Morgunblaðið - 10.07.2004, Qupperneq 31

ÚR VESTURHEIMI
MORGUNBLAÐIÐ LAUGARDAGUR 10. JÚLÍ 2004 31
GÓÐ þátttaka var á Íslendingadög-
unum í Spanish Fork í Utah fyrir
skömmu en við það tækifæri voru
tveir fyrrverandi formenn Íslend-
ingafélagsins heiðraðir og nýr for-
maður tók við. Að þessu sinni voru
tveir sérstakir gestir frá Íslandi en
ljóst er að þeir verða nokkuð fleiri
að ári þegar þess verður minnst að
þá verða 150 ár frá því Íslendingar
settust fyrst að í Utah.
Richard Johnson hætti sem for-
seti Íslendingafélagsins og var
Kristy Robertson kjörin í hans stað
en Richard Williams var kjörinn
varaforseti. Í tengslum við Íslend-
ingadagana heiðrar félagið einn
eða tvo félagsmenn fyrir vel unnin
störf og að þessu sinni voru fyrr-
verandi formenn heiðraðir, þau
Vina Foster og John K. Johnson.
Hálfdán Helgason og Sigrún Brynj-
arsdóttir voru sérstakir gestir á há-
tíðinni, sem tókst vel að vanda. Ís-
lensk menningararfleifð var í
hávegum höfð og meðal annars
söng barnakór íslensk lög.
Á næsta ári er gert ráð fyrir
fjölda gesta 23. til 26. júní í tilefni
þess að þá verða 150 ár frá því Ís-
lendingar settust fyrst að í Utah. Í
tengslum við afmælishátíðina hefur
verið ákveðið að fara í umfangs-
miklar breytingar á svæðinu þar
sem íslenska minnismerkið er í
Spanish Fork og segir David
Ashby, upplýsingafulltrúi Íslend-
ingafélagsins, að safna þurfi að
minnsta kosti 80.000 dollurum til að
standa undir áætluðum fram-
kvæmdum sem á að ljúka fyrir af-
mælishátíðina 2005.
Fjölmenni
á Íslendinga-
dögum í Utah
Morgunblaðið/Steinþór
Bonnie og David Ashby fyrir framan íslenska minnismerkið í Spanish Fork.
FRAMKVÆMDIR við kirkju-
stæðið, þar sem Þingvallakirkj-
an stóð í Eyford skammt frá
Mountain í Norður-Dakota í
Bandaríkjunum þar til hún varð
eldi að bráð í fyrrasumar, ganga
samkvæmt áætlun.
Eftir brunann í fyrra var
ákveðið að reisa minnismerki
þar sem kirkjan stóð. Kirkju-
stæðið var hreinsað og hrundið
af stað söfnun vegna frekari
framkvæmda. Fyrir skömmu
var sáð í svæðið og er hug-
myndin að þar verði villtar
plöntur sem eru einkennandi
fyrir Norður-Dakota. ,,Við vilj-
um að fólk sjái þarna gróður
eins og varð á vegi Íslending-
anna þegar þeir fyrst fluttu til
Norður-Dakota,“ segir Curtis
Olafson, formaður kirkjustjórn-
ar og forseti Íslendingafélagsins
á svæðinu, the Icelandic Comm-
unities Association.
Auk ræktunarinnar er gert
ráð fyrir að reisa upplýsinga-
skilti um kirkjuna og fólkið sem
myndaði fyrsta íslenska sam-
félagið á svæðinu. Curtis segir
að ýmsar hugmyndir séu í gangi
og ekki verði anað að neinu.
,,Við tökum okkur þann tíma
sem þarf,“ segir hann.
Kirkjustæðið
hreinsað
Morgunblaðið/Steinþór
Formaðurinn og varaformaðurinn, Curtis Olafson og Leslie Geir, fyr-
ir framan kirkjugrunninn.
FÓLK af íslenskum ættum má finna í nánast öllum störfum í
Vesturheimi. Arnar Pálsson frá Árborg í Manitoba er flutn-
ingabílstjóri en rekur uppboðsfyrirtæki í hjáverkum og hefur
gert það í 11 ár. ,,Ég hef verið í akstrinum í 35 ár og uppboðin
eru bara áhugamál en þegar ég hætti að keyra langar mig til
að fara á fullt í sölumennskuna.“
Arnar má ekki vera að því að sjá um skipulagningu uppboð-
anna en félagi hans Philip Thorkelson sér um þá hlið mála.
,,Ég gæti ekki staðið í þessu ef ég hefði ekki Philip, því hann
sér um auglýsingarnar og skipuleggur uppboðin.“
Það getur verið ákveðin skemmtun fólgin í því að fylgjast
með uppboðum. ,,Þau eiga að vera skemmtileg,“ segir Arnar.
,,Ég æfi mig daglega meðan á akstrinum stendur og yfirleitt
stend ég mig betur einn með sjálfum mér. Aðalatriðið er að
vera heiðarlegur og miklu máli skiptir að fá fólkið til að hlæja.
Ég reyni að vera lifandi á uppboðspallinum og segi brandara.
Ef fólkið hlær er tilganginum náð.“
Fyrsta, annað og …
Arnar Pálsson á uppboðinu. Murray Kalcud að-
stoðar en Íslendingurinn Daníel Axelsson er fyrir
framan þá og aðstoðar við bókhaldið.
Morgunblaðið/Steinþór
GEIR Konráð Theodórsson og
Magnús Sigurðsson eru fyrstu strák-
arnir sem taka þátt í Snorraverkefn-
inu í Manitoba, Kanada. Verkefnið
Snorri West er nú haldið í fjórða sinn
og hafa þátttakendur aldrei verið
fleiri, en þeir eru átta að þessu sinni.
Snorraverkefnið á Íslandi hefur
verið í gangi síðan sumarið 1999 og nú
eru 15 krakkar frá Bandaríkjunum og
Kanada á Íslandi til að kynnast landi
og þjóð. Verkefnin eru með ámóta
sniði og standa yfir í sex vikur, en þau
eru fyrst og fremst hugsuð fyrir ald-
urshópinn 18 til 23 ára.
Í fyrra tóku fimm stúlkur þátt í
verkefninu í Manitoba, fjórar sumarið
2002 og tvær fyrsta sumarið. Nú eru
sex stúlkur, Kristín Elísabet Gunn-
arsdóttir, Anna Dóra Axelsdóttir,
Linda Björk Ómarsdóttir, Fanný Rut
Meldal Frostadóttir, Guðrún Mey-
vantsdóttir og Sigrún Björg Aradótt-
ir í hópnum auk piltanna tveggja.
Krakkarnir komu til Winnipeg 25.
júní og fara aftur til baka 7. ágúst.
Fyrstu vikuna voru þeir í Winnipeg,
þar sem línan var lögð. Um liðna helgi
héldu þátttakendurnir til á Willow
Island eða Víðinesi rétt sunnan við
Gimli, þar sem fyrstu Íslendingarnir,
sem settust að á svæðinu, komu að
landi 21. október 1875 eftir siglingu
norður Rauðá frá Winnipeg. Þessa
vikuna hafa krakkarnir verið í River-
ton en eftir það verða þeir hjá fjöl-
skyldum í Riverton, Árborg og Gimli.
Fyrstu strákarnir
í Snorraverkefninu vestra
Morgunblaðið/Steinþór
Íslensku ,,Snorrarnir“ við minnismerkið á Víðinesi um fyrstu Íslendingana
sem komu þar að landi 1875.Geir Konráð Theodórsson og Magnús Sigurðs-
son eru fyrir fram en standandi frá vinstri eru Kristín Elísabet Gunn-
arsdóttir, Anna Dóra Axelsdóttir, Linda Björk Ómarsdóttir, Fanný Rut
Meldal Frostadóttir, Guðrún Meyvantsdóttir og Sigrún Björg Aradóttir.