þeim tíma, þurrviðra-
samt og einhver gola, þá
býst Náttúrufræðistofnun
Íslands við háum frjótölum,
einkum á stöðum þar sem
gras fær að vaxa.
Í tilkynningu frá
Náttúrufræðistofnun segir
að hagstætt vor og gróðrar-
tíð hafi haft þau áhrif á allan gróður að ýmsar tegundir hafi blómg-
ast mun fyrr en í venjulegu árferði. Kemur það fram í miklum
fjölda frjókorna annarra tegunda en þeirra sem tíundaðar eru
vegna ofnæmisáhrifa á fólk. Í hópi annarra frjótegunda bar mest í
ár á furu-, reyni-, stara- og yllifrjóum og frjóum af ertublómaætt.
Til hennar teljast bæði lúpína og gullregn.
Að sögn dr. Margrétar Hallsdóttur hjá Náttúrufræðistofnun Ís-
lands var frjótími birkis í Reykjavík að mestu liðinn þegar júní
gekk í garð. Stóð hann yfir í rúmar tvær vikur.
Heildarfjöldi birkifrjóa reyndist vera vel yfir meðallagi í ár, 625
frjó á rúmmetra. Sjálf frjótalan fór einu sinni yfir 100, varð hæst
114 í lok maí, eins og sjá má á meðfylgjandi mynd.
Frjókorn á Akureyri yfir meðallagi
Á Akureyri varð heildarfjöldi frjókorna í júnímánuði 508 á rúm-
metra, sem er yfir meðaltali mælinga frá því að þær hófust nyrðra
fyrir sjö árum en svipað og í fyrra. Þar mældust birkifrjó samfellt
frá 20. maí til 14. júní sl. Er þetta rétt um meðallengd birkitímans á
Akureyri.
Grasfrjó hafa mælst samfellt síðan 5. júní og urðu þau fleiri en í
meðalári, 106 á rúmmetra, sem er þó heldur færra en metárið í
fyrrasumar.
Fleiri frjókorn
í júní en nokkru
sinni áður
STJÓRNIR Kvenréttindafélags Íslands og
Kvenfélagasambands Íslands skora á for-
svarsmenn ríkisstjórnarflokkanna að jafna
hlut kynjanna við fyrirhugaðar breytingar á
ríkisstjórn í haust. Segir í áskorun frá stjórn-
unum að við síðustu þingkosningar hafi hlut-
ur kvenna á Alþingi minnkað verulega og það
hlutfall kvenna, sem nú sé á Alþingi og í ríkis-
stjórn, sé óviðunandi til lengdar.
Vilja jafna hlut kynjanna
í ríkisstjórn í haust
BORGARRÁÐ hefur samþykkt afmörkun á
nýjum svæðum þar sem gilda reglur um 30
kílómetra hámarkshraða og koma til fram-
kvæmda á þessu ári. Áætlaður kostnaður
vegna framkvæmdanna er tæplega 60 millj-
ónir króna.
Hverfin sem um ræðir eru: Norðurmýri,
sem afmarkast af Grettisgötu og Skipholti í
norðri, Nóatúni í austri, Flókagötu og Miklu-
braut í suðri og Snorrabraut í vestri og er þá
átt við götur sem eru innan þessa svæðis. Há-
markshraði verður þó óbreyttur á Háteigs-
vegi og Rauðarárstíg frá Flókagötu. Önnur
svæði sem breytingin nær til er íbúahverfi
norðan Háaleitisbrautar, Ofanleiti, Sunnu-
vegur, Stjörnugróf og Blesugróf og í Hamra-
hverfi í Grafarvogi.
Morgunblaðið/Árni Sæberg
30 kílómetra hámarks-
hraði í fleiri hverfum
MAGNI R. Magnússon, kaupmaður og mynt-
safnari, á Laugaveginum er kominn með ís-
lensku evrurnar sem greint var frá í Morgun-
blaðinu nýlega að svissneskt fyrirtæki hefði
gefið út. Íslendingar hafa sem kunnugt er
ekki tekið upp evruna og því hafa myntsafn-
arar tekið forskot á sæluna. Myntpeningarnir
eru í vönduðum umbúðum, þar sem með
fylgir texti á íslensku og þýsku um land og
þjóð, auk mynda af gömlum myntum og seðl-
um sem Seðlabankinn hefur gefið út í gegn-
um tíðina.
Að sögn Magna hafa albúm sem þessi verið
vinsæl meðal ferðamanna og hefur hann þeg-
ar pantað fleiri eintök frá Sviss.
Morgunblaðið/Árni Sæberg
Magni myntsafnari
kominn með evrurnar
SKIPVERJI féll sex metra niður um lestarop
og lenti á löndunardælu á Vopnafirði í gær-
dag. Högg kom á barka sem notaður er við
dælinguna og missti maðurinn jafnvægið af
þeim sökum. Maðurinn var fluttur með
sjúkraflugi til Reykjavíkur og kvartaði undan
sársauka í mjöðm og mjóbaki.
Vinnuslys á Vopnafirði
BJÖRN Rúnar Lúðvíksson, sér-
fræðingur í ónæmis- og ofnæmis-
fræðum, segir langa biðlista vera
meðal sinna
starfsbræðra af
fólki sem þjáist af
ofnæmi fyrir frjó-
kornum hvers
konar. Mikil
ásókn sé í þjón-
ustu sérfræðinga,
ekki síst á þess-
um árstíma.
„Mín tilfinning
er sú að fólk sé
fyrr í vandræðum
núna en áður,“ segir Björn Rúnar
sem telur að vænta hafi mátt auk-
innar tíðni birkiofnæmis, sér í lagi
eftir síðasta sumar þegar magn frjó-
korna var óvenju hátt. Við slíkar að-
stæður aukist hættan á að fólk fái of-
næmi. Erfitt sé þó að mæla aukna
tíðni nema með sérstökum rann-
sóknum.
„Frjókornatölur eru hærri núna
en á sama tíma í fyrra. Miðað við
hvernig tíðarfarið er og hefur verið,
með hækkandi hita og aukinni gras-
sprettu, þá horfum við fram á slæma
tíma framundan fyrir þá sem eru
með frjókornaofnæmi, sérstaklega
fyrir grasinu,“ segir Björn Rúnar.
Finni fólk fyrir einkennum eins og
kláða og sviða í augum og koki, nef-
rennsli, hnerra og asma ráðleggur
Björn Rúnar því að leita læknis og fá
greiningu á því hvaða frjókornum
það hefur ofnæmi fyrir. Meðferðin sé
mismunandi eftir einkennum og al-
varleika þeirra. Sé fólk með viðvar-
andi einkenni segir Björn Rúnar al-
gengara að notuð séu fyrirbyggjandi
lyf, s.s. töflur og nefúði. Sé ekkert að
gert geti einkennin endað með sýk-
ingu og öðru verra. Virki ekki hefð-
bundin meðferð er fólk sent í bólu-
setningu gegn ofnæmi.
Langur biðlisti fólks
hjá ofnæmislæknum
Með auknu frjómagni eykst hættan á að fólk fái ofnæmi
Morgunblaðið/Þorkell
Sláttur er eitur í beinum þeirra sem
þjást af gróðurofnæmi. Sérfræð-
ingar í ofnæmisfræðum hafa ekki
undan ásókn í þeirra lækningar.
Björn Rúnar
Lúðvíksson
HÉRAÐSDÓMUR Reykjavíkur hefur tekið
fyrir mál fyrrverandi skólastjóra Rafiðnaðar-
skólans en hann er sakaður um að hafa dreg-
ið sér um 27 milljónir af endurmenntunar-
gjaldi skólans. Skólastjórinn neitaði sök fyrir
héraðsdómi í gær.
Í einkamáli í fyrravor dæmdi Héraðsdómur
Reykjavíkur manninn til að greiða Endur-
menntunarsjóði rafeindavirkja tæplega 32
milljónir sem dómurinn taldi að hann hefði
tekið sér af reikningi sjóðsins í heimildarleysi
á árunum 1994 til 2001. Fram kom í dóm-
skjölum að eftir að skólastjóranum var sagt
upp störfum hefði hann afsalað bæði fasteign
sinni og bifreið til einkahlutafélags.
Sakaður um hátt í 30
milljóna kr. fjárdrátt
FYRIR þá sem þjást af gróður- og frjókornaofnæmi koma
hér nokkur hollráð frá Birni Rúnari.
Ætli menn í útilegu eða sumarbústað er gott að taka
ofnæmislyf meðan á dvöl stendur.
Betra er að hafa bílglugga ekki opna á ferð.
Sofið ekki með opna glugga á herbergjunum, ekki síst
þegar er þurrt og vindasamt.
Látið þvott ekki þorna úti á snúrum, svo hann safni ekki í
sig frjókornum.
Fyrir þá sem eru með mjög slæmt ofnæmi, og hafa verið
úti allan daginn, borgar sig að fara í sturtu þegar inn er
komið og skipta um föt.
Nokkur hollráð
BIFREIÐ valt á Bústaðavegarbrú
við gatnamót Hringbrautar og Bú-
staðavegar um hádegisbil í gær.
Slysið varð með þeim hætti að öku-
maður á leið suður Bústaðaveg ók
utan í steypublokkir sem eru á Bú-
staðavegarbrúnni vegna vegafram-
kvæmda við færslu Hringbrautar,
með þeim afleiðingum að bílnum
hvolfdi.
Kvartaði ökumaður undan verkj-
um í fótum og baki, að sögn lögregl-
unnar í Reykjavík. Var hann fluttur
með sjúkrabíl á slysadeild Landspít-
ala-háskólasjúkrahúss til skoðunar.
Vegna færslu Hringbrautar eru
miklar framkvæmdir hafnar við Bú-
staðaveg og ástæða til að benda öku-
mönnum á að sýna fyllstu varkárni.
Bifreið valt
í miðri borg
Morgunblaðið/Árni Sæberg